ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ‘ਤੇ ਇਕ ਅਨੋਖੇ ਕੱਛੇ ਨੂੰ ਲੈ ਕੇ ਕਾਫੀ ਚਰਚਾ ਹੈ। ਕਾਲੇ ਰੰਗ ਦੇ ਇਸ ਕੱਛੇ ਨੂੰ ਚੇਨ ਅਤੇ ਸਪਾਈਕਸ ਨਾਲ ਸਜਾਇਆ ਗਿਆ ਹੈ। ਜ਼ਾਹਿਰ ਹੈ, ਤੁਸੀਂ ਸੋਚਾਂ ਚ ਪੈ ਗਏ ਹੋਵੋਗੇ ਕਿ ਕੰਡੇ ਲੱਗੇ ਇਸ ਕੱਛੇ ਆਖਰ ਕੌਣ ਪਾਵੇਗਾ? ਪਰ ਇਸ ਤੋਂ ਵੀ ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਲੋਕ ਇਸ ਨੂੰ ਖਰੀਦਣ ਲਈ ਪਾਗਲ ਹੋ ਰਹੇ ਹਨ।
ਕਿਹਾ ਜਾਂਦਾ ਹੈ ਕਿ ਲਾਂਚ ਦੇ ਦੂਜੇ ਦਿਨ ਹੀ ਇਹ ਸੋਲਡ ਆਉਟ ਹੋ ਗਿਆ। ਮਤਲਬ ਜੇਕਰ ਤੁਸੀਂ ਇਸ ਨੂੰ ਖਰੀਦਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਨਵਾਂ ਲਾਟ ਆਉਣ ਤੱਕ ਕੁਝ ਸਮਾਂ ਉਡੀਕ ਕਰਨੀ ਪਵੇਗੀ। ਇਸ ਨੂੰ ਬਹੁਤ ਹੀ ਖਾਸ ਮਕਸਦ ਨਾਲ ਡਿਜ਼ਾਈਨ ਕੀਤਾ ਗਿਆ ਹੈ, ਅਤੇ ਉਹ ਕੀ ਹੈ, ਦਰਅਸਲ, ਮਿਊਜ਼ਿਕ ਕੰਸਰਟ ਦੌਰਾਨ ਬਾਥਰੂਮ ਬਰੇਕ ਦੀ ਚਿੰਤਾ ਨੂੰ ਦੂਰ ਕਰਨ ਲਈ, ‘ਮੈਟਲ ਮਿਊਜ਼ਿਕ’ ਨੇ ਆਪਣੇ ਡਾਈ ਹਾਰਡ ਫੈਨਸ ਲਈ ‘ਪਿਟ ਡਾਇਪਰ’ ਨਾਮ ਦਾ ਇੱਕ ਅਣੋਖਾ ਅੰਡਰਵੀਅਰ ਡਿਜ਼ਾਇਨ ਕੀਤਾ ਹੈ, ਜਿਸ ਨੂੰ ਪਹਿਨ ਕੇ ਉਹ ਬਿਨਾਂ ਕਿਸੇ ਰੁਕਾਵਟ ਦੇ ਆਪਣੇ ਮਨਪਸੰਦ ਗੀਤਾਂ ਦਾ ਆਨੰਦ ਮਾਣ ਸਕਣਗੇ। ਇਸਦੀ ਕੀਮਤ 59 ਪੌਂਡ (ਭਾਰਤੀ ਕਰੰਸੀ ਵਿੱਚ 6,336.18 ਰੁਪਏ) ਰੱਖੀ ਗਈ ਹੈ।
ਪਿਟ ਡਾਇਪਰ ਦੀਆਂ ਵਿਸ਼ੇਸ਼ਤਾਵਾਂ
‘ਪਿਟ ਡਾਇਪਰ’ ਕ੍ਰੂਐਲਟੀ ਫਰੀ ਕਿਵਲਟੇਡ ਲੈਦਰ ਨਾਲ ਬਣਾਇਆ ਗਿਆ ਹੈ, ਜਿਸ ਨੂੰ ਚੇਨ ਅਤੇ ਸਪਾਈਕਸ ਨਾਲ ਸਜਾਇਆ ਗਿਆ ਹੈ। ਮਤਲਬ, ਇਹ ਅੰਡਰਵੀਅਰ ਫੈਸ਼ਨ ਅਤੇ ਫੰਕਸ਼ਨ ਦਾ ਪਰਫੈਕਟ ਕੋਂਬੋ ਹੈ।
ਇਸ ਦੀ ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਇਸ ਚੋਂ ਬਦਬੂ ਵੀ ਨਹੀਂ ਆਉਂਦੀ। ਨਾਲ ਹੀ ਲੀਕ ਨਾ ਹੋਣ ਦੀ ਪੂਰੀ ਗਾਰੰਟੀ ਹੈ।
ਇਸ ਨੂੰ ‘ਲਿਕਵਿਡ ਡੇਥ’ ਅਤੇ ‘ਡਿਪੈਂਡ’ ਨਾਮ ਦੀ ਕੰਪਨੀ ਨੇ ਮਿਲ ਕੇ ਬਣਾਇਆ ਹੈ। ਮੈਟਲ ਮਿਊਜ਼ਿਕ ਦੇ ਡਰਮਰ ਬੇਨ ਕੋਲਰ ਨੇ ਪਿਟ ਡਾਇਪਰਸ ਨੂੰ ਪ੍ਰਮੋਟ ਕਰਦੇ ਹੋਏ ਕਿਹਾ, ‘ਕੋਈ ਵੀ ਸ਼ੋਅ ਬਾਥਰੂਮ ਬ੍ਰੇਕ ਲਈ ਨਹੀਂ ਰੋਕਿਆ ਜਾ ਸਕਦਾ। ਪਰ ਇੱਕ ਪਿਟ ਡਾਇਪਰ ਵਿੱਚ, ਮੈਂ ਬਿਨਾਂ ਕੋਈ ਗਾਣਾ ਮਿਸ ਕੀਤੇ ਖੁਦ ਨੂੰ ਹਾਈਡ੍ਰੇਟ ਰੱਖ ਸਕਦਾ ਹਾਂ।’
