Messi–Ronaldo; ਮੇਸੀ ਦਾ ਕੱਪ ਤੇ ਰੋਨਾਲਡੋ ਦੇ ਹੰਝੂਆਂ ਦਾ ਗਵਾਹ ਬਣਿਆ ਕਤਰ
ਜਲੰਧਰ (ਵੀਓਪੀ ਬਿਊਰੋ) ਕਤਰ ਫੀਫਾ ਕੱਪ 2022 ਦਾ ਕੱਪ ਇਸ ਵਾਰ ਅਰਜਨਟੀਨਾ ਨੇ ਜਿੱਤ ਲਿਆ ਅਤੇ ਇਸ ਦੇ ਨਾਲ ਹੀ ਸਟਾਰ ਖਿਡਾਰੀ ਲਿਓਨਲ ਮੇਸੀ ਦਾ ਸੁਪਨਾ ਵੀ ਪੂਰਾ ਹੋ ਗਿਆ ਪਰ ਇਸ ਦੌਰਾਨ ਇਕ ਸਟਾਰ ਖਿਡਾਰੀ ਅਜਿਹਾ ਵੀ ਸੀ, ਜਿਸ ਦੀਆਂ ਨਮ ਅੱਖਾਂ ਸਾਰਿਆਂ ਨੂੰ ਯਾਦ ਰਹਿਣਗੀਆਂ। ਪੁਰਤਗਾਲ ਦੇ ਸਟਾਰ ਖਿਡਾਰੀ ਕ੍ਰਿਸਟੀਆਨੋ ਰੋਨਾਲਡੋ ਦਾ ਜਦ ਆਪਣਾ ਆਖਰੀ ਵਰਲਡ ਕੱਪ ਜਿੱਤਣ ਦਾ ਸੁਪਨਾ ਟੁੱਟਿਆ ਤਾਂ ਹਰ ਇਕ ਦੀ ਅੱਖ ਉਸ ਸਟਾਰ ਖਿਡਾਰੀ ਦੇ ਨਾਲ ਹੀ ਨਮ ਸੀ।
ਇਸ ਦੌਰਾਨ ਲਿਓਨਲ ਮੇਸੀ ਦੀ ਅਜੇ ਅੰਤਰਰਾਸ਼ਟਰੀ ਫੁੱਟਬਾਲ ਤੋਂ ਸੰਨਿਆਸ ਲੈਣ ਦੀ ਕੋਈ ਯੋਜਨਾ ਨਹੀਂ ਹੈ ਅਤੇ ਸਟਾਰ ਸਟ੍ਰਾਈਕਰ ਦਾ ਕਹਿਣਾ ਹੈ ਕਿ ਉਹ ਵਿਸ਼ਵ ਕੱਪ ਜਿੱਤਣ ਦੇ ਆਪਣੇ ਸੁਫ਼ਨੇ ਨੂੰ ਪੂਰਾ ਕਰਨ ਤੋਂ ਬਾਅਦ ਵੀ ਅਰਜਨਟੀਨਾ ਲਈ ਖੇਡਦੇ ਰਹਿਣਗੇ। ਪਰ ਦੂਜੇ ਪਾਸੇ ਸ਼ਾਈਦ ਹੁਣ ਸਾਨੂੰ ਪੁਰਤਗਾਲ ਦੇ ਸਟਾਰ ਫੁੱਟਬਾਲ ਖਿਡਾਰੀ ਕ੍ਰਿਸਟੀਆਨੋ ਰੋਨਾਲਡੋ ਦਾ ਜਲਵਾ ਮੈਦਾਨ ਉਪਰ ਪਹਿਲਾ ਦੀ ਤਰ੍ਹਾਂ ਦੇਖਣ ਨੂੰ ਨਹੀਂ ਮਿਲੇਗਾ ਕਿਉਂਕਿ ਉਨ੍ਹਾਂ ਨੇ ਵੀ ਪੋਸਟ ਪਾ ਕੇ ਐਲਾਨ ਕੀਤਾ ਸੀ ਕਿ ਉਹ ਹੁਣ ਸਹਾਇਕ ਵਜੋਂ ਟੀਮ ਨਾਲ ਜੁੜਨਗੇ।
