ਕਪੂਰਥਲਾ ਦੇ ਨੌਜਵਾਨ ਨੇ ਖੁਦ ਹੀ ਬਣਾਏ ਅੱਖਾਂ ‘ਚ ਟੈਟੂ, ਕੁੜੀ ਵੀ ਦੇਖ ਦੇ ਹੋਈ ਇੰਪਰੈਸ ਤੇ ਕਰਵਾ ਲਿਆ ਵਿਆਹ
ਕਪੂਰਥਲਾ (ਵੀਓਪੀ ਬਿਊਰੋ)Punjab, ajab gajab, news
ਸ਼ੌਂਕ ਪੂਰਾ ਕਰਨ ਲਈ ਲੋਕ ਕਿਸੇ ਵੀ ਹੱਦ ਤੱਕ ਜਾ ਸਕਦੇ ਹਨ। ਕੁਝ ਲੋਕ ਪੈਸੇ ਦੇ ਨਾਲ ਆਪਣੇ ਸ਼ੌਂਕ ਪੂਰੇ ਕਰਦੇ ਹਨ ਅਤੇ ਕੁਝ ਲੋਕ ਜਨੂਨ ਦੇ ਨਾਲ ਆਪਣੇ ਸ਼ੌਂਕ ਪੂਰੇ ਕਰਦੇ ਹਨ। ਕਪੂਰਥਲਾ ਤੇ ਇੱਕ ਨੌਜਵਾਨ ਨੇ ਜਨੂਨ ਅਤੇ ਪੈਸੇ ਦੇ ਨਾਲ ਆਪਣੇ ਸ਼ੌਂਕ ਨੂੰ ਪੂਰਾ ਕਰਦਿਆ ਵੱਖਰਾ ਹੀ ਅਜਿਹਾ ਕੀਤਾ, ਜਿਸ ਨਾਲ ਹਰ ਇੱਕ ਦੇਖਣ ਵਾਲਾ ਹੈਰਾਨ ਰਹਿ ਜਾਂਦਾ ਹੈ।
ਲੋਕਾਂ ਦੇ ਮੂੰਹੋਂ ਅਕਸਰ ਸੁਣਿਆ ਜਾਂਦਾ ਹੈ ਕਿ ਸ਼ੌਂਕ ਦੀ ਕੋਈ ਸੀਮਾ ਨਹੀਂ ਹੁੰਦੀ ਅਤੇ ਕੁਝ ਲੋਕ ਅਜਿਹੇ ਹੁੰਦੇ ਹਨ ਜੋ ਆਪਣੇ ਸ਼ੌਕ ਪੂਰੇ ਕਰਨ ਲਈ ਹਮੇਸ਼ਾ ਕੋਈ ਵੀ ਹੱਦ ਪਾਰ ਕਰਨ ਲਈ ਤਿਆਰ ਰਹਿੰਦੇ ਹਨ, ਅਜਿਹਾ ਹੀ ਕੁਝ ਪੰਜਾਬ ਦੇ ਕਪੂਰਥਲਾ ਦੇ ਰਹਿਣ ਵਾਲੇ ਸਰੋਮਨ ਨੇ ਕੀਤਾ, ਜਿਸਨੇ ਆਪਣੀਆਂ ਦੋਵਾਂ ਅੱਖਾਂ ‘ਚ ਟੈਟੂ ਬਣਵਾਏ ਹੋਏ ਹਨ।
ਲੋਕ ਆਪਣੇ ਸਰੀਰ ਦੇ ਵੱਖ-ਵੱਖ ਹਿੱਸਿਆਂ ‘ਤੇ ਟੈਟੂ ਬਣਵਾਉਣ ਲਈ ਲੱਖਾਂ ਰੁਪਏ ਖਰਚ ਕਰਦੇ ਹਨ। ਇਸ ਸ਼ੌਂਕ ਦੇ ਕਾਰਨ, ਭਾਰਤ ਅਤੇ ਵਿਦੇਸ਼ਾਂ ਦੀਆਂ ਕਈ ਮਸ਼ਹੂਰ ਹਸਤੀਆਂ ਨੇ ਆਪਣੇ ਸਰੀਰ ‘ਤੇ ਕਈ ਤਰ੍ਹਾਂ ਦੇ ਟੈਟੂ ਬਣਵਾਏ ਹਨ ਜੋ ਬਹੁਤ ਮਸ਼ਹੂਰ ਵੀ ਹੋਏ ਹਨ ਪਰ ਪੰਜਾਬ ਦੇ ਕਪੂਰਥਲਾ ਦੇ ਭਵਾਨੀਪੁਰ ਨਾਮਕ ਪਿੰਡ ਵਿੱਚ ਰਹਿਣ ਵਾਲੇ 27 ਸਾਲਾ ਸਰੋਮਨ ਨਾਮ ਦੇ ਨੌਜਵਾਨ ਨੂੰ 17 ਸਾਲ ਦੀ ਉਮਰ ਵਿੱਚ ਹੀ ਟੈਟੂ ਬਣਵਾਉਣ ਦਾ ਸ਼ੌਕ ਪੈਦਾ ਹੋ ਗਿਆ। ਉਸ ਨੇ 7 ਸਾਲਾਂ ਤੱਕ ਹਜ਼ਾਰਾਂ ਲੋਕਾਂ ਲਈ ਮੁਫ਼ਤ ਵਿੱਚ ਟੈਟੂ ਬਣਾਏ।
ਉਸੇ ਸਾਲ 2019 ਵਿੱਚ ਵਿਦੇਸ਼ਾਂ ਵਿੱਚ ਲੋਕਾਂ ਦੀਆਂ ਅੱਖਾਂ ‘ਤੇ ਟੈਟੂ ਦੇਖਣ ਤੋਂ ਬਾਅਦ, ਉਸਨੂੰ ਆਪਣੀਆਂ ਅੱਖਾਂ ‘ਤੇ ਟੈਟੂ ਬਣਵਾਉਣ ਦਾ ਸ਼ੌਕ ਪੈਦਾ ਹੋ ਗਿਆ। ਇਹ ਕਰਵਾਉਣ ਲਈ, ਨਾ ਤਾਂ ਉਹ ਵਿਦੇਸ਼ ਜਾ ਸਕਦਾ ਸੀ ਅਤੇ ਨਾ ਹੀ ਉਸ ਕੋਲ ਲੱਖਾਂ ਰੁਪਏ ਸਨ। ਉਸ ਤੋਂ ਬਾਅਦ ਉਸਨੇ ਖੁਦ ਆਪਣੀਆਂ ਅੱਖਾਂ ਵਿੱਚ ਟੀਕਾ ਲਗਾਇਆ ਅਤੇ ਇਸ ਅਸੰਭਵ ਕੰਮ ਨੂੰ ਆਪਣੇ ਹੱਥਾਂ ਨਾਲ ਸੰਭਵ ਬਣਾਇਆ।
ਇਸ ਤੋਂ ਬਾਅਦ ਜਦੋਂ ਪਰਿਵਾਰ ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਵਿਰੋਧ ਹੋਇਆ ਪਰ ਸਮੇਂ ਦੇ ਨਾਲ ਸਾਰਿਆਂ ਨੇ ਉਸਨੂੰ ਸਵੀਕਾਰ ਕਰ ਲਿਆ। ਸਰੋਮਨ ਦੇ ਅਨੁਸਾਰ ਉਸਦਾ ਇੱਕ ਪ੍ਰੇਮ ਵਿਆਹ ਹੈ ਅਤੇ ਉਸਦੀ ਪਤਨੀ ਉਸਦੀਆਂ ਅੱਖਾਂ ਨੂੰ ਦੇਖ ਕੇ ਹੀ ਉਸ ਵੱਲ ਆਕਰਸ਼ਿਤ ਹੋਈ ਸੀ। ਭਾਵੇਂ ਇਹ ਅੱਖਾਂ ਡ੍ਰੈਕੁਲਾ ਵਰਗੀਆਂ ਲੱਗ ਸਕਦੀਆਂ ਹਨ, ਪਰ ਅੱਜ ਇਹ ਅੱਖਾਂ ਖਿੱਚ ਦਾ ਕੇਂਦਰ ਬਣ ਗਈਆਂ ਹਨ।
