ਫੋਨ ਕਰਕੇ ਘਰਵਾਲੀ ਨੂੰ ਕਹਿੰਦਾ ਤੇਰਾ-ਮੇਰਾ ਰਿਸ਼ਤਾ ਖਤਮ, ਅਗਲੀ ਨੇ ਘਰ ਆਉਂਦੇ ਹੀ ਵੱਢ’ਤੀ ਧੌਣ
ਵੀਓਪੀ ਬਿਊਰੋ- ਝਾਰਖੰਡ ਦੇ ਕਸਬਾ ਮਸਲੀਆਂ ਦੇ ਮੁਰਗੀ ਮੋਡ ‘ਚ ਸ਼ਨੀਵਾਰ ਦੁਪਹਿਰ ਨੂੰ ਇਕ ਗੰਭੀਰ ਘਟਨਾ ਵਾਪਰੀ, ਜਿਸ ‘ਚ 30 ਸਾਲਾ ਅਨਵਰ ਰਾਜਾ ਦੇ ਗਲੇ ‘ਚ ਚਾਕੂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ। ਇਸ ਘਟਨਾ ਨੂੰ ਲੈ ਕੇ ਵੱਖ-ਵੱਖ ਬਿਆਨ ਸਾਹਮਣੇ ਆ ਰਹੇ ਹਨ। ਉੱਥੇ ਹੀ ਪੂਰੇ ਇਲਾਕੇ ਵਿੱਚ ਸਹਿਮ ਦਾ ਵੀ ਮਾਹੌਲ ਹੈ।
ਸੂਤਰਾਂ ਮੁਤਾਬਕ ਅਨਵਰ ਰਾਜਾ ਦਾ ਵਿਆਹ 2017 ‘ਚ ਪਿੰਡ ਦੀ ਤਬੱਸੁਮ ਨੂਰੀ ਨਾਲ ਹੋਇਆ ਸੀ। ਵਿਆਹ ਤੋਂ ਬਾਅਦ ਸਹੁਰੇ ਘਰ ‘ਚ ਤਕਰਾਰ ਸ਼ੁਰੂ ਹੋ ਗਿਆ। ਹੈਦਰਾਬਾਦ ਵਿੱਚ ਦਰਜ਼ੀ ਦਾ ਕੰਮ ਕਰਨ ਵਾਲੇ ਅਨਵਰ ਨੇ ਤਿੰਨ ਮਹੀਨੇ ਪਹਿਲਾਂ ਆਪਣੀ ਪਤਨੀ ਤਬੱਸੁਮ ਨੂੰ ਫ਼ੋਨ ਉੱਤੇ ਤਲਾਕ ਦੇ ਦਿੱਤਾ ਸੀ। ਇਸ ਤੋਂ ਬਾਅਦ ਤਬੱਸੁਮ ਦੇ ਪਿਤਾ ਕਾਦਿਰ ਰਾਜਾ ਨੇ ਉਸ ਨੂੰ ਆਪਣੇ ਘਰ ਬੁਲਾਇਆ। ਤਲਾਕ ਦੇ ਬਾਵਜੂਦ ਅਨਵਰ ਅਤੇ ਤਬੱਸੁਮ ਸੰਪਰਕ ਵਿੱਚ ਹਨ ਅਤੇ ਉਨ੍ਹਾਂ ਦੇ ਦੋ ਬੱਚੇ ਹਨ।
ਅਨਵਰ ਦੇ ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਸ਼ਨੀਵਾਰ ਦੁਪਹਿਰ ਤਬੱਸੁਮ ਨੇ ਅਨਵਰ ਨੂੰ ਆਪਣੇ ਸਹੁਰੇ ਘਰ ਬੁਲਾਇਆ। ਅਨਵਰ, ਜੋ ਤਬੱਸੁਮ ਨਾਲ ਦੁਬਾਰਾ ਵਿਆਹ ਕਰਨਾ ਚਾਹੁੰਦਾ ਸੀ, ਉੱਥੇ ਪਹੁੰਚ ਗਿਆ ਜਿੱਥੇ ਤਬੱਸੁਮ ਨੇ ਉਸ ਨੂੰ ਅੱਖਾਂ ਬੰਦ ਕਰਨ ਲਈ ਕਿਹਾ। ਜਿਵੇਂ ਹੀ ਅਨਵਰ ਨੇ ਅੱਖਾਂ ਬੰਦ ਕੀਤੀਆਂ, ਤਬੱਸੁਮ ਨੇ ਉਸ ਦੀ ਗਰਦਨ ‘ਤੇ ਚਾਕੂ ਨਾਲ ਹਮਲਾ ਕਰ ਦਿੱਤਾ। ਉਥੇ ਹੀ ਤਬੱਸੁਮ ਦੇ ਪਰਿਵਾਰਕ ਮੈਂਬਰਾਂ ਦਾ ਕਹਿਣਾ ਹੈ ਕਿ ਅਨਵਰ ਨੇ ਖੁਦ ਹੀ ਚਾਕੂ ਨਾਲ ਉਸਦਾ ਗਲਾ ਵੱਢਿਆ ਹੈ। ਉਨ੍ਹਾਂ ਦਾ ਦਾਅਵਾ ਹੈ ਕਿ ਤਲਾਕ ਦੇ ਬਾਵਜੂਦ ਅਨਵਰ ਤਬੱਸੁਮ ਨੂੰ ਆਪਣੇ ਘਰ ਲੈ ਜਾਣਾ ਚਾਹੁੰਦਾ ਸੀ ਅਤੇ ਜਦੋਂ ਤਬੱਸੁਮ ਨੇ ਇਨਕਾਰ ਕਰ ਦਿੱਤਾ ਤਾਂ ਉਸ ਨੇ ਗੁੱਸੇ ‘ਚ ਆ ਕੇ ਆਪਣਾ ਗਲਾ ਵੱਢ ਦਿੱਤਾ।
ਮਸਲੀਆਂ ਥਾਣਾ ਇੰਚਾਰਜ ਅਨਿਲ ਕੁਮਾਰ ਨੇ ਮੌਕੇ ‘ਤੇ ਪਹੁੰਚ ਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਵੱਲੋਂ ਵੱਖ-ਵੱਖ ਬਿਆਨ ਦਰਜ ਕਰਕੇ ਘਟਨਾ ਦੀ ਬਾਰੀਕੀ ਨਾਲ ਜਾਂਚ ਕੀਤੀ ਜਾ ਰਹੀ ਹੈ। ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਸ ਮਾਮਲੇ ਨੂੰ ਜਲਦ ਹੀ ਸੁਲਝਾ ਲਿਆ ਜਾਵੇਗਾ।
Husbandwife fight crime murder latest news jharkhand chhatisgarh
