ਨਹੀਂ ਚੜ੍ਹੀ ਮਲਾਇਕਾ ਦੀ ਅਰਜੁਨ ਨਾਲ ਪ੍ਰੇਮ ਕਹਾਣੀ ਸਿਰੇ, ਹੁਣ ਬੁਲਾਉਣਾ ਤਾਂ ਦੂਰ ਅੱਖ ਵੀ ਨਹੀਂ ਮਿਲਾਉਂਦੇ
ਨਵੀਂ ਦਿੱਲੀ/ਮੁੰਬਈ (ਵੀਓਪੀ ਬਿਊਰੋ) ਪਿਛਲੇ ਕਾਫੀ ਸਮੇਂ ਤੋਂ ਮਲਾਇਕਾ ਅਰੋੜਾ ਅਤੇ ਅਰਜੁਨ ਕਪੂਰ ਦੇ ਰਿਸ਼ਤਿਆਂ ‘ਚ ਕੜਵਾਹਟ ਦੀਆਂ ਖਬਰਾਂ ਆ ਰਹੀਆਂ ਹਨ। ਦੋਵੇਂ ਆਪਣੇ ਕਥਿਤ ਬ੍ਰੇਕਅੱਪ ਨੂੰ ਲੈ ਕੇ ਸੁਰਖੀਆਂ ‘ਚ ਹਨ। ਖਬਰਾਂ ‘ਚ ਕਿਹਾ ਗਿਆ ਹੈ ਕਿ ਹਾਲਾਂਕਿ ਮਲਾਇਕਾ ਅਤੇ ਅਰਜੁਨ ਦਾ ਖਾਸ ਰਿਸ਼ਤਾ ਸੀ ਪਰ ਉਨ੍ਹਾਂ ਨੇ ਵੱਖ ਹੋਣ ਦਾ ਫੈਸਲਾ ਕੀਤਾ ਹੈ।
ਹੁਣ ਇਹਨਾਂ ਬ੍ਰੇਕਅੱਪ ਦੀਆਂ ਅਫਵਾਹਾਂ ਦੇ ਵਿਚਕਾਰ, ਮਲਾਇਕਾ ਅਤੇ ਅਰਜੁਨ ਨੂੰ ਇੰਡੀਆ ਕਾਊਚਰ ਵੀਕ 2024 ਵਿੱਚ ਡਿਜ਼ਾਈਨਰ ਕੁਨਾਲ ਰਾਵਲ ਦੇ ਫੈਸ਼ਨ ਸ਼ੋਅ ਵਿੱਚ ਸ਼ਾਮਲ ਹੁੰਦੇ ਦੇਖਿਆ ਗਿਆ। ਹਾਲਾਂਕਿ, ਇਕ ਗੱਲ ਜਿਸ ਨੇ ਸਾਰਿਆਂ ਦਾ ਧਿਆਨ ਖਿੱਚਿਆ ਉਹ ਸੀ ਦੋਵੇਂ ਇਕ-ਦੂਜੇ ਨੂੰ ਨਜ਼ਰਅੰਦਾਜ਼ ਕਰ ਰਹੇ ਸਨ। ਦੋਵਾਂ ਦੇ ਵਿਵਹਾਰ ਨੂੰ ਦੇਖ ਕੇ ਲੱਗਦਾ ਹੈ ਕਿ ਇਹ ਅਦਾਕਾਰ ਸੱਚਮੁੱਚ ਹੀ ਵੱਖ ਹੋ ਗਏ ਹਨ।
ਅਰਜੁਨ ਕਪੂਰ ਨੇ ਕਾਲੇ ਰੰਗ ਦੀ ਸ਼ੇਰਵਾਨੀ ਪਾਈ ਸੀ ਜਦਕਿ ਮਲਾਇਕਾ ਨੇ ਚਿੱਟੇ ਰੰਗ ਦੀ ਆਊਟਫਿਟ ‘ਚ ਨਜ਼ਰ ਆ ਰਹੀ ਸੀ।
ਦੋਵੇਂ ਈਵੈਂਟ ਦੌਰਾਨ ਕਈ ਵਾਰ ਇੱਕ ਦੂਜੇ ਕੋਲੋਂ ਲੰਘੇ ਪਰ ਗੱਲ ਨਹੀਂ ਹੋਈ। ਜਿੱਥੇ ਅਰਜੁਨ ਕਪੂਰ ਨੂੰ ਕੁਝ ਪ੍ਰਸ਼ੰਸਕਾਂ ਨਾਲ ਤਸਵੀਰਾਂ ਖਿਚਵਾਉਂਦੇ ਦੇਖਿਆ ਗਿਆ, ਮਲਾਇਕਾ ਚੁੱਪਚਾਪ ਉਸ ਦੇ ਪਿੱਛੇ ਤੋਂ ਤੁਰ ਪਈ। ਪ੍ਰੋਗਰਾਮ ਦੌਰਾਨ ਵੀ ਉਹ ਇਕ-ਦੂਜੇ ਤੋਂ ਦੂਰ ਹੀ ਬੈਠੇ ਸਨ।
ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਮਲਾਇਕਾ ਅਰੋੜਾ ਅਤੇ ਅਰਜੁਨ ਕਪੂਰ ਨੂੰ ਮੁੰਬਈ ਏਅਰਪੋਰਟ ‘ਤੇ ਸਪਾਟ ਕੀਤਾ ਗਿਆ ਸੀ। ਪ੍ਰਸ਼ੰਸਕ ਅੰਦਾਜ਼ਾ ਲਗਾ ਰਹੇ ਸਨ ਕਿ ਦੋਵਾਂ ਵਿਚਕਾਰ ਸਭ ਕੁਝ ਠੀਕ ਹੈ। ਹੋ ਸਕਦਾ ਹੈ ਕਿ ਉਹ ਇਕੱਠੇ ਛੁੱਟੀਆਂ ਮਨਾਉਣ ਜਾ ਰਹੇ ਹੋਣ। ਪਰ ਹੁਣ ਜੋ ਵੀਡੀਓ ਸਾਹਮਣੇ ਆਇਆ ਹੈ, ਉਸ ਨੂੰ ਦੇਖ ਕੇ ਸਾਫ ਲੱਗ ਰਿਹਾ ਹੈ ਕਿ ਅਰਜੁਨ ਅਤੇ ਮਲਾਇਕਾ ਨੇ ਆਪਣੇ ਬ੍ਰੇਕਅੱਪ ਦੀ ਪੁਸ਼ਟੀ ਕਰ ਦਿੱਤੀ ਹੈ। ਇਸ ਤੋਂ ਇਲਾਵਾ, ਦੋਵੇਂ ਸਮੇਂ-ਸਮੇਂ ‘ਤੇ ਸ਼ੇਅਰ ਕਰਨ ਵਾਲੀਆਂ ਗੁਪਤ ਪੋਸਟਾਂ ਵੀ ਬ੍ਰੇਕਅੱਪ ਦੀ ਅਫਵਾਹ ਨੂੰ ਹਵਾ ਦਿੰਦੀਆਂ ਹਨ।
