ਉਰਫੀ ਜਾਵੇਦ ਨੇ ਪਹਿਨੀ ਫਿਲਮੀ ਪੰਡਿਤ ਵਾਲੀ ਡਰੈੱਸ ਤਾਂ ਮਿਲਣ ਲੱਗੀਆਂ ਜਾਨੋ ਮਾਰਨ ਦੀਆਂ ਧਮਕੀਆਂ
ਮੁੰਬਈ (ਵੀਓਪੀ ਬਿਊਰੋ) : ਆਪਣੇ ਅਨੋਖੇ ਫੈਸ਼ਨ ਸਟੇਟਮੈਂਟਾਂ ਅਤੇ ਆਪਣੇ ਵਿਵਾਦਾਂ ਕਾਰਨ ਅਕਸਰ ਸੁਰਖੀਆਂ ਵਿੱਚ ਰਹਿਣ ਵਾਲੀ ਸੋਸ਼ਲ ਮੀਡੀਆ ਸਨਸਨੀ ਉਰਫੀ ਜਾਵੇਦ ਨੇ ਇੱਕ ਵਾਰ ਫਿਰ ਹਲਚਲ ਮਚਾ ਦਿੱਤੀ ਹੈ। ਇਸ ਵਾਰ ਵਿਵਾਦਾਂ ਦਾ ਕਾਰਨ ਅਕਸ਼ੈ ਕੁਮਾਰ ਸਟਾਰਰ ਫਿਲਮ ‘ਭੂਲ ਭੁਲਈਆ’ ‘ਚ ਅਭਿਨੇਤਾ ਰਾਜਪਾਲ ਯਾਦਵ ਦੇ ਆਈਕੋਨਿਕ ਲੁੱਕ ਨੂੰ ਦੁਬਾਰਾ ਬਣਾਉਣਾ ਹੈ।
ਉਰਫੀ ਜਾਵੇਦ ਨੇ ਦਾਅਵਾ ਕੀਤਾ ਹੈ ਕਿ ‘ਛੋਟੇ ਪੰਡਿਤ’ ਦੇ ਕਿਰਦਾਰ ਨੂੰ ਦੁਬਾਰਾ ਬਣਾਉਣ ਲਈ ਉਸ ਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲੀਆਂ ਹਨ। ਉਰਫੀ ਨੇ ਮੰਗਲਵਾਰ ਨੂੰ ਆਪਣੇ ਇੰਸਟਾਗ੍ਰਾਮ ‘ਤੇ ਧਮਕੀ ਦਾ ਇੱਕ ਸਕਰੀਨਸ਼ਾਟ ਆਨਲਾਈਨ ਸਾਂਝਾ ਕੀਤਾ, ਉਸ ‘ਤੇ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦਾ ਦੋਸ਼ ਲਗਾਇਆ।
ਉਰਫੀ ਜਾਵੇਦ ਨੇ ਕੈਪਸ਼ਨ ‘ਚ ਲਿਖਿਆ, ਕਿਸੇ ਨੂੰ ਵੀ ਰਾਜਪਾਲ ਯਾਦਵ ਨਾਲ ਕੋਈ ਸਮੱਸਿਆ ਨਹੀਂ ਸੀ ਪਰ ਜਦੋਂ ਮੈਂ ਇਸ ਲੁੱਕ ਨੂੰ ਰੀਕ੍ਰਿਏਟ ਕੀਤਾ ਤਾਂ ਸਾਰਿਆਂ ਨੂੰ ਮੇਰੇ ਨਾਲ ਸਮੱਸਿਆ ਹੈ। ਮੈਨੂੰ ਬਿਨਾਂ ਕਿਸੇ ਕਾਰਨ ਜਾਨੋਂ ਮਾਰਨ ਦੀਆਂ ਧਮਕੀਆਂ, ਬਲਾਤਕਾਰ ਦੀਆਂ ਧਮਕੀਆਂ ਮਿਲੀਆਂ ਹਨ। ‘ਭੂਲ ਭੁਲਾਇਆ’ ਫ਼ਿਲਮ ਦੇ 10 ਸਾਲ ਪੂਰੇ ਹੋਣ ‘ਤੇ ਜਦੋਂ ਮੈਂ ਇਹ ਪਹਿਰਾਵਾ ਪਹਿਨਿਆ ਸੀ ਤਾਂ ਧਰਮ ਦੇ ਇਹ ਸਾਰੇ ਅਖੌਤੀ ਰੱਖਿਅਕ ਅਚਾਨਕ ਜਾਗ ਪਏ।
ਉਸਨੇ ਆਪਣੇ ਇੰਸਟਾਗ੍ਰਾਮ ਦੇ ਸਟੋਰੀ ਸੈਕਸ਼ਨ ‘ਤੇ ਇੱਕ ਔਰਤ ਤੋਂ ਮਿਲੀ ਧਮਕੀ ਦੀ ਇੱਕ ਕਲਿੱਪ ਵੀ ਸਾਂਝੀ ਕੀਤੀ। ਉਰਫੀ ਜਾਵੇਦ ਨੇ ਹੈਲੋਵੀਨ ਲਈ ‘ਭੂਲ ਭੁਲਈਆ’ ਤੋਂ ਰਾਜਪਾਲ ਯਾਦਵ ਦੀ ‘ਛੋਟੇ ਪੰਡਿਤ’ ਲੁੱਕ ਨੂੰ ਰੀਕ੍ਰਿਏਟ ਕੀਤਾ। ਇਸ ਦਿੱਖ ਨੂੰ ਪ੍ਰਾਪਤ ਕਰਨ ਲਈ ਉਸਨੇ ਆਪਣਾ ਚਿਹਰਾ ਲਾਲ ਰੰਗਿਆ ਹੋਇਆ ਸੀ ਅਤੇ ਲਾਲ ਟੌਪ ਵਾਲੀ ਧੋਤੀ ਪਹਿਨੀ ਸੀ।
Urfi Javed Halloween look rajpal yadav bollywood mumbai Punjab
