ਪੈਟਰੋਲ ਭਰਵਾਉਣ ਦੀ ਹਫੜਾ-ਦਫੜੀ ‘ਚ ਜ਼ੋਮੈਟੋ ਬੁਆਏ ਨੇ ਲੱਭਿਆ ਨਵਾਂ ਤਰੀਕਾ, ਘੋੜੇ ‘ਤੇ ਕੀਤੀ ਖਾਣੇ ਦੀ ਡਿਲਿਵਰੀ
ਨਵੀਂ ਦਿੱਲੀ (ਵੀਓਪੀ ਬਿਊਰੋ) ਸੋਸ਼ਲ ਮੀਡੀਆ ‘ਤੇ ਹੈਦਰਾਬਾਦ ਦੇ ਇੱਕ ਡਿਲੀਵਰੀ ਬੁਆਏ ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ‘ਚ ਜ਼ੋਮੈਟੋ ਦਾ ਡਿਲੀਵਰੀ ਬੁਆਏ ਭੋਜਨ ਦੀ ਡਿਲੀਵਰੀ ਕਰਨ ਲਈ ਘੋੜੇ ‘ਤੇ ਸਵਾਰ ਨਜ਼ਰ ਆ ਰਿਹਾ ਹੈ। ਲੋਕਾਂ ਨੇ ਇਸ ਦੀ ਵੀਡੀਓ ਬਣਾ ਕੇ ਸ਼ੇਅਰ ਕੀਤੀ।
ਇਹ ਡਿਲੀਵਰੀ ਬੁਆਏ ਹੈਦਰਾਬਾਦ ਦੀ ਵਿਅਸਤ ਸੜਕ ‘ਤੇ ਵਾਹਨਾਂ ਦੇ ਵਿਚਕਾਰ ਆਪਣੇ ਮੋਢੇ ‘ਤੇ ਪਾਰਸਲ ਚੁੱਕਦਾ ਨਜ਼ਰ ਆ ਰਿਹਾ ਹੈ। ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ‘ਤੇ ਲਗਾਤਾਰ ਸ਼ੇਅਰ ਕੀਤਾ ਜਾ ਰਿਹਾ ਹੈ।
ਦਰਅਸਲ ਮੰਗਲਵਾਰ ਨੂੰ ਪੈਟਰੋਲ ਦੀ ਕਮੀ ਕਾਰਨ ਪੈਟਰੋਲ ਭਰਨ ਲਈ ਕਾਫੀ ਲੰਬੀਆਂ ਲਾਈਨਾਂ ਲੱਗ ਗਈਆਂ ਸਨ। ਅਜਿਹੇ ‘ਚ ਇਸ ਵੀਡੀਓ ਨੂੰ ਸ਼ੇਅਰ ਕਰਨ ਦੇ ਨਾਲ ਹੀ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਪੈਟਰੋਲ ਪੰਪ ‘ਤੇ ਲੱਗੀਆਂ ਲੰਬੀਆਂ ਲਾਈਨਾਂ ਕਾਰਨ ਹੀ ਡਿਲੀਵਰੀ ਬੁਆਏ ਨੇ ਖਾਣਾ ਡਿਲੀਵਰ ਕਰਨ ਦਾ ਇਹ ਤਰੀਕਾ ਲੱਭਿਆ।
ਵਾਇਰਲ ਵੀਡੀਓ ‘ਚ ਡਿਲੀਵਰੀ ਬੁਆਏ ਸਕੂਟਰ ਜਾਂ ਕਾਰ ‘ਤੇ ਨਹੀਂ ਸਗੋਂ ਘੋੜੇ ‘ਤੇ ਆਰਡਰ ਦੇਣ ਆਇਆ ਸੀ, ਜਿਸ ਨੂੰ ਲੋਕਾਂ ਨੇ ਆਪਣੇ ਕੈਮਰੇ ‘ਚ ਕੈਦ ਕਰ ਲਿਆ। ਅਰਬਾਜ਼ ਦਿ ਗ੍ਰੇਟ ਨਾਮ ਦੇ ਇੱਕ ਯੂਜ਼ਰ ਨੇ ਇਸ ਵੀਡੀਓ ਨੂੰ ਸ਼ੇਅਰ ਕੀਤਾ ਹੈ। ਵੀਡੀਓ ਦੇ ਕੈਪਸ਼ਨ ‘ਚ ਲਿਖਿਆ ਹੈ, ‘ਇੱਕ ਹੈਦਰਾਬਾਦੀ ਜੇਕਰ ਬੋਲਦਾ ਤਾਂ ਕੁਝ ਵੀ ਕਰ ਸਕਦਾ ਸੀ। ਹੈਦਰਾਬਾਦ ‘ਚ ਪੈਟਰੋਲ ਪੰਪ ਬੰਦ ਹੋਣ ਕਾਰਨ ਇਕ ਜ਼ੋਮੈਟੋ ਡਿਲੀਵਰੀ ਬੁਆਏ ਇੰਪੀਰੀਅਲ ਹੋਟਲ ਨੇੜੇ ਚੰਚਲਗੁਡਾ ‘ਚ ਘੋੜੇ ‘ਤੇ ਖਾਣਾ ਡਿਲੀਵਰ ਕਰਨ ਆਇਆ ਸੀ।
