ਕਰਜ਼ਾ ਨਾ ਮੋੜਿਆ ਗਿਆ ਤਾਂ ਘਰਵਾਲੀ ਤੇ ਪੁੱਤ ਦਾ ਕੀਤਾ ਕ+ਤ+ਲ, ਖੁਦ ਫਾ+ਹਾ ਲੈਣ ਲੱਗਾ ਤਾਂ ਘਬਰਾਇਆ
ਪੁਣੇ (ਵੀਓਪੀ ਬਿਊਰੋ):Murder, suicide, ajab gajab ਕਰਜ਼ੇ ਤੋਂ ਤੰਗ ਆ ਕੇ ਇੱਕ ਵਿਅਕਤੀ ਨੇ ਆਪਣੀ ਪਤਨੀ ਅਤੇ ਪੁੱਤਰ ਦਾ ਕਤਲ ਕਰ ਦਿੱਤਾ ਅਤੇ ਫਿਰ ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਕੀਤੀ। ਇਹ ਦੁਖਦਾਈ ਘਟਨਾ ਪੁਣੇ ਦੇ ਚਿਖਾਲੀ ਇਲਾਕੇ ਵਿੱਚ ਵਾਪਰੀ। ਪੁਲਿਸ ਅਨੁਸਾਰ, ਵੈਭਵ ਹਾਂਡੇ ਨਾਮ ਦੇ ਇੱਕ ਵਿਅਕਤੀ ਨੇ ਆਪਣੀ ਪਤਨੀ ਸ਼ੁਭਾਂਗੀ (36 ਸਾਲ) ਅਤੇ ਪੁੱਤਰ ਧਨਰਾਜ (9 ਸਾਲ) ਨੂੰ ਨੀਂਦ ਦੀਆਂ ਗੋਲੀਆਂ ਦੇ ਕੇ ਮਾਰ ਦਿੱਤਾ। ਇਸ ਤੋਂ ਬਾਅਦ ਉਸਨੇ ਆਪਣੇ ਘਰ ਵਿੱਚ ਪੱਖੇ ਨਾਲ ਲਟਕ ਕੇ ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਕੀਤ ਪਰ ਫਿਰ ਘਬਰਾ ਕੇ ਖੁਦ ਮਰਨ ਦਾ ਵਿਚਾਰ ਬਦਲ ਲਿਆ।
ਪੁਲਿਸ ਨੇ ਇਸ ਮਾਮਲੇ ਵਿੱਚ ਸੰਤੋਸ਼ ਕਦਮ, ਸੁਰੇਖਾ ਕਦਮ, ਸੰਤੋਸ਼ ਪਵਾਰ ਅਤੇ ਜਾਵੇਦ ਖਾਨ ਨਾਮ ਦੇ ਚਾਰ ਲੋਕਾਂ ਖਿਲਾਫ਼ ਮਾਮਲਾ ਦਰਜ ਕੀਤਾ ਹੈ। ਵੈਭਵ ਹਾਂਡੇ ਇਸ ਸਮੇਂ ਹਸਪਤਾਲ ਵਿੱਚ ਇਲਾਜ ਅਧੀਨ ਹਨ।
ਵੈਭਵ ਹਾਂਡੇ ਨੇ ਸ਼ੁੱਕਰਵਾਰ ਰਾਤ ਨੂੰ ਆਪਣੇ 14 ਸਾਲ ਦੇ ਪੁੱਤਰ ਦੇ ਮੋਬਾਈਲ ‘ਤੇ ਇੱਕ ਸੁਨੇਹਾ ਭੇਜਿਆ ਸੀ, ਜਿਸ ਵਿੱਚ ਉਸਨੇ ਆਪਣੀ ਭਿਆਨਕ ਯੋਜਨਾ ਦਾ ਖੁਲਾਸਾ ਕੀਤਾ ਸੀ। ਸਵੇਰੇ ਸੁਨੇਹਾ ਪੜ੍ਹਨ ਤੋਂ ਬਾਅਦ, ਕਿਸ਼ੋਰ ਘਬਰਾ ਗਿਆ ਅਤੇ ਉਸਨੇ ਗੁਆਂਢੀਆਂ ਨੂੰ ਫ਼ੋਨ ਕੀਤਾ। ਜਦੋਂ ਗੁਆਂਢੀਆਂ ਨੇ ਘਰ ਦਾ ਦਰਵਾਜ਼ਾ ਖੜਕਾਇਆ ਅਤੇ ਕੋਈ ਜਵਾਬ ਨਾ ਮਿਲਿਆ ਤਾਂ ਉਨ੍ਹਾਂ ਨੇ ਪੁਲਿਸ ਨੂੰ ਸੂਚਿਤ ਕੀਤਾ। ਪੁਲਿਸ ਫਲੈਟ ਵਿੱਚ ਦਾਖਲ ਹੋਈ ਅਤੇ ਵੈਭਵ ਨੂੰ ਜ਼ਿੰਦਾ ਪਾਇਆ, ਜਿਸ ਤੋਂ ਬਾਅਦ ਉਸਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ।
ਪੁਲਿਸ ਨੇ ਮੁਲਜ਼ਮਾਂ ਖ਼ਿਲਾਫ਼ ਅਪਰਾਧਿਕ ਧਮਕੀ ਦਾ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਮਾਮਲੇ ਦੀ ਜਾਂਚ ਜਾਰੀ ਹੈ।
