ਗਰੀਬੀ ਦੀ ਮਾਰ ਝੱਲ ਰਹੇ ਗੁਆਂਢੀ ਮੁਲਕ ਪਾਕਿਸਤਾਨ ‘ਚ ਖਤਮ ਹੋਇਆ ਤੇਲ, ਕਈ ਉਡਾਨਾਂ ਰੱਦ
ਕਰਾਚੀ (ਵੀਓਪੀ ਬਿਊਰੋ) : ਗਰੀਬੀ ਅਤੇ ਭੁੱਖਮਰੀ ਨਾਲ ਜੂਝ ਰਹੇ ਪਾਕਿਸਤਾਨ ਦੇ ਹਾਲਾਤ ਬਦ ਤੋਂ ਬਦਤਰ ਹੁੰਦੇ ਜਾ ਰਹੇ ਹਨ। ਪਾਕਿਸਤਾਨ ਵਿੱਚ ਪਹਿਲਾਂ ਹੀ ਖਾਣ-ਪੀਣ ਦੀ ਕਮੀ ਹੈ ਅਤੇ ਦੇਸ਼ ਵਿੱਚ ਤੇਲ ਵੀ ਖਤਮ ਹੋ ਚੁੱਕਾ ਹੈ। ਵਿਦੇਸ਼ੀ ਉਡਾਣਾਂ ਤੋਂ ਇਲਾਵਾ ਈਂਧਨ ਖਤਮ ਹੋਣ ਕਾਰਨ 48 ਉਡਾਣਾਂ ਰੱਦ ਕਰ ਦਿੱਤੀਆਂ ਗਈਆਂ ਹਨ। ਇਹ ਜਾਣਕਾਰੀ ਪੀਆਈਏ ਦੇ ਬੁਲਾਰੇ ਨੇ ਦਿੱਤੀ ਹੈ।
ਜਾਣਕਾਰੀ ਦਿੰਦੇ ਹੋਏ ਬੁਲਾਰੇ ਨੇ ਕਿਹਾ ਕਿ ਪੀਆਈਏ ਜਹਾਜ਼ਾਂ ਲਈ ਸੀਮਤ ਈਂਧਨ ਸਪਲਾਈ ਕਾਰਨ ਉਡਾਣਾਂ ਰੱਦ ਕਰ ਦਿੱਤੀਆਂ ਗਈਆਂ ਹਨ। ਕੁਝ ਫਲਾਈਟਾਂ ਦੇ ਰਵਾਨਗੀ ਨੂੰ ਮੁੜ ਤੋਂ ਨਿਰਧਾਰਿਤ ਕੀਤਾ ਜਾ ਰਿਹਾ ਹੈ। ਬੁਲਾਰੇ ਨੇ ਦੱਸਿਆ ਕਿ ਈਂਧਨ ਦੀ ਕਮੀ ਕਾਰਨ ਮੰਗਲਵਾਰ ਨੂੰ 13 ਘਰੇਲੂ ਉਡਾਣਾਂ ਅਤੇ 11 ਅੰਤਰਰਾਸ਼ਟਰੀ ਉਡਾਣਾਂ ਰੱਦ ਕਰ ਦਿੱਤੀਆਂ ਗਈਆਂ, ਜਦਕਿ 12 ਉਡਾਣਾਂ ਦੇਰੀ ਨਾਲ ਚੱਲੀਆਂ।
ਪਾਕਿਸਤਾਨੀ ਨਿਊਜ਼ ਸਾਈਟ ‘ਦ ਡਾਨ’ ਮੁਤਾਬਕ ਰੱਦ ਕੀਤੀਆਂ ਗਈਆਂ 24 ਉਡਾਣਾਂ ‘ਚੋਂ 11 ਅੰਤਰਰਾਸ਼ਟਰੀ ਅਤੇ 13 ਘਰੇਲੂ ਸਨ। ਪੀਆਈਏ ਨੇ ਬੁੱਧਵਾਰ ਲਈ ਦੋ ਦਰਜਨ ਤੋਂ ਵੱਧ ਉਡਾਣਾਂ ਵੀ ਰੱਦ ਕਰ ਦਿੱਤੀਆਂ ਹਨ, ਜਦੋਂ ਕਿ ਕੁਝ ਉਡਾਣਾਂ ਦੇ ਦੇਰੀ ਨਾਲ ਚੱਲਣ ਦੀ ਸੰਭਾਵਨਾ ਹੈ। ਘਰੇਲੂ ਉਡਾਣਾਂ ਤੋਂ ਇਲਾਵਾ, ਕੁਝ ਰੱਦ ਕੀਤੀਆਂ ਉਡਾਣਾਂ ਦੁਬਈ, ਮਸਕਟ, ਸ਼ਾਰਜਾਹ, ਅਬੂ ਧਾਬੀ ਅਤੇ ਕੁਵੈਤ ਲਈ ਉਡਾਣ ਭਰਨ ਵਾਲੀਆਂ ਸਨ।
Pakistan airlines stop due to oil issue latest news voptv
