ਯੂਨੀਵਰਸਿਟੀ ਦੀ ਵਿਦਿਆਰਥਣ ਨੇ ਲਿਆ ਫਾਹਾ, ਸੁਸਾਇਡ ਨੋਟ ‘ਚ ਲਿਖਿਆ ਅਜੀਬੋ-ਗਰੀਬ ਕਾਰਨ
ਵੀਓਪੀ ਬਿਊਰੋ -ਚੰਡੀਗੜ੍ਹ ਯੂਨੀਵਰਸਿਟੀ ਦੀ 20 ਸਾਲਾ ਵਿਦਿਆਰਥਣ ਸੁਖਦਿਲ ਨੂਰ ਕੌਰ ਨੇ ਹੋਸਟਲ ਵਿੱਚ ਫਾਹਾ ਲੈ ਕੇ ਖੁਦਕੁਸ਼ੀ ਕਰ ਲਈ। ਸੁਖਦਿਲ ਲੁਧਿਆਣਾ ਦੇ ਮੁੱਲਾਪੁਰ ਦਾਖਾ ਦੀ ਰਹਿਣ ਵਾਲੀ ਸੀ ਅਤੇ ਚੰਡੀਗੜ੍ਹ ਯੂਨੀਵਰਸਿਟੀ ਸ਼ਹਿਰੀ ਹਵਾਬਾਜ਼ੀ ਅਤੇ ਸੈਰ-ਸਪਾਟਾ ਦੀ ਪਹਿਲੇ ਸਾਲ ਦੀ ਵਿਦਿਆਰਥਣ ਸੀ।
ਇਸੇ ਦਫ਼ਤਰ ਤੋਂ ਸਟਾਫ਼ ਨੂੰ ਇੱਕ ਨੋਟ ਮਿਲਿਆ, ਜਿਸ ਵਿੱਚ ਲੜਕੀ ਨੇ ਆਪਣੇ ਮਾਪਿਆਂ ਦੇ ਨਾਮ ਸੰਬੋਧਨ ਕਰਦਿਆ ਲਿਖਿਆ ਸੀ ਕਿ ਮੇਰਾ ਲੈਪਟਾਪ ਗੁਆਚ ਗਿਆ ਹੈ। ਮੈਂ ਲੈਪਟਾਪ ਕਿਵੇਂ ਲੱਭਾਂ ਅਤੇ ਕਿਸ ਨੂੰ ਲੱਭਣ ਲਈ ਬੋਲਾ ਮੈਨੂੰ ਕੁੱਝ ਵੀ ਸਮਝ ਨਹੀਂ ਆ ਰਿਹਾ। ਮੇਰੀ ਖੁਦਕੁਸ਼ੀ ਲਈ ਕੋਈ ਜ਼ਿੰਮੇਵਾਰ ਨਹੀਂ ਹੈ।
ਪੁਲਿਸ ਨੂੰ ਮੌਕੇ ਤੋਂ ਵਿਦਿਆਰਥੀ ਦਾ ਮੋਬਾਈਲ ਮਿਲਿਆ ਹੈ, ਜੋ ਕਿ ਸਵਿੱਚ ਔਫ ਸੀ। ਘੜੂੰਆਂ ਪੁਲਿਸ ਨੇ ਪੋਸਟਮਾਰਟਮ ਤੋਂ ਬਾਅਦ ਲਾਸ਼ ਪਰਿਵਾਰ ਨੂੰ ਸੌਂਪ ਦਿੱਤੀ ਹੈ। ਸੁਖਦਿਲ ਦੇ ਪਿਤਾ ਸੁਖਜੀਵਨ ਸਿੰਘ ਪਿੰਡ ਵਿੱਚ ਇੱਕ ਫੋਟੋਗ੍ਰਾਫਰ ਹਨ। ਛੋਟਾ ਭਰਾ 10 ਸਾਲ ਦਾ ਹੈ। ਪਿਤਾ ਦੇ ਬਿਆਨ ‘ਤੇ ਕਾਰਵਾਈ ਕਰਦੇ ਹੋਏ ਪੁਲਿਸ ਨੇ ਧਾਰਾ 194ਬੀ ਤਹਿਤ ਕਾਰਵਾਈ ਕੀਤੀ ਹੈ।
