ਮਰੇ ਬੰਦੇ ਨੂੰ ਜ਼ਿੰਦਾ ਕਰਨ ਆਏ ਤਾਂਤਰਿਕ, ਕੁਝ ਹੀ ਸਮੇਂ ‘ਚ ਪੂਰਾ ਪਿੰਡ ਹੋ ਗਿਆ ਹੈਰਾਨ
ਵੀਓਪੀ ਬਿਊਰੋ- ਅੱਜ ਵੀ ਲੋਕ ਕੁਦਰਤ ਅਤੇ ਵਿਗਿਆਨ ਤੇ ਵਿਸ਼ਵਾਸ ਕਰਨ ਤੋਂ ਦੂਰ ਹਨ ਅਤੇ ਜਾਦੂ ਟੂਣੇ ਵਰਗੀਆਂ ਗਲਤ ਸ਼ਰਾਰਤੀ ਹਰਕਤਾ ਉੱਤੇ ਜਿਆਦਾ ਵਿਸ਼ਵਾਸ ਕਰਦੇ ਹਨ। ਯੂਪੀ ਤੋਂ ਅਜਿਹਾ ਇੱਕ ਮਾਮਲਾ ਸਾਹਮਣੇ ਆਇਆ ਹੈ, ਜਿਥੇ ਇਕ ਪਰਿਵਾਰ ਦੇ ਇੱਕ ਸ਼ਖਸ ਦੀ ਮੌਤ ਹੋ ਜਾਂਦੀ ਹੈ ਅਤੇ ਕੁਝ ਲੋਕ ਉਹਨਾਂ ਨੂੰ ਉਸ ਲਾਸ਼ ਨੂੰ ਦੁਬਾਰਾ ਜਿੰਦਾ ਕਰਨ ਦਾ ਦਾਅਵਾ ਕਰਕੇ ਪੈਸੇ ਦੀ ਮੰਗ ਕਰਦੇ ਹਨ ਅਤੇ ਪਰਿਵਾਰ ਇਸ ਲਈ ਮੰਨ ਵੀ ਜਾਂਦੇ ਨੇ ਪਰ ਜਿਆਦਾ ਲੋਕਾਂ ਦੇ ਇਕੱਠੇ ਹੋਣ ਤੋਂ ਬਾਅਦ ਉਹਨਾਂ ਤਾਂਤਰਿਕਾਂ ਦੀ ਪੋਲ ਖੁੱਲ ਜਾਂਦੀ ਹੈ ਅਤੇ ਪੁਲਿਸ ਨੂੰ ਗਿਰਫਤਾਰ ਕਰ ਲੈਂਦੀ ਆਓ ਜਾਣਦੇ ਹਾਂ ਸਾਰਾ ਮਾਮਲਾ।
ਯੂਪੀ ਦੇ ਗੋਰਖਪੁਰ ਤੋਂ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਇੱਕ ਪਿੰਡ ਪਹੁੰਚੇ ਦੋ ਪੁਰਸ਼ਾਂ ਅਤੇ ਇੱਕ ਔਰਤ ਤਾਂਤਰਿਕ ਨੇ ਦਾਅਵਾ ਕੀਤਾ ਕਿ ਉਹ ਇਸ ਲਾਸ਼ ਨੂੰ ਦੁਬਾਰਾ ਜ਼ਿੰਦਾ ਕਰ ਦੇਣਗੇ। ਜਿਸ ਤੋਂ ਬਾਅਦ ਉੱਥੇ ਕਾਫੀ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ।
ਇਕ ਆਦਮੀ ਅਤੇ ਔਰਤ ਤਾਂਤਰਿਕ ਨੇ ਕਿਹਾ ਕਿ ਅਸੀਂ ਉਸ ਨੂੰ ਜ਼ਿੰਦਾ ਵਾਪਸ ਲਿਆਵਾਂਗੇ ਪਰ ਬਦਲੇ ਵਿਚ ਪੈਸੇ ਲਵਾਂਗੇ। ਜਿਸ ਤੋਂ ਬਾਅਦ ਪਰਿਵਾਰਕ ਮੈਂਬਰਾਂ ਨੇ ਸੋਚ ਸਮਝ ਕੇ ਮ੍ਰਿਤਕ ਦੇਹ ਨੂੰ ਜ਼ਿੰਦਾ ਕਰਨ ਦਾ ਫੈਸਲਾ ਕੀਤਾ। ਫਿਰ ਤਾਂਤਰਿਕਾਂ ਨੇ ਤੰਤਰ-ਮੰਤਰ ਸ਼ੁਰੂ ਕੀਤਾ। ਦਰਅਸਲ ਚੌਰੀਚੌਰਾ ਥਾਣਾ ਖੇਤਰ ਦੇ ਛੋਟੇਕੀ ਬਾਰੀ ਪਿੰਡ ਦੇ ਰਹਿਣ ਵਾਲੇ 48 ਸਾਲਾ ਲੋਰਿਕ ਦੀ ਸਿਹਤ ਕੁਝ ਦਿਨਾਂ ਤੋਂ ਖਰਾਬ ਸੀ। ਘਰ ਦੇ ਲੋਕ ਇਲਾਜ ਕਰਵਾ ਰਹੇ ਸਨ ਪਰ ਕੋਈ ਖਾਸ ਫਾਇਦਾ ਨਹੀਂ ਹੋਇਆ। ਇਸੇ ਦੌਰਾਨ ਬੀਤੀ ਰਾਤ ਉਸ ਦੀ ਅਚਾਨਕ ਮੌਤ ਹੋ ਗਈ।
ਸਵੇਰੇ ਲੋਕ ਮ੍ਰਿਤਕ ਦੇਹ ਦੇ ਅੰਤਿਮ ਸੰਸਕਾਰ ਦੀਆਂ ਤਿਆਰੀਆਂ ਕਰ ਰਹੇ ਸਨ। ਇਸ ਦੌਰਾਨ ਇਕ ਹੋਰ ਭਾਈਚਾਰੇ ਦੇ ਦੋ ਪੁਰਸ਼ ਅਤੇ ਇਕ ਔਰਤ ਤਾਂਤਰਿਕ ਮੌਕੇ ‘ਤੇ ਪਹੁੰਚ ਗਏ। ਉਨ੍ਹਾਂ ਕਿਹਾ ਕਿ ਅਸੀਂ ਇਸ ਮ੍ਰਿਤਕ ਦੇਹ ਨੂੰ ਮੁੜ ਜ਼ਿੰਦਾ ਕਰਾਂਗੇ। ਸਿਰਫ ਤੁਹਾਨੂੰ ਖਰਚੇ ਦਾ ਭੁਗਤਾਨ ਕਰਨਾ ਹੋਵੇਗਾ। ਅਸੀਂ ਇਸ ਤਰ੍ਹਾਂ ਦਾ ਕੰਮ ਪਹਿਲਾਂ ਵੀ ਕਰ ਚੁੱਕੇ ਹਾਂ, ਪਰ ਇਸ ‘ਤੇ ਜ਼ਿਆਦਾ ਪੈਸਾ ਖਰਚ ਹੋਵੇਗਾ। ਜੇ ਤੁਸੀਂ ਲੋਕ ਤਿਆਰ ਹੋ ਤਾਂ ਅਸੀਂ ਆਪਣਾ ਕਾਰਨਾਮਾ ਕਰਾਂਗੇ। ਪਰਿਵਾਰ ਦੀ ਸਹਿਮਤੀ ਮਿਲਣ ਤੋਂ ਬਾਅਦ ਤਾਂਤਰਿਕ ਨੇ ਆਪਣਾ ਤੰਤਰ ਅਭਿਆਸ ਸ਼ੁਰੂ ਕਰ ਦਿੱਤਾ। ਤਾਂਤਰਿਕਾਂ ਨੇ ਇੱਕ ਕਿਤਾਬ ਕੱਢੀ ਅਤੇ ਪੜ੍ਹਨਾ ਸ਼ੁਰੂ ਕਰ ਦਿੱਤਾ। ਫਿਰ ਉਨ੍ਹਾਂ ਨੇ ਮ੍ਰਿਤਕ ਦੇਹ ‘ਤੇ ਪਾਣੀ ਅਤੇ ਫੁੱਲ ਪਾਉਣੇ ਸ਼ੁਰੂ ਕਰ ਦਿੱਤੇ। ਜਦੋਂ ਦੋ ਘੰਟੇ ਬਾਅਦ ਵੀ ਲਾਸ਼ ‘ਚ ਕੋਈ ਹਿਲਜੁਲ ਨਾ ਹੋਈ ਤਾਂ ਲੋਕ ਇਸ ਨੂੰ ਫਰਜ਼ੀ ਸਮਝਣ ਲੱਗੇ। ਇਸ ਦੌਰਾਨ ਪਿੰਡ ਵਾਸੀ ਵੱਡੀ ਗਿਣਤੀ ਵਿੱਚ ਇਕੱਠੇ ਹੋ ਗਏ। ਇਸ ਦੌਰਾਨ ਕਿਸੇ ਨੇ ਪੁਲਿਸ ਨੂੰ ਸੂਚਨਾ ਦਿੱਤੀ।
ਇਸ ਤੋਂ ਬਾਅਦ ਪੁਲਸ ਨੇ ਪਿੰਡ ਪਹੁੰਚ ਕੇ ਤਿੰਨਾਂ ਤਾਂਤਰਿਕਾਂ ਨੂੰ ਗ੍ਰਿਫਤਾਰ ਕਰ ਲਿਆ ਅਤੇ ਲਾਸ਼ ਨੂੰ ਸਸਕਾਰ ਲਈ ਭੇਜ ਦਿੱਤਾ।
