ਬਿਰਿਆਨੀ ਵੇਚਣ ਵਾਲੇ ਨੇ ਯੂਨੀਵਰਸਿਟੀ ਦੀ ਵਿਦਿਆਰਥਣ ਨਾਲ ਕਰ’ਤਾ ਬਲਾਤਕਾਰ
ਵੀਓਪੀ ਬਿਊਰੋ- ਤਾਮਿਲਨਾਡੂ ਦੀ ਰਾਜਧਾਨੀ ਚੇਨਈ ਸਥਿਤ ਅੰਨਾ ਯੂਨੀਵਰਸਿਟੀ ਵਿੱਚ ਹੋਏ ਬਲਾਤਕਾਰ ਮਾਮਲੇ ਵਿੱਚ ਮਹਿਲਾ ਅਦਾਲਤ ਨੇ ਆਪਣਾ ਫੈਸਲਾ ਸੁਣਾਉਂਦੇ ਹੋਏ ਦੋਸ਼ੀ ਗਿਆਨਸ਼ੇਕਰਨ ਨੂੰ 30 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਹੈ।
ਇਸ ਦੇ ਨਾਲ ਹੀ 90,000 ਰੁਪਏ ਦਾ ਜੁਰਮਾਨਾ ਵੀ ਲਗਾਇਆ ਗਿਆ ਹੈ। ਦਸੰਬਰ 2024 ਵਿੱਚ, ਯੂਨੀਵਰਸਿਟੀ ਦੀ ਇੱਕ 19 ਸਾਲਾ ਵਿਦਿਆਰਥਣ ਨਾਲ ਕੈਂਪਸ ਵਿੱਚ ਹੀ ਬਿਰਿਆਨੀ ਵੇਚਣ ਵਾਲੇ ਇੱਕ ਵਿਅਕਤੀ ਨੇ ਬਲਾਤਕਾਰ ਕੀਤਾ ਸੀ।
ਮਹਿਲਾ ਅਦਾਲਤ ਦੇ ਜੱਜ ਐਮ ਰਾਜਲਕਸ਼ਮੀ ਨੇ ਇਹ ਫੈਸਲਾ ਸੁਣਾਇਆ। 24 ਦਸੰਬਰ ਨੂੰ, ਪੀੜਤਾ ਨੇ ਕੋੱਟੂਰਪੁਰਮ ਆਲ ਵੂਮੈਨ ਪੁਲਿਸ ਸਟੇਸ਼ਨ (AWPS) ਵਿੱਚ ਦਰਜ ਕਰਵਾਈ ਸ਼ਿਕਾਇਤ ਵਿੱਚ ਕਿਹਾ ਸੀ ਕਿ ਗਿਆਨਸ਼ੇਕਰਨ ਨੇ ਉਸਨੂੰ ਧਮਕੀ ਦਿੱਤੀ ਸੀ। ਜਦੋਂ ਉਹ ਯੂਨੀਵਰਸਿਟੀ ਕੈਂਪਸ ਵਿੱਚ ਇੱਕ ਪੁਰਸ਼ ਦੋਸਤ ਨਾਲ ਸੀ। ਇਸ ਤੋਂ ਬਾਅਦ ਉਸਨੇ ਉਸ ਨਾਲ ਬਲਾਤਕਾਰ ਕੀਤਾ।
