ਪਾਕਿਸਤਾਨ ‘ਚ ਸਕੂਲ ਨੇੜੇ ਭਿਆਨਕ ਬੰਬ ਬਲਾਸਟ, ਪੰਜ ਵਿਦਿਆਰਥੀਆਂ ਸਣੇ 7 ਦੀ ਮੌ××ਤ
ਵੀਓਪੀ ਇੰਟਰਨੈਸ਼ਨਲ ਬਿਊਰੋ – ਭਾਰਤ ਦੇ ਗੁਆਂਢੀ ਦੇਸ਼ ਪਾਕਿਸਤਾਨ ਦੇ ਬਲੋਚਿਸਤਾਨ ਸੂਬੇ ਵਿੱਚ ਇੱਕ ਧਮਾਕੇ ਵਿੱਚ ਪੰਜ ਸਕੂਲੀ ਵਿਦਿਆਰਥੀਆਂ ਸਮੇਤ ਸੱਤ ਲੋਕਾਂ ਦੀ ਮੌਤ ਹੋ ਗਈ। ਮੀਡੀਆ ਰਿਪੋਰਟਾਂ ਮੁਤਾਬਕ ਮਸਤੁੰਗ ਦੇ ਸਿਵਲ ਹਸਪਤਾਲ ਚੌਕ ‘ਤੇ ਗਰਲਜ਼ ਹਾਈ ਸਕੂਲ ਨੇੜੇ ਕਥਿਤ ਤੌਰ ‘ਤੇ ਪੁਲਿਸ ਵਾਹਨ ਨੂੰ ਨਿਸ਼ਾਨਾ ਬਣਾਉਣ ਵਾਲੇ ਧਮਾਕੇ ‘ਚ ਪੰਜ ਬੱਚੇ, ਇੱਕ ਪੁਲਿਸ ਮੁਲਾਜ਼ਮ ਅਤੇ ਇੱਕ ਪੈਦਲ ਯਾਤਰੀ ਮਾਰੇ ਗਏ।
ਸਬ-ਡਿਵੀਜ਼ਨਲ ਪੁਲਿਸ ਅਧਿਕਾਰੀ (SDPO) ਮਿਆਂਦਾਦ ਉਮਰਾਨੀ ਨੇ ਦੱਸਿਆ ਕਿ ਮੋਟਰਸਾਈਕਲ ਵਿੱਚ ਰਿਮੋਟ ਕੰਟਰੋਲ ਵਿਸਫੋਟਕ ਯੰਤਰ ਫਿੱਟ ਕੀਤਾ ਗਿਆ ਸੀ। ਰਿਪੋਰਟਾਂ ਦੇ ਅਨੁਸਾਰ, ਮ੍ਰਿਤਕ ਸਕੂਲੀ ਵਿਦਿਆਰਥੀ – ਲੜਕੇ ਅਤੇ ਲੜਕੀਆਂ ਸਮੇਤ – ਦੀ ਉਮਰ 10 ਤੋਂ 13 ਸਾਲ ਦੇ ਵਿਚਕਾਰ ਸੀ। ਜ਼ਖ਼ਮੀਆਂ ਵਿੱਚ ਚਾਰ ਪੁਲਿਸ ਮੁਲਾਜ਼ਮ ਵੀ ਸ਼ਾਮਲ ਹਨ।
ਮਸਤਾਂਗ ਦੇ ਡਿਪਟੀ ਕਮਿਸ਼ਨਰ ਮੀਰ ਬਾਜ਼ ਖਾਨ ਮਰੀ ਨੇ ਦੱਸਿਆ ਕਿ ਦੋਵਾਂ ਹਸਪਤਾਲਾਂ ਵਿੱਚ ਐਮਰਜੈਂਸੀ ਘੋਸ਼ਿਤ ਕਰ ਦਿੱਤੀ ਗਈ ਹੈ। ਇਸ ਦੌਰਾਨ ਬਲੋਚਿਸਤਾਨ ਦੇ ਮੁੱਖ ਮੰਤਰੀ ਸਰਫਰਾਜ਼ ਬੁਗਤੀ ਨੇ ਧਮਾਕੇ ਦੀ ਨਿੰਦਾ ਕੀਤੀ ਅਤੇ ਜਾਨ-ਮਾਲ ਦੇ ਨੁਕਸਾਨ ‘ਤੇ ਦੁੱਖ ਪ੍ਰਗਟ ਕੀਤਾ। ਉਨ੍ਹਾਂ ਸ਼ਹੀਦ ਪੁਲਿਸ ਮੁਲਾਜ਼ਮਾਂ ਅਤੇ ਸਕੂਲੀ ਬੱਚਿਆਂ ਦੇ ਪਰਿਵਾਰਾਂ ਨਾਲ ਹਮਦਰਦੀ ਪ੍ਰਗਟਾਈ।
