ਦਰਦਨਾਕ ਸੜਕ ਹਾਦਸਾ, ਦਰੱਖਤ ਨਾਲ ਟਕਰਾਈ ਕਾਰ ‘ਚ 6 ਨੌਜਵਾਨਾਂ ਦੀ ਮੌ××ਤ
ਦੇਹਰਾਦੂਨ (ਵੀਓਪੀ ਬਿਊਰੋ) ਉੱਤਰਾਖੰਡ ਦੇ ਦੇਹਰਾਦੂਨ ‘ਚ ਵਾਪਰੇ ਸੜਕ ਹਾਦਸੇ ‘ਚ 6 ਨੌਜਵਾਨਾਂ ਦੀ ਮੌਤ ਹੋ ਗਈ ਹੈ, ਇਸ ਹਾਦਸੇ ‘ਚ ਇਕ ਵਿਅਕਤੀ ਜ਼ਖਮੀ ਵੀ ਹੋ ਗਿਆ ਹੈ।
ਇਹ ਹਾਦਸਾ ਕੈਂਟ ਇਲਾਕੇ ਦੇ ਓਐੱਨਜੀਸੀ ਚੌਕ ਨੇੜੇ ਦੇਰ ਰਾਤ ਵਾਪਰਿਆ। ਇਨੋਵਾ ਕਾਰ ਪਹਿਲਾਂ ਕੰਟੇਨਰ ਅਤੇ ਫਿਰ ਦਰੱਖਤ ਨਾਲ ਟਕਰਾ ਗਈ। ਪੁਲਿਸ ਅਨੁਸਾਰ ਕਾਰ ਕਿਸ਼ਨਨਗਰ ਚੌਕ ਦੀ ਸੀ। ਓਐੱਨਜੀਸੀ ਚੌਕ ’ਤੇ ਇੱਕ ਤੇਜ਼ ਰਫ਼ਤਾਰ ਕਾਰ ਨੇ ਕੰਟੇਨਰ ਨੂੰ ਟੱਕਰ ਮਾਰ ਦਿੱਤੀ। ਕਾਰ ਦੀ ਟੱਕਰ ਇੰਨੀ ਜ਼ਬਰਦਸਤ ਸੀ ਕਿ ਕਾਰ ਦਾ ਬੋਨਟ ਕੰਟੇਨਰ ਦੇ ਪਿੱਛੇ ਫਸ ਗਿਆ। ਇਸ ਤੋਂ ਬਾਅਦ ਕਾਰ ਗਲਤ ਦਿਸ਼ਾ ‘ਚ ਕਰੀਬ 100 ਮੀਟਰ ਦੂਰ ਇਕ ਦਰੱਖਤ ਨਾਲ ਟਕਰਾ ਗਈ।
ਹਾਦਸੇ ‘ਚ ਕਾਰ ਦੇ ਪਰਖੱਚੇ ਉੱਡ ਗਏ। ਕਾਰ ਵਿੱਚ ਸਵਾਰ ਛੇ ਨੌਜਵਾਨਾਂ ਅਤੇ ਔਰਤਾਂ ਦੀ ਮੌਤ ਹੋ ਗਈ। ਹਾਦਸੇ ‘ਚ ਕੁਝ ਲੋਕਾਂ ਦੀਆਂ ਲਾਸ਼ਾਂ ਦੇ ਟੁਕੜੇ-ਟੁਕੜੇ ਹੋ ਗਏ। ਮਿ੍ਤਕਾਂ ਦੀ ਪਹਿਚਾਣ ਗੁਨੀਤ ਉਮਰ 19 ਸਾਲ ਵਾਸੀ ਜੀ.ਐਮ.ਐਸ ਰੋਡ, ਕੁਨਾਲ ਉਮਰ 23 ਸਾਲ ਵਾਸੀ ਰਾਜਿੰਦਰ ਨਗਰ ਵਾਸੀ ਚੰਬਾ ਹਿਮਾਚਲ ਪ੍ਰਦੇਸ਼, ਨਵਿਆ ਗੋਇਲ ਉਮਰ 23 ਸਾਲ ਵਾਸੀ ਤਿਲਕ ਰੋਡ, ਅਤੁਲ ਅਗਰਵਾਲ ਉਮਰ 24 ਸਾਲ ਵਾਸੀ ਕਾਲੀਦਾਸ ਰੋਡ, ਕਾਮਾਕਸ਼ਾ, ਉਮਰ 20 ਸਾਲ ਵਾਸੀ ਕੰਵਾਲੀ ਰੋਡ ਅਤੇ ਰਿਸ਼ਵ ਜੈਨ ਵਾਸੀ ਰਾਜਪੁਰ ਰੋਡ ਵਜੋਂ ਹੋਈ ਹੈ। 25 ਸਾਲਾ ਸਿਧੇਸ਼ ਅਗਰਵਾਲ ਗੰਭੀਰ ਜ਼ਖਮੀ ਹੈ।
