IPL ਕ੍ਰਿਕਟਰ ਨੇ ਹੈਵਾਨੀਅਤ ‘ਚ ਖਤਮ ਕਰ ਲਿਆ ਖੁਦ ਦਾ ਕੈਰੀਅਰ, ਅਦਾਲਤ ਨੇ ਸੁਣਾ’ਤੀ 8 ਸਾਲ ਦੀ ਸਜ਼ਾ
ਕਾਠਮੰਡੂ (ਵੀਓਪੀ ਬਿਊਰੋ)-ਨੇਪਾਲ ਦੇ ਕ੍ਰਿਕਟਰ ਸੰਦੀਪ ਲਾਮਿਛਨੇ ਨੂੰ ਨਾਬਾਲਗ ਨਾਲ ਬਲਾਤਕਾਰ ਕਰਨ ਦੇ ਮਾਮਲੇ ਵਿੱਚ 8 ਸਾਲ ਦੀ ਸਜ਼ਾ ਸੁਣਾਈ ਗਈ ਹੈ। ਸੰਦੀਪ ਨੂੰ 10 ਦਿਨ ਪਹਿਲਾਂ ਹੀ ਅਦਾਲਤ ਨੇ ਦੋਸ਼ੀ ਕਰਾਰ ਦਿੱਤਾ ਸੀ। ਅੱਜ ਸਜ਼ਾ ਸੁਣਾਈ ਗਈ ਹੈ। 23 ਸਾਲਾ ਸੰਦੀਪ ਨੇਪਾਲ ਕ੍ਰਿਕਟ ਦਾ ਵੱਡਾ ਚਿਹਰਾ ਰਿਹਾ ਹੈ ਅਤੇ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐੱਲ.) ‘ਚ ਵੀ ਖੇਡ ਚੁੱਕਾ ਹੈ।
ਸੰਦੀਪ ਲਾਮਿਛਨੇ ਨੇ ਨੇਪਾਲ ਲਈ ਸਿਰਫ 23 ਸਾਲ ਦੀ ਉਮਰ ਵਿੱਚ 100 ਤੋਂ ਵੱਧ ਅੰਤਰਰਾਸ਼ਟਰੀ ਮੈਚ ਖੇਡੇ ਹਨ। 2018 ਵਿੱਚ ਆਪਣੇ ਅੰਤਰਰਾਸ਼ਟਰੀ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੇ ਸੰਦੀਪ ਨੇ ਹੁਣ ਤੱਕ ਖੇਡੇ ਗਏ ਕੁੱਲ 51 ਵਨਡੇ ਮੈਚਾਂ ਵਿੱਚ 112 ਵਿਕਟਾਂ ਲਈਆਂ ਹਨ। ਇਸ ਦੇ ਨਾਲ ਹੀ ਟੀ-20 ਇੰਟਰਨੈਸ਼ਨਲ ‘ਚ ਇਸ ਸਪਿਨ ਗੇਂਦਬਾਜ਼ ਨੇ 52 ਮੈਚਾਂ ‘ਚ 98 ਵਿਕਟਾਂ ਹਾਸਲ ਕੀਤੀਆਂ ਹਨ।
ਬਲਾਤਕਾਰ ਪੀੜਤਾ ਨੇ ਦੋਸ਼ ਲਾਇਆ ਕਿ ਲਾਮਿਛਾਨੇ 21 ਅਗਸਤ 2022 ਨੂੰ ਉਸ ਨੂੰ ਕਾਠਮੰਡੂ ਅਤੇ ਭਕਤਾਪੁਰ ਦੀਆਂ ਵੱਖ-ਵੱਖ ਥਾਵਾਂ ‘ਤੇ ਲੈ ਗਿਆ। ਇਸ ਤੋਂ ਬਾਅਦ ਉਹ ਉਸ ਨੂੰ ਕਾਠਮੰਡੂ ਦੇ ਸਿਨਾਮੰਗਲ ਦੇ ਇਕ ਹੋਟਲ ਵਿਚ ਲੈ ਗਏ ਅਤੇ ਉਸ ਨਾਲ ਬਲਾਤਕਾਰ ਕੀਤਾ। ਸੰਦੀਪ ਲੈੱਗ ਸਪਿਨਰ ਹੈ।
2016 ਦੇ ਅੰਡਰ-19 ਵਿਸ਼ਵ ਕੱਪ ‘ਚ ਉਸ ਦਾ ਪ੍ਰਦਰਸ਼ਨ ਸ਼ਾਨਦਾਰ ਰਿਹਾ, ਜਦੋਂ ਨੇਪਾਲ ਦੀ ਟੀਮ ਉਸ ਟੂਰਨਾਮੈਂਟ ‘ਚ ਅੱਠਵੇਂ ਸਥਾਨ ‘ਤੇ ਰਹੀ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ 2018 ‘ਚ ਆਈ.ਪੀ.ਐੱਲ. ਸੰਦੀਪ ਨੂੰ ਦਿੱਲੀ ਕੈਪੀਟਲਸ ਨੇ ਨਿਲਾਮੀ ਵਿੱਚ ਖਰੀਦਿਆ। ਉਹ ਆਈਪੀਐਲ ਦਾ ਇਕਰਾਰਨਾਮਾ ਹਾਸਲ ਕਰਨ ਵਾਲਾ ਨੇਪਾਲ ਦਾ ਪਹਿਲਾ ਕ੍ਰਿਕਟਰ ਬਣਿਆ। ਦਿੱਲੀ ਨੇ ਸੰਦੀਪ ਨੂੰ ਉਸ ਦੀ ਮੂਲ ਕੀਮਤ 20 ਲੱਖ ਰੁਪਏ ‘ਚ ਖਰੀਦਿਆ ਸੀ। ਸੰਦੀਪ ਉਦੋਂ ਨੇਪਾਲ ਕ੍ਰਿਕਟ ਦਾ ਪੋਸਟਰ ਬੁਆਏ ਬਣ ਗਿਆ ਸੀ।
