ਜਲੰਧਰ (ਰੰਗਪੁਰੀ) ਜਲੰਧਰ ਦੇ ਵਾਰਡ ਨੰਬਰ 66 ਦੇ ਵਿੱਚ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਨਿਖਿਲ ਅਰੋੜਾ ਦੇ ਭਰਾ ਗੌਰਵ ਅਰੋੜਾ ਨੂੰ ਥੱਪੜ ਮਾਰਿਆ ਗਿਆ | ਮਾਰਪੀਟ ਦਾ ਆਰੋਪ ਸਾਬਕਾ ਕੌਂਸਲਰ ਅਤੇ ਕਾਂਗਰਸ ਦੇ ਉਮੀਦਵਾਰ ਬੰਟੀ ਨੀਲਕੰਠ ‘ਤੇ ਲੱਗਾ ਹੈ|
ਮੰਗਲਵਾਰ ਦੀ ਦੇਰ ਰਾਤ ਸੰਗਤ ਨਗਰ ਦੇ ਵਿੱਚ ਸ਼ਰਾਬ ਦੀ ਲੱਦੀ ਇਕ ਮਹਿੰਦਰਾ ਪਿਕਅਪ ਗੱਡੀ ਪਹੁੰਚੀ| ਜਿਸ ਨੂੰ ਨਿਖਿਲ ਅਰੋੜਾ ਦੇ ਭਰਾ ਗੌਰਵ ਅਰੋੜਾ ਨੇ ਰੋਕ ਲਿਆ ਅਤੇ ਫੇਸਬੁਕ ਤੇ ਲਾਈਵ ਸ਼ੁਰੂ ਕਰਕੇ ਆਰੋਪ ਲਗਾਇਆ ਕਿ ਇਹ ਸ਼ਰਾਬ ਕਾਂਗਰਸ ਦੇ ਉਮੀਦਵਾਰ ਬੰਟੀ ਨੀਲਕੰਠ ਦੀ ਹੈ| ਜਿਸ ਤੋਂ ਕੁਝ ਦੇਰ ਬਾਅਦ ਬੰਟੀ ਨੀਲਕੰਠ ਆਪਣੇ ਸਮਰਥਕਾਂ ਨਾਲ ਉਥੇ ਪਹੁੰਚ ਗਿਆ ਅਤੇ ਵਾਰ-ਵਾਰ ਗੌਰਵ ਅਰੋੜਾ ਸ਼ਰਾਬ ਦਾ ਆਰੋਪ ਬੰਟੀ ਨੀਲਕੰਠ ‘ਤੇ ਲਗਾ ਰਿਹਾ ਸੀ| ਤਾਂ ਤੈਸ਼ ਵਿੱਚ ਆ ਕੇ ਬੰਟੀ ਨੀਲਕੰਠ ਨੇ ਗੌਰਵ ਦੇ ਥੱਪੜ ਮਾਰ ਦਿੱਤਾ ਜੋ ਕਿ ਵੀਡੀਓ ਵਿੱਚ ਵੀ ਸਾਫ ਨਜ਼ਰ ਆ ਰਿਹਾ ਹੈ|
ਇਸ ਤੋਂ ਬਾਅਦ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਅਤੇ ਨਿਖਿਲ ਅਰੋੜਾ ਅਤੇ ਉਸਦੇ ਸਾਥੀ ਵੀ ਮੌਕੇ ‘ਤੇ ਪਹੁੰਚ ਗਏ| ਜਿਸ ਤੋਂ ਬਾਅਦ ਬੰਟੀ ਨੀਲਕੰਠ ਉਸਦਾ ਭਰਾ ਬੱਬੂ ਨੀਲਕੰਠ ਅਤੇ ਉਹਨਾਂ ਦੇ ਸਾਥੀ ਵੀ ਮੌਕੇ ਤੇ ਪੁੱਜ ਗਏ| ਇਸ ਦੌਰਾਨ ਦੋਨਾਂ ਧਿਰਾਂ ਵਿੱਚ ਕਾਫੀ ਗਾਲੀ-ਗਲੋਚ ਵੀ ਹੋਇਆ|
ਜਦੋਂ ਮੌਕੇ ਤੇ ਪੁਲਿਸ ਪਹੁੰਚੀ ਤਾਂ ਨਿਖਿਲ ਅਰੋੜਾ ਇੱਕ ਪੁਲਿਸ ਅਧਿਕਾਰੀ ਨੂੰ ਕਹਿ ਰਿਹਾ ਸੀ ਕਿ ਮੈਂ ਚੋਣ ਕਮਿਸ਼ਨ ਨੂੰ ਆਨਲਾਈਨ ਨੂੰ ਸ਼ਿਕਾਇਤ ਪਾ ਦਿੱਤੀ ਹੈ ਤੁਸੀਂ ਕਾਰਵਾਈ ਕਰੋ|
ਉੱਥੇ ਹੀ ਦੂਜੇ ਪਾਸੇ ਬੰਟੀ ਨੀਲਕੰਠ ਨੇ ਆਪਣੇ ਉੱਪਰ ਲੱਗੇ ਆਰੋਪਾਂ ਤੋਂ ਇਨਕਾਰ ਕੀਤਾ ਅਤੇ ਕਿਹਾ ਕੀ ਸ਼ਰਾਬ ਉਹਨਾਂ ਦੀ ਨਹੀਂ ਹੈ ਇਸ ਦੀ ਜਾਂਚ ਕਰਵਾ ਲਈ ਜਾਵੇ|
