ਦੁਸਹਿਰੇ ਮੌਕੇ ਦੇਸ਼ ਭਰ ‘ਚ ਰੌਣਕਾਂ, ਬਦੀ ‘ਤੇ ਨੇਕੀ ਦੀ ਜਿੱਤ ਦਾ ਸੁਨੇਹਾ ਦੇ ਕੇ ਸਾੜਿਆ ਜਾਵੇਗਾ ‘ਰਾਵਣ’
ਜਲੰਧਰ (ਵੀਓਪੀ ਬਿਊਰੋ) ਹਿੰਦੂ ਧਰਮ ਵਿੱਚ ਕਈ ਤਿਉਹਾਰ ਮਨਾਏ ਜਾਂਦੇ ਹਨ। ਵਿਜਯਾਦਸ਼ਮੀ ਵੀ ਉਨ੍ਹਾਂ ਵਿੱਚੋਂ ਇੱਕ ਹੈ। ਨਵਰਾਤਰੀ ਦੇ ਆਖਰੀ ਦਿਨ ਵਿਜਯਾਦਸ਼ਮੀ ਯਾਨੀ ਦੁਸਹਿਰੇ ਦਾ ਤਿਉਹਾਰ ਬੜੀ ਧੂਮਧਾਮ ਨਾਲ ਮਨਾਇਆ ਜਾਂਦਾ ਹੈ। ਇਸ ਸਾਲ ਇਹ ਤਿਉਹਾਰ ਅੱਜ 12 ਅਕਤੂਬਰ (ਅੱਜ) ਨੂੰ ਮਨਾਇਆ ਜਾ ਰਿਹਾ ਹੈ। ਇਸ ਦਿਨ ਲੰਕਾ ਦੇ ਰਾਜੇ ਰਾਵਣ ਦਾ ਪੁਤਲਾ ਫੂਕ ਕੇ ਝੂਠ ‘ਤੇ ਸੱਚ ਦੀ ਜਿੱਤ ਦਾ ਜਸ਼ਨ ਮਨਾਇਆ ਜਾਂਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸ਼ਾਰਦੀਆ ਨਵਰਾਤਰੀ 3 ਅਕਤੂਬਰ ਤੋਂ ਸ਼ੁਰੂ ਹੋਈ ਸੀ ਅਤੇ ਇਹ ਸ਼ੁਭ ਤਿਉਹਾਰ 12 ਅਕਤੂਬਰ ਨੂੰ ਵਿਜੇਦਸ਼ਮੀ ਦੇ ਨਾਲ ਸਮਾਪਤ ਹੋ ਰਿਹਾ ਹੈ।
ਰਾਮਾਇਣ ਦੇ ਅਨੁਸਾਰ, ਨਵਰਾਤਰੀ ਦੇ ਦਿਨਾਂ ਵਿੱਚ, ਰਾਮ ਲੀਲਾ ਸ਼ਾਮ ਨੂੰ ਸ਼ਹਿਰਾਂ ਵਿੱਚ ਕੀਤੀ ਜਾਂਦੀ ਹੈ। ਜਿਸ ਨੂੰ ਲੋਕ ਬੜੀ ਦਿਲਚਸਪੀ ਅਤੇ ਉਤਸ਼ਾਹ ਨਾਲ ਦੇਖਣ ਜਾਂਦੇ ਹਨ।
ਇਸ ਰਾਮ ਲੀਲਾ ਰਾਹੀਂ ਸਾਡੇ ਬੱਚੇ ਇਤਿਹਾਸ ਬਾਰੇ ਜਾਣਕਾਰੀ ਪ੍ਰਾਪਤ ਕਰਦੇ ਹਨ ਅਤੇ ਰਾਮਾਇਣ ਨੂੰ ਸਮਝਦੇ ਹਨ। ਇਸ ਪ੍ਰੰਪਰਾ ਅਤੇ ਤਿਉਹਾਰ ਨੂੰ ਪੀੜ੍ਹੀ ਦਰ ਪੀੜ੍ਹੀ ਰਮਾਇਣ ਬਾਰੇ ਜਾਣਕਾਰੀ ਦੇ ਕੇ, ਰਾਮ ਲੀਲਾ ਦੇ ਰੂਪ ਵਿੱਚ ਮਨਾਉਂਦੇ ਰਹਿਣਾ ਇੱਕ ਵੱਡਾ ਯੋਗਦਾਨ ਅਤੇ ਇੱਕ ਚੰਗਾ ਉਪਰਾਲਾ ਹੈ। ਦੁਸਹਿਰੇ ਵਾਲੇ ਦਿਨ ਲੰਕਾ ਦੇ ਰਾਜੇ ਰਾਵਣ ਦੇ ਰੂਪ ਵਿੱਚ ਇੱਕ ਵਿਸ਼ਾਲ ਪੁਤਲਾ ਤਿਆਰ ਕੀਤਾ ਜਾਂਦਾ ਹੈ। ਜਿਸ ਵਿੱਚ ਕਈ ਤਰ੍ਹਾਂ ਦੇ ਪਟਾਕੇ ਪਾਏ ਜਾਂਦੇ ਹਨ। ਜਿਸ ਨੂੰ ਮਾਂ ਸੀਤਾ ਦੇ ਅਗਵਾ ਕਰਨ ਦੇ ਵਿਰੋਧ ‘ਚ ਦੁਸਹਿਰੇ ਵਾਲੇ ਦਿਨ ਚੱਲ ਰਹੀ ਪਰੰਪਰਾ ਅਨੁਸਾਰ ਰਾਮ ਲੀਲਾ ਦੀ ਸਮਾਪਤੀ ਤੋਂ ਬਾਅਦ ਅੱਗ ਲਗਾਈ ਜਾਂਦੀ ਹੈ। ਇਸ ਤਰ੍ਹਾਂ ਦੁਸਹਿਰੇ ਦੇ ਤਿਉਹਾਰ ਦੀ ਖੁਸ਼ੀ ਸਾਂਝੀ ਕੀਤੀ ਜਾਂਦੀ ਹੈ।Dusshera vihaydashmi Punjab delhi latest news jalandhar
