ਘਰ ਕੰਮ ਕਰਦੇ ਮਿਸਤਰੀ ਨਾਲ ਹੋ ਗਈਆਂ ਅੱਖਾਂ ਚਾਰ, ਦੋਵਾਂ ਨੇ ਮਿਲ ਕੇ ਪਤੀ ਨੂੰ ਮਾਰ ਕੇ ਚਿਣਵਾ ਦਿੱਤਾ ਪਾਣੀ ਵਾਲੀ ਟੈਂਕੀ ‘ਚ
ਗ੍ਰੇਟਰ ਨੋਇਡਾ (ਵੀਓਪੀ ਬਿਊਰੋ) ਗ੍ਰੇਟਰ ਨੋਇਡਾ ਵੈਸਟ ਦੇ ਸਰਸਵਤੀ ਕੁੰਜ ਵਿੱਚ ਇੱਕ ਮਿਸਤਰੀ ਨਾਲ ਨਾਜਾਇਜ਼ ਸਬੰਧਾਂ ਕਾਰਨ ਇੱਕ ਔਰਤ ਨੇ ਆਪਣੇ ਪਤੀ ਦਾ ਕਤਲ ਕਰ ਦਿੱਤਾ। ਔਰਤ ਨੀਤੂ ਨੇ ਮਿਸਤਰੀ ਹਰਪਾਲ ਅਤੇ ਇੱਕ ਮਜ਼ਦੂਰ ਨਾਲ ਮਿਲ ਕੇ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ ਅਤੇ ਆਪਣੇ ਪਤੀ ਸਤੀਸ਼ਪਾਲ ਦੀ ਲਾਸ਼ ਨੂੰ ਗੁਆਂਢੀ ਅਜੈ ਦੇ ਨਿਰਮਾਣ ਅਧੀਨ ਘਰ ਦੇ ਸੈਪਟਿਕ ਟੈਂਕ ਵਿੱਚ ਦੱਬ ਦਿੱਤਾ।
ਨੌਜਵਾਨ 2 ਜਨਵਰੀ ਤੋਂ ਲਾਪਤਾ ਸੀ। ਜਦੋਂ ਉਸ ਦੇ ਪਰਿਵਾਰ ਵਾਲਿਆਂ ਅਤੇ ਪੁਲਿਸ ਨੇ ਲਾਪਤਾ ਵਿਅਕਤੀ ਦਾ ਪਰਚਾ ਦਰਜ ਕਰਕੇ ਭਾਲ ਸ਼ੁਰੂ ਕੀਤੀ ਤਾਂ ਦੋਸ਼ੀ ਔਰਤ ਮਿਸਤਰੀ ਸਮੇਤ ਫਰਾਰ ਹੋ ਗਈ। ਪੁਲਿਸ ਨੇ ਮਿਸਤਰੀ ਨੂੰ ਗ੍ਰਿਫ਼ਤਾਰ ਕਰਕੇ ਲਾਸ਼ ਬਰਾਮਦ ਕਰ ਲਈ ਅਤੇ ਨੀਤੂ ਅਤੇ ਮੁਲਜ਼ਮ ਮਜ਼ਦੂਰ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ। ਬੁਲੰਦਸ਼ਹਿਰ ਦੇ ਦਰਾਵਰ ਪਿੰਡ ਦਾ ਰਹਿਣ ਵਾਲਾ ਸਤੀਸ਼ ਪਾਲ ਆਪਣੀ ਪਤਨੀ ਅਤੇ 5 ਸਾਲ ਦੇ ਬੱਚੇ ਸਮੇਤ ਗ੍ਰੇਟਰ ਨੋਇਡਾ ਵੈਸਟ ਦੇ ਸਰਸਵਤੀ ਕੁੰਜ ‘ਚ ਰਹਿੰਦਾ ਸੀ।ਸਤੀਸ਼ ਪਾਲ ਨੋਇਡਾ ‘ਚ ਇਕ ਐਕਸਪੋਰਟ ਕੰਪਨੀ ‘ਚ ਕੰਮ ਕਰਦਾ ਸੀ।
ਪੁਲਿਸ ਅਨੁਸਾਰ ਮੁਲਜ਼ਮਾਂ ਨੇ ਲਾਸ਼ ’ਤੇ ਸੀਮਿੰਟ ਪਾ ਕੇ ਚਿਣਾਈ ਕੀਤੀ। ਇਸ ਤੋਂ ਬਾਅਦ ਦੋਸ਼ੀਆਂ ਨੇ ਸੀਮਿੰਟ ‘ਤੇ ਪੱਥਰ ਪਾ ਕੇ ਢੱਕ ਦਿੱਤਾ। ਦੋਸ਼ੀ ਔਰਤ ਨੇ ਘਟਨਾ ਬਾਰੇ ਕਿਸੇ ਨੂੰ ਵੀ ਪਤਾ ਨਹੀਂ ਲੱਗਣ ਦਿੱਤਾ।ਕਈ ਦਿਨਾਂ ਤੱਕ ਸਤੀਸ਼ ਪਾਲ ਨਾਲ ਗੱਲ ਨਾ ਹੋਣ ‘ਤੇ ਜਦੋਂ ਪਰਿਵਾਰ ਵਾਲਿਆਂ ਨੇ ਉਸ ਦੀ ਭਾਲ ਸ਼ੁਰੂ ਕਰ ਦਿੱਤੀ ਅਤੇ ਪੁਲਿਸ ਨੂੰ ਸੂਚਨਾ ਦਿੱਤੀ ਤਾਂ ਦੋਸ਼ੀ ਨੀਤੂ ਰਾਜਮਿਸਤਰੀ ਹਰਪਾਲ ਨੂੰ ਲੈ ਕੇ ਭੱਜ ਗਈ ਹੈ।
