ਹਰਸ਼ ਕੁਮਾਰ ਅਤੇ ਐਸ਼ਵਰਿਆ ਨੇ ਮੈਗਨੀਚਿਊਡ-2024 ‘ਤੇ ਮਿਸਟਰ ਅਤੇ ਮਿਸ ਮੈਗਨੀਟਿਊਡ ਦਾ ਤਾਜ ਪਹਿਨਾਇਆ
ਜਲੰਧਰ (ਵੀਓਪੀ ਬਿਊਰੋ) – ਐਲਪੀਯੂ ਨੇ ਸਾਲਾਨਾ ਓਪਨ ਇੰਟਰਾ-ਯੂਨੀਵਰਸਿਟੀ ਮੁਕਾਬਲੇ, ਮੈਗਨਿਟਿਊਡ-2024 ਦਾ ਆਯੋਜਨ ਕੀਤਾ, ਜਿਸ ਵਿੱਚ ਵਿਦਿਆਰਥੀਆਂ ਨੇ ਆਪਣੀ ਰਚਨਾਤਮਕਤਾ, ਨਵੀਨਤਾ ਅਤੇ ਕਲਾ ਦਾ ਪ੍ਰਦਰਸ਼ਨ ਕੀਤਾ। ਇਹ ਮੁਕਾਬਲਾ ਯੂਨੀਵਰਸਿਟੀ ਦੇ ਸਾਰੇ ਵਿਦਿਆਰਥੀਆਂ ਲਈ ਖੁੱਲ੍ਹਾ ਸੀ, ਜਿਸ ਨਾਲ ਜੇਤੂਆਂ ਨੂੰ ਐਲਪੀਯੂ ਦੇ ਓਪਨ ਗਲੋਬਲ ਫੈਸਟ ਯੂਥ ਵਾਈਬ ਵਿੱਚ ਹਿੱਸਾ ਲੈਣ ਦਾ ਮੌਕਾ ਮਿਲਦਾ ਹੈ।
ਇਸ ਮੁਕਾਬਲੇ ਵਿੱਚ ਸਾਊਂਡਸਕੇਪ, ਵਾਇਸ ਆਫ਼ ਮੈਗਨੀਟਿਊਡ, ਮੈਗ ਗਾਲਾ, ਸਟੀਚ ਐਂਡ ਸਟਾਈਲ ਅਤੇ ਓਪਨ ਮਾਈਕ ਸੈਸ਼ਨਾਂ ਸਮੇਤ ਕਈ ਤਰ੍ਹਾਂ ਦੇ ਈਵੈਂਟ ਸ਼ਾਮਲ ਸਨ। ਹਰਸ਼ ਕੁਮਾਰ ਅਤੇ ਐਸ਼ਵਰਿਆ ਨੇ ਮਿਸਟਰ ਐਂਡ ਮਿਸ ਮੈਗਨੀਟਿਊਡ 2024 ਦਾ ਤਾਜ ਜਿੱਤਿਆ ਅਤੇ ਓਵਰਆਲ ਚੈਂਪੀਅਨ ਦਾ ਖਿਤਾਬ ਸਟੈਪ ਲੀਜੈਂਡਜ਼ ਟੀਮ ਨੂੰ ਮਿਲਿਆ। ਇਸ ਤੋਂ ਇਲਾਵਾ, ਪ੍ਰਸਿੱਧ ਗਾਇਕਾ ਸਵਾਤੀ ਮਿਸ਼ਰਾ ਨੇ ਆਪਣੀ ਮਨਮੋਹਕ ਆਵਾਜ਼ ਨਾਲ ਦਰਸ਼ਕਾਂ ਦਾ ਮਨ ਮੋਹ ਲਿਆ, ਜਿਸ ਨਾਲ ਗ੍ਰੈਂਡ ਫਿਨਾਲੇ ਦੇ ਜੀਵੰਤ ਮਾਹੌਲ ਨੂੰ ਹੋਰ ਵੀ ਖੁਸ਼ਹਾਲ ਕੀਤਾ ਗਿਆ।
ਗ੍ਰੈਂਡ ਫਿਨਾਲੇ ਵਿੱਚ ਲਵਲੀ ਪ੍ਰੋਫੈਸ਼ਨਲ ਯੂਨੀਵਰਸਿਟੀ ਦੀ ਪ੍ਰੋ-ਚਾਂਸਲਰ ਕਰਨਲ ਡਾ: ਰਸ਼ਮੀ ਮਿੱਤਲ ਨੇ ਕਿਹਾ, “ਐਲਪੀਯੂ ਵਿੱਚ, ਅਸੀਂ ਆਪਣੇ ਵਿਦਿਆਰਥੀਆਂ ਨੂੰ ਸਸ਼ਕਤ ਬਣਾਉਣ ਅਤੇ ਉਹਨਾਂ ਦੀ ਪ੍ਰਤਿਭਾ ਨੂੰ ਨਿਖਾਰਨ ਵਿੱਚ ਵਿਸ਼ਵਾਸ ਰੱਖਦੇ ਹਾਂ ਜਿੱਥੇ ਸਾਡੇ ਵਿਦਿਆਰਥੀਆਂ ਦੀ ਅਸਾਧਾਰਣ ਸਮਰੱਥਾ ਨੂੰ ਪਛਾਣ ਮਿਲਦਿ ਹੈ ।”
ਈਵੈਂਟ ਦੇ ਹੋਰ ਉੱਘੇ ਪ੍ਰਾਪਤੀਆਂ ਵਿੱਚ ਮਿਸਟਰ ਟ੍ਰੈਂਡਸੈਟਰ ਗੁਰਸਿਮਰਨ ਸਿੰਘ, ਮਿਸ ਟ੍ਰੈਂਡਸੈਟਰ ਮੇਘਨ, ਮਿਸਟਰ ਕਰਿਸ਼ਮੈਟਿਕ ਦਕਸ਼ ਡਾਗਰ, ਮਿਸ ਕਰਿਸ਼ਮੇਟਿਕ ਕੁਮਾਰੀ ਸੋਨੀ, ਮਿਸਟਰ ਸ਼ੋਅ ਸਟਾਪਰ ਚੰਦਨ ਸਿੰਘ ਅਤੇ ਸ਼ੋ ਸਟਾਪਰ ਪੂਜਾ ਸ਼ਾਮਲ ਸਨ।
