13 ਸਾਲ ਦੇ ਪੁੱਤ ਤੇ 11 ਸਾਲ ਦੇ ਭਤੀਜੇ ਨਾਲ ਆਇਆ ਸੀ ਬਾਜ਼ਾਰ, ਗੰਨੇ ਵਾਲੀ ਟਰਾਲੀ ਪਲਟੀ, ਪੁੱਤ ਦੀ ਮੌ+ਤ ਭਤੀਜਾ ਗੰਭੀਰ
Punjab, mehatpur, accident
ਵੀਓਪੀ ਬਿਊਰੋ- ਜਲੰਧਰ ਦੇ ਕਸਬਾ ਮਹਿਤਪੁਰ ‘ਚ ਇੱਕ ਦਰਦਨਾਕ ਹਾਦਸਾ ਵਾਪਰਿਆ ਹੈ। ਇਸ ਦਰਦਨਾਕ ਹਾਦਸੇ ਵਿੱਚ ਇੱਕ ਪਰਿਵਾਰ ਦੇ ਇਕਲੌਤੇ ਪੁੱਤਰ ਦੀ ਮੌਤ ਹੋ ਗਈ। ਮਾਸੂਮ ਬੱਚੇ ਦੀ ਮੌਤ ਤੋਂ ਬਾਅਦ ਪਰਿਵਾਰਕ ਮੈਂਬਰਾਂ ਦਾ ਬੁਰਾ ਹਾਲ ਹੈ ਅਤੇ ਉਹ ਰੋ ਰਹੇ ਹੈ।
ਜਲੰਧਰ ਜ਼ਿਲ੍ਹੇ ਦੇ ਮਹਿਤਪੁਰ-ਪਰਜੀਆਂ ਰੋਡ ‘ਤੇ ਸ਼ਨੀਵਾਰ ਦੇਰ ਰਾਤ ਗੰਨੇ ਨਾਲ ਭਰੀ ਇੱਕ ਓਵਰਲੋਡ ਟਰਾਲੀ ਪਲਟ ਗਈ, ਜਿਸ ਕਾਰਨ ਤਿੰਨ ਲੋਕ ਇਸ ਹੇਠ ਦੱਬ ਗਏ। ਆਸ-ਪਾਸ ਦੇ ਲੋਕਾਂ ਨੇ ਗੰਨੇ ਨੂੰ ਹਟਾ ਦਿੱਤਾ ਅਤੇ ਜ਼ਖਮੀਆਂ ਨੂੰ ਮਹਿਤਪੁਰ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਪਹੁੰਚਾਇਆ। ਉੱਥੋਂ ਹੀ 13 ਸਾਲਾ ਯੁਵਰਾਜ ਨੂੰ ਨਕੋਦਰ ਰੈਫਰ ਕਰ ਦਿੱਤਾ ਗਿਆ, ਜਿੱਥੇ ਉਸਦੀ ਮੌਤ ਹੋ ਗਈ। ਯੁਵਰਾਜ ਪਰਿਵਾਰ ਦਾ ਇਕਲੌਤਾ ਪੁੱਤਰ ਸੀ।
ਇਸ ਹਾਦਸੇ ਵਿੱਚ ਉਸਦੇ ਪਿਤਾ, ਫਲ ਕਾਰੋਬਾਰੀ ਅਰਵਿੰਦਰ ਕੁਮਾਰ ਉਰਫ਼ ਭੋਲਾ ਦੀ ਲੱਤ ਟੁੱਟ ਗਈ, ਜਦੋਂ ਕਿ 11 ਸਾਲਾ ਮੋਹਿਤ ਦੀ ਹਾਲਤ ਨਾਜ਼ੁਕ ਦੱਸੀ ਜਾ ਰਹੀ ਹੈ। ਸੀਸੀਟੀਵੀ ਫੁਟੇਜ ਵਿੱਚ ਦਿਖਾਇਆ ਗਿਆ ਕਿ ਅਰਵਿੰਦਰ ਆਪਣੇ 13 ਸਾਲ ਦੇ ਪੁੱਤਰ ਯੁਵਰਾਜ ਅਤੇ 11 ਸਾਲ ਦੇ ਭਤੀਜੇ ਮੋਹਿਤ ਨਾਲ ਬਾਜ਼ਾਰ ਆਇਆ ਸੀ।
ਜਦੋਂ ਉਹ ਮਾਡਲ ਟਾਊਨ ਨੇੜੇ ਕੁਆਲਿਟੀ ਸੁਪਰ ਸਟੋਰ ਦੇ ਨੇੜੇ ਪਹੁੰਚੇ ਤਾਂ ਸਾਹਮਣੇ ਤੋਂ ਗੰਨੇ ਨਾਲ ਭਰੀ ਇੱਕ ਓਵਰਲੋਡ ਟਰਾਲੀ ਆ ਰਹੀ ਸੀ, ਜਿਸਨੂੰ ਦੇਖ ਕੇ ਭੋਲਾ ਨੇ ਸਾਈਕਲ ਰੋਕ ਲਿਆ। ਫਿਰ ਟਰਾਲੀ ਉਨ੍ਹਾਂ ਉੱਤੇ ਪਲਟ ਗਈ। ਹਾਲਾਂਕਿ ਭੋਲਾ ਨੇ ਬੱਚਿਆਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਵੀ ਕੀਤੀ ਸੀ।
