ਲੜਕੀ ਨੇ ਕੀਤੀ ਵਿਆਹ ਤੋਂ ਨਾਂਹ ਤਾਂ ਲੜਕੇ ਨੇ ਖੁਦ ਨੂੰ ਅੱਗ ਲਾ ਕੇ ਪਾ ਲਈ ਲੜਕੀ ਨੂੰ ਜੱਫੀ, ਪੀਐੱਚਡੀ ਦੀ ਕਰ ਰਹੇ ਸਨ ਪੜ੍ਹਾਈ
ਮਹਾਰਾਸ਼ਟਰ (ਵੀਓਪੀ ਬਿਊਰੋ) ਪਿਆਰ ਦੇ ਚੱਕਰ ਵਿੱਚ ਲੋਕ ਇਸ ਹੱਦ ਤਕ ਚਲੇ ਜਾਂਦੇ ਹਨ, ਆਪਣੇ ਨਾਲ ਕਈ ਜਿੰਦਗੀਆਂ ਬਰਬਾਦ ਕਰ ਦਿੰਦੇ ਹਨ। ਅਜਿਹਾ ਹੀ ਇਕ ਮਾਮਲਾ ਸਾਹਮਣੇ ਹੈ ਮਹਾਰਾਸ਼ਟਰ ਦੇ ਔਰੰਗਾਬਾਦ ਵਿੱਚ ਜਿੱਥੇ ਇਕ ਲੜਕੇ ਨੇ ਲੜਕੀ ਨੂੰ ਵਿਆਹ ਲਈ ਪ੍ਰਪੋਜ਼ ਕੀਤਾ ਤਾਂ ਲੜਕੀ ਵੱਲੋਂ ਨਾਂਹ ਕਰਨ ਉੱਪਰ ਲੜਕੇ ਨੇ ਖੁਦ ਨੂੰ ਅੱਗ ਲਾ ਕੇ ਉਕਤ ਲੜਕੀ ਨੂੰ ਜੱਫੀ ਪਾ ਲਈ, ਇਸ ਦੌਰਾਨ ਲੜਕੇ ਦੀ ਤਾਂ ਮੌਤ ਹੋ ਗਈ ਅਤੇ ਲੜਕੀ 55 ਫੀਸਦੀ ਤਕ ਝੁਲਸਣ ਕਾਰਨ ਜਿੰਦਗੀ ਤੇ ਮੌਤ ਦੀ ਜੰਗ ਲੜ ਰਹੀ ਹੈ। ਫਿਲਹਾਲ ਲੜਕੀ ਦਾ ਹਸਪਤਾਲ ਦੇ ਵਿੱਚ ਇਲਾਜ ਚੱਲ ਰਿਹਾ ਹੈ। ਪੁਲਿਸ ਅਨੁਸਾਰ ਗਜਾਨਨ ਮੁੰਡੇ ਅਤੇ ਪੂਜਾ ਸਾਲਵੇ ਦੋਵੇਂ ਡਾਕਟਰ ਬਾਬਾ ਸਾਹਿਬ ਅੰਬੇਡਕਰ ਮਰਾਠਵਾੜਾ ਯੂਨੀਵਰਸਿਟੀ ਤੋਂ ਜ਼ੂਆਲੋਜੀ ਵਿੱਚ ਪੀਐਚਡੀ ਕਰ ਰਹੇ ਸਨ।
ਜਾਣਕਾਰੀ ਮੁਕਤਾਬਕ ਸੋਮਵਾਰ ਦੇ ਦਿਨ ਇਹ ਸਾਰੀ ਘਟਨਾ ਵਾਪਰੀ ਹੈ। ਲੜਕੀ ਸਰਕਾਰੀ ਫੋਰੈਂਸਿਕ ਕਾਲਜ ਹਨੂੰਮਾਨ ਟੇਕੜੀ ਵਿੱਚ ਸੀ। ਉਹ ਉੱਥੇ ਬਾਇਓਫਿਜ਼ਿਕਸ ਕੈਬਿਨ ਵਿੱਚ ਆਪਣਾ ਪ੍ਰੋਜੈਕਟ ਪੂਰਾ ਕਰ ਰਹੀ ਸੀ। ਇਸ ਦੌਰਾਨ ਗਜਾਨਨ ਉਸ ਨੂੰ ਮਿਲਣ ਪਹੁੰਚਿਆ ਅਤੇ ਇਸ ਦੌਰਾਨ ਇਹ ਆਪਣੇ ਨਾਲ ਇੱਕ ਡੱਬੇ ਵਿੱਚ ਪੈਟਰੋਲ ਲੈ ਕੇ ਆਇਆ ਸੀ। ਇਸ ਦੌਰਾਨ ਉਸ ਨੇ ਲੜਕੀ ਨੂੰ ਪੁੱਛਿਆ ਕਿ ਜਦ ਉਸ ਨੇ ਤੈਨੂੰ ਵਿਆਹ ਲਈ ਪ੍ਰਪੋਜ਼ ਕੀਤਾ ਹੈ ਤਾਂ ਉਸ ਨੇ ਕਿਉਂ ਠੁਕਰਾ ਦਿੱਤਾ ਹੈ। ਇਸ ਤੋਂ ਬਾਅਦ ਉਸ ਨੇ ਆਪਣੇ ਅਤੇ ਲੜਕੀ ‘ਤੇ ਪੈਟਰੋਲ ਛਿੜਕ ਦਿੱਤਾ। ਲਾਈਟਰ ਨੂੰ ਅੱਗ ਲਾਉਣ ਤੋਂ ਬਾਅਦ ਉਸ ਨੇ ਲੜਕੀ ਨੂੰ ਜੱਫੀ ਵੀ ਪਾ ਲਈ। ਉੱਥੇ ਮੌਜੂਦ ਲੋਕਾਂ ਨੇ ਅੱਗ ਬੁਝਾਈ ਅਤੇ ਦੋਵਾਂ ਨੂੰ ਇਲਾਜ ਲਈ ਔਰੰਗਾਬਾਦ ਦੇ ਸਰਕਾਰੀ ਹਸਪਤਾਲ ‘ਚ ਦਾਖਲ ਕਰਵਾਇਆ। ਜਿੱਥੇ ਗਜਾਨਨ ਦੀ ਮੌਤ ਹੋ ਗਈ।
ਗਜਾਨਨ ਦੇ ਮਾਪੇ ਵੀ ਪੀੜਤ ਲੜਕੀ ਨੂੰ ਵਿਆਹ ਲਈ ਧਮਕੀਆਂ ਦੇ ਰਹੇ ਸਨ। ਪਰਿਵਾਰ ਦਾ ਕਹਿਣਾ ਹੈ ਕਿ ਲੜਕੇ ਦੇ ਮਾਤਾ-ਪਿਤਾ ਨੇ ਲੜਕੀ ਨੂੰ ਕਿਹਾ ਸੀ ਕਿ ਜੇਕਰ ਤੂੰ ਗਜਾਨਨ ਨਾਲ ਵਿਆਹ ਨਹੀਂ ਕਰਵਾਇਆ ਤਾਂ ਅਸੀਂ ਦੋਹਾਂ ਨੂੰ ਮਾਰ ਦੇਵਾਂਗੇ। ਜਿਸ ਕਾਰਨ ਲੜਕੀ ਦੇ ਪਰਿਵਾਰ ਵਾਲਿਆਂ ਨੇ ਬੇਗਮਪੁਰਾ ਥਾਣੇ ਵਿੱਚ ਗਜਾਨਨ ਦੇ ਮਾਪਿਆਂ ਖ਼ਿਲਾਫ਼ ਐਫਆਈਆਰ ਦਰਜ ਕਰਵਾਈ ਹੈ। ਸਟੇਸ਼ਨ ਇੰਚਾਰਜ ਪ੍ਰਸ਼ਾਂਤ ਪੋਤਦਾਰ ਨੇ ਦੱਸਿਆ ਕਿ ਘਟਨਾ ਸੋਮਵਾਰ ਦੀ ਹੈ। ਪੁਲਿਸ ਨੇ ਔਰਤ ਦੇ ਪਰਿਵਾਰ ਦੀ ਸ਼ਿਕਾਇਤ ‘ਤੇ ਧਾਰਾ 307, 326ਏ, 354ਡੀ, 506,34 ਆਈਪੀਸੀ ਦੇ ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ।
