ਸ਼ੇਅਰ ਮਾਰਕੀਟ ਨੇ ਨਿਵੇਸ਼ਕਾਂ ਨੂੰ ਕੀਤਾ ਰੌਣ-ਹਾਕੇ
ਮੁੰਬਈ (ਵੀਓਪੀ ਬਿਊਰੋ) ਕਾਫੀ ਲੰਬੇ ਸਮੇਂ ਤੋਂ ਸ਼ੇਅਰ ਮਾਰਕੀਟ ਨਿਵੇਸ਼ਕਾਂ ਨੂੰ ਰੁਆ ਰਹੀ ਹੈ। ਲਗਾਤਾਰ ਡਿੱਗ ਰਹੀ ਮਾਰਕੀਟ ਕਾਰਨ ਨਿੇਵਸ਼ਕਾਂ ਨੂੰ ਲੱਖਾਂ ਕਰੋੜਾਂ ਰੁਪਏ ਦਾ ਨੁਕਸਾਨ ਹੋ ਰਿਹਾ ਹੈ। ਪਿਛਲੇ ਹਫਤੇ ਵੀ ਮਾਰਕੀਟ ਦਾ ਹਾਲ ਬੁਰਾ ਰਿਹਾ ਅਤੇ ਇਸ ਹਫਤੇ ਦੀ ਸ਼ੁਰੂਆਤੀ ਦਿਨ ਵਿੱਚ ਹੀ ਮਾਰਕੀਟ ਨੇ ਆਪਣੇ ਨਿਵੇਸ਼ਕਾਂ ਨੂੰ ਰੋਣ ਹਾਕ ਕੇ ਹੋਣ ਲਈ ਮਜਬੂਰ ਕਰ ਦਿੱਤਾ ਹੈ।
Stock market down
ਅੱਜ ਬੀਐੱਸਈ ਸੈਂਸੈਕਸ 608.83 ਅੰਕ ਡਿੱਗ ਕੇ 75,330.38 ‘ਤੇ ਪਹੁੰਚ ਗਿਆ। ਇਸੇ ਤਰ੍ਹਾਂ, ਐੱਨਐੱਸਈ ਨਿਫਟੀ 194.50 ਅੰਕ ਡਿੱਗ ਕੇ 22,734.75 ਅੰਕਾਂ ‘ਤੇ ਪਹੁੰਚ ਗਿਆ। ਇਸ ਤਰ੍ਹਾਂ ਬਾਜ਼ਾਰ ਨੇ 23,800 ਦਾ ਆਪਣਾ ਮਹੱਤਵਪੂਰਨ ਸਮਰਥਨ ਤੋੜ ਦਿੱਤਾ ਹੈ। ਮਹਿੰਦਰਾ, ਟਾਟਾ ਸਟੀਲ, ਐੱਨਟੀਪੀਸੀ, ਜ਼ੋਮੈਟੋ, ਟੀਸੀਐੱਸ, ਇਨਫੋਸਿਸ ਆਦਿ ਵਿੱਚ ਵੱਡੀ ਗਿਰਾਵਟ ਆਈ ਹੈ। ਬਾਜ਼ਾਰ ਦੇ ਸਾਰੇ ਸੂਚਕਾਂਕ ਲਾਲ ਰੰਗ ਵਿੱਚ ਵਪਾਰ ਕਰ ਰਹੇ ਹਨ। ਅੱਜ ਮਿਡ ਕੈਪ ਅਤੇ ਸਮਾਲ ਕੈਪ ਵਿੱਚ ਵੀ ਵੱਡੀ ਗਿਰਾਵਟ ਆਈ ਹੈ।
ਪਿਛਲੇ ਹਫ਼ਤੇ, ਨਿਫਟੀ 2.8 ਪ੍ਰਤੀਸ਼ਤ ਡਿੱਗ ਗਿਆ ਅਤੇ ਇਹ ਗਿਰਾਵਟ ਦੇ ਮਾਮਲੇ ਵਿੱਚ ਇਸ ਸਾਲ ਦਾ ਸਭ ਤੋਂ ਭੈੜਾ ਹਫ਼ਤਾ ਸੀ। ਨਿਫਟੀ ਰਿਐਲਟੀ ਇੰਡੈਕਸ ਇਸ ਗਿਰਾਵਟ ਦੀ ਅਗਵਾਈ ਕਰਦਾ ਰਿਹਾ ਅਤੇ ਹਫ਼ਤੇ ਵਿੱਚ 9 ਪ੍ਰਤੀਸ਼ਤ ਤੋਂ ਵੱਧ ਡਿੱਗ ਗਿਆ। ਇਸ ਦੇ ਨਾਲ ਹੀ, ਨਿਫਟੀ ਤੇਲ ਅਤੇ ਗੈਸ ਸੂਚਕਾਂਕ 6 ਪ੍ਰਤੀਸ਼ਤ ਡਿੱਗ ਗਿਆ। ਹੁਣ ਤੱਕ, ਨਿਫਟੀ ਮਿਡਕੈਪ ਵਿੱਚ ਕੋਰੋਨਾ ਤੋਂ ਬਾਅਦ ਸਭ ਤੋਂ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲੀ ਹੈ। ਹਫ਼ਤੇ ਦੌਰਾਨ ਨਿਫਟੀ ਸਮਾਲਕੈਪ 250 ਇੰਡੈਕਸ 9.5 ਪ੍ਰਤੀਸ਼ਤ ਡਿੱਗ ਗਿਆ।
