ਦੇਖ ਲਓ ਲੋਕਾਂ ਦੇ ਕੰਮ; 7 ਸਾਲ ਤੋਂ ਘਰਵਾਲੀ ਨਹੀਂ ਦੇ ਰਹੀ ਸੀ ਨੇੜੇ ਲੱਗਣ, ਤਾਂ ਛੇੜਨ ਲੱਗਾ ਹੋਰਨਾਂ ਦੀਆਂ ਤੀਵੀਆਂ, ਪਿੱਛਾ ਕਰ ਕੇ ਦਿਖਾਉਂਦਾ ਸੀ ਆਪਣਾ ਪ੍ਰਾਈਵੇਟ ਪਾਰਟ
ਚੰਡੀਗੜ੍ਹ (ਵੀਓਪੀ ਬਿਊਰੋ) ਸਥਾਨਕ ਇਲਾਕੇ ਵਿਚ ਇਕ ਅਜਿਹਾ ਸਿਰਫਿਰਾ ਪੁਲਿਸ ਦੇ ਹੱਥੇ ਚੜਿਆ ਹੈ, ਜੋ ਕਿ ਲੋਕਾਂ ਦੀਆਂ ਤੀਵੀਆਂ ਦਾ ਪਿੱਛਾ ਕਰਦਾ ਸੀ ਅਤੇ ਇਸ ਦੌਰਾਨ ਤਾਂ ਉਸ ਨੇ ਇਕ ਔਰਤ ਨੂੰ ਆਪਣਾ ਪ੍ਰਾਈਵੇਟ ਪਾਰਟ ਵੀ ਦਿਖਾਇਆ। ਮੁਲਜ਼ਮ ਦੀ ਪਛਾਣ ਰਣਜੀਤ ਕੁਮਾਰ ਉਰਫ਼ ਚੀਆ (45) ਵਜੋਂ ਹੋਈ ਹੈ। ਮੁਲਜ਼ਮ ਆਟੋ ਚਾਲਕ ਹੈ ਅਤੇ ਨਿੱਜੀ ਰੰਜਿਸ਼ ਕਾਰਨ ਡੱਡੂਮਾਜਰਾ ਕਲੋਨੀ ਵਿੱਚ 7 ਸਾਲਾਂ ਤੋਂ ਆਪਣੀ ਪਤਨੀ ਅਤੇ ਬੱਚਿਆਂ ਤੋਂ ਵੱਖ ਰਹਿ ਰਿਹਾ ਹੈ।
ਪੁਲਿਸ ਕੇਸ ਅਨੁਸਾਰ ਸਬੰਧਤ ਘਟਨਾ 15 ਦਸੰਬਰ ਨੂੰ ਬਾਅਦ ਦੁਪਹਿਰ 3.30 ਤੋਂ 4.30 ਵਜੇ ਵਾਪਰੀ। ਚੰਡੀਗੜ੍ਹ ਨੰਬਰ ਵਾਲੇ ਆਟੋ ਦਾ ਡਰਾਈਵਰ (ਦੋਸ਼ੀ) ਸੈਕਟਰ 38 ਦੇ ਵਿਵੇਕ ਹਾਈ ਸਕੂਲ ਦੇ ਬਾਹਰ ਚਲਾ ਰਿਹਾ ਸੀ। ਉਹ ਇਕ ਔਰਤ ਨੂੰ ਆਪਣਾ ਗੁਪਤ ਅੰਗ ਦਿਖਾ ਕੇ ਉਸ ਦਾ ਪਿੱਛਾ ਕਰ ਰਿਹਾ ਸੀ।
ਘਟਨਾ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਐਸਐਸਪੀ ਮਨੀਸ਼ਾ ਚੌਧਰੀ ਦੇ ਹੁਕਮਾਂ ’ਤੇ ਡੀਐਸਪੀ (ਦੱਖਣੀ) ਮ੍ਰਿਦੁਲ ਦੀ ਦੇਖ-ਰੇਖ ਵਿੱਚ ਐਸਐਚਓ ਇਰਮ ਰਿਜ਼ਵੀ, ਐਸਆਈ ਮਨਦੀਪ ਸਿੰਘ, ਕਾਂਸਟੇਬਲ ਪ੍ਰਵੀਨ ਅਤੇ ਲੇਡੀ ਕਾਂਸਟੇਬਲ ਮੋਨੂੰ ਦੀ ਟੀਮ ਬਣਾਈ ਗਈ। ਟੀਮ ਨੇ ਅੱਜ ਮੁਲਜ਼ਮ ਰਣਜੀਤ ਨੂੰ ਫੜ ਲਿਆ। ਮੁਲਜ਼ਮਾਂ ਨੇ ਕਿਰਾਏ ’ਤੇ ਆਟੋ ਲਿਆ ਸੀ ਅਤੇ ਪੁਲੀਸ ਨੇ ਇਸ ਆਟੋ ਨੂੰ ਕਬਜ਼ੇ ਵਿੱਚ ਲੈ ਲਿਆ ਹੈ।
