ਬਦਨਾਮੀ ਦਾ ਡਰਾਵਾ ਦੇ ਕੇ ਠੱਗੇ 8 ਲੱਖ ਰੁਪਏ, 3 ਔਰਤਾਂ ਸਣੇ 6 ਕਾਬੂ, ਇੰਝ ਰਚੀ ਸਾਜਿਸ਼
ਵੀਓਪੀ ਬਿਊਰੋ -ਫਰੀਦਕੋਟ ਪੁਲਿਸ ਵੱਲੋਂ ਬਲੈਕਮੇਲਿੰਗ ਕਰਕੇ 8 ਲੱਖ ਰੁਪਏ ਲੈਣ ਦੇ ਮਾਮਲੇ ਵਿੱਚ 03 ਮਹਿਲਾਵਾ ਸਮੇਤ 06 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਜਾਣਕਾਰੀ ਮੁਤਾਬਿਕ ਪਿਛਲੇ ਦਿਨੀ ਫਰੀਦੋਕਟ ਪੁਲਿਸ ਦੇ ਇੱਕ ਮਾਮਲਾ ਧਿਆਨ ਵਿੱਚ ਆਇਆ ਸੀ ਕਿ ਇੱਕ ਕਾਰੋਬਾਰੀ ਜੋ ਕਿ ਰਾਧਾ ਕ੍ਰਿਸ਼ਨ ਧਾਮ ਦੇ ਟਰੱਸਟ ਦਾ ਮੈਬਰ ਹੈ, ਨੂੰ ਮਿਤੀ 09 ਨਵੰਬਰ ਨੂੰ ਕਾਲ ਆਈ ਸੀ, ਜਿਸ ਵਿੱਚ ਇੱਕ ਔਰਤ ਨੇ ਕਿਹਾ ਕਿ ਤੁਹਾਡੇ ਆਸ਼ਰਮ ਵਿੱਚ ਗਲਤ ਕੰਮ ਹੁੰਦੇ ਹਨ, ਉਹਨਾ ਦੇ ਮੇਰੇ ਪਾਸ ਸਬੂਤ ਹਨ।
ਇਸ ਤੋਂ ਬਾਅਦ ਪੀੜਤ ਨੂੰ ਡੈਂਟਲ ਕਾਲਜ ਦੇ ਨੇੜੇ ਆ ਕੇ ਮਿਲਣ ਲਈ ਬੁਲਾਇਆ ਗਿਆ। ਪੀੜਤ ਉਸ ਔਰਤ ਨੂੰ ਮਿਲਣ ਚਲਾ ਗਿਆ ਅਤੇ ਔਰਤ ਵੀ ਉਸ ਦੀ ਗੱਡੀ ਵਿੱਚ ਬੈਠ ਗਈ ਅਤੇ ਪੀੜਤ ਨੇ ਕਿਹਾ ਕਿ ਆਸ਼ਰਮ ਬਾਰੇ ਕੀ ਸਬੂਤ ਹੈ ਤਾਂ ਇਸ ਨੇ ਕਿਹਾ ਕਿ ਮੇਰੇ ਪਾਸ ਕੋਈ ਸਬੂਤ ਨਹੀ ਹੈ, ਮੇਰਾ ਬਾਹਰ ਦਾ ਵੀਜ਼ਾ ਲੱਗਾ ਹੈ ਤੁਸੀ ਮੇਰੀ ਮਦਦ ਕਰੋ ਮੈਨੂੰ 2/3 ਲੱਖ ਰੁਪਏ ਦੇ ਦਿਓ। ਇਸ ਪਾਸ ਆਸ਼ਰਮ ਬਾਰੇ ਕੋਈ ਸਬੂਤ ਨਾ ਹੋਣ ਕਰਕੇ ਇਸ ਨੂੰ ਮੁਦੱਈ ਨੇ ਡੈਂਟਲ ਕਾਲਜ ਪਾਸ ਹੀ ਕਾਰ ਵਿੱਚੋ ਉਤਾਰ ਦਿੱਤਾ।
ਫਿਰ ਇਹਨਾ ਵੱਲੋ ਮੁਦੱਈ ਖਿਲਾਫ ਲੜਕੀ ਨੂੰ ਕਾਰ ਵਿੱਚ ਬਿਠਾਉਣ ਕਰਕੇ ਰਿਸ਼ਤਾ ਟੁੱਟਣ ਕਰਕੇ ਕਾਰਵਾਈ ਕਰਵਾਉਣ ਦੀ ਧਮਕੀ ਦਿੱਤੀ ਅਤੇ ਰਾਜ਼ੀਨਾਮੇ ਲਈ 15 ਲੱਖ ਦੀ ਡਿਮਾਡ ਕੀਤੀ ਤਾ ਜੋ ਕਿ 08 ਲੱਖ ਰੁਪਏ ਵਿੱਚ ਫੈਸਲਾ ਤੈਅ ਹੋ ਗਿਆ ਜੋ ਮਿਤੀ 14-11-2025 ਨੂੰ ਵੰਸ ਵਿਲਾ ਵਿੱਚ ਪੇਮੈਂਟ ਦੇਣ ਦਾ ਤੈਅ ਹੋਇਆ। ਦੋਸ਼ੀਆਂ ਨੇ ਮੁੱਦਈ ਦੇ ਪਰਿਵਾਰ ਦਾ ਨੁਕਸਾਨ ਕਰਨ ਅਤੇ ਵੀਡੀਓ ਵਾਇਰਲ ਕਰਨ ਦਾ ਅਤੇ ਝੂਠਾ ਮੁੱਕਦਮਾ ਦਰਜ ਕਰਵਾਉਣ ਦਾ ਡਰਾਵਾ ਦੇ ਕੇ ਮੁਦੱਈ ਪਾਸੋ 08 ਲੱਖ ਰੁਪਏ ਹਾਸਲ ਕੀਤੇ ਗਏ, ਜਿਸ ‘ਤੇ ਥਾਣਾ ਸਦਰ ਫਰੀਦਕੋਟ ਪੁਲਿਸ ਵੱਲੋ ਤੁਰੰਤ ਕਾਰਵਾਈ ਕਰਦੇ ਹੋਏ ਇਸ ਗਿਰੋਹ ਵਿੱਚ ਸ਼ਾਮਿਲ 03 ਮਹਿਲਾਵਾ ਸਮੇਤ ਕੁੱਲ 06 ਦੋਸ਼ੀਆ ਨੂੰ ਪੈਲੀਕਨ ਪਲਾਜਾ ਨਜਦੀਕ ਗ੍ਰਿਫਤਾਰ ਕੀਤਾ ਗਿਆ।
