ਜੇ ਸਿਮ ਨਹੀਂ ਤਾਂ ਪੁਰਾਣੇ ਨੰਬਰਾਂ ‘ਤੇ ਚੱਲਦੈ WhatsApp, Snapchat, telegram ਵੀ ਹੋ ਜਾਣਗੇ ਬੰਦ
ਨਵੀਂ ਦਿੱਲੀ (ਵੀਓਪੀ ਬਿਊਰੋ) ਜਿਵੇਂ-ਜਿਵੇਂ ਅਸੀਂ ਆਧੁਨਿਕਤਾ ਵੱਲ ਵੱਧ ਰਹੇ ਹਾਂ, ਉਸੇ ਦੇ ਨਾਲ ਸਾਨੂੰ ਫਾਇਦਾ ਤੇ ਨੁਕਸਾਨ ਦੋਵੇਂ ਹੋ ਰਹੇ ਹਨ। ਇਸ ਸਮੇਂ ਇੰਟਰਨੈੱਟ ਦਾ ਦੌਰ ਹੈ ਤਾਂ ਇਸ ਦੌਰਾਨ ਸਾਇਬਰ ਅਪਰਾਧ ਵੀ ਕਾਫ਼ੀ ਵੱਧ ਗਿਆ ਹੈ। ਆਨਲਾਈਨ ਠੱਗੀਆਂ ਹੋ ਰਹੀਆਂ ਹਨ ਅਤੇ ਭੋਲੇ-ਭਾਲੇ ਲੋਕ ਠੱਗੇ ਜਾ ਰਹੇ ਹਨ। ਇਸੇ ਨੂੰ ਲੈ ਕੇ ਹੁਣ ਕੇਂਦਰ ਸਰਕਾਰ ਨੇ ਸਖਤੀ ਕਰਨ ਦਾ ਫੈਸਲਾ ਕਰ ਲਿਆ ਹੈ।
ਕੇਂਦਰ ਸਰਕਾਰ ਨੇ ਸ਼ਨੀਵਾਰ ਨੂੰ ਮੈਸੇਜਿੰਗ ਪਲੇਟਫਾਰਮਾਂ ਸੰਬੰਧੀ ਇੱਕ ਨਵਾਂ ਆਦੇਸ਼ ਜਾਰੀ ਕੀਤਾ। WhatsApp, Telegram, Signal, Snapchat, ShareChat, JioChat, Arattai, ਅਤੇ Josh ਵਰਗੇ ਮੈਸੇਜਿੰਗ ਪਲੇਟਫਾਰਮ ਹੁਣ ਬਿਨਾਂ ਐਕਟਿਵ ਸਿਮ ਕਾਰਡ ਦੇ ਕੰਮ ਨਹੀਂ ਕਰ ਸਕਣਗੇ। ਸਰਕਾਰ ਦਾ ਦਾਅਵਾ ਹੈ ਕਿ ਇਸ ਨਾਲ ਸਾਈਬਰ ਧੋਖਾਧੜੀ ਕਰਨ ਵਾਲਿਆਂ ਦਾ ਪਤਾ ਲਗਾਉਣ ਵਿੱਚ ਮਦਦ ਮਿਲੇਗੀ।
ਇਹ ਐਪ ਸਿਰਫ਼ ਉਦੋਂ ਹੀ ਕੰਮ ਕਰੇਗੀ ਜਦੋਂ ਉਪਭੋਗਤਾ ਦਾ ਰਜਿਸਟਰਡ ਸਿਮ ਉਸ ਮੋਬਾਈਲ ਫੋਨ ਵਿੱਚ ਐਕਟਿਵ ਹੋਵੇ। ਇਸ ਤੋਂ ਇਲਾਵਾ, “ਸਿਮ ਬਾਈਡਿੰਗ” ਦੇ ਤਹਿਤ, ਜੇਕਰ ਸਿਮ ਮੋਬਾਈਲ ਫੋਨ ਤੋਂ ਹਟਾ ਦਿੱਤਾ ਜਾਂਦਾ ਹੈ ਤਾਂ WhatsApp ਅਤੇ ਹੋਰ ਮੈਸੇਜਿੰਗ ਐਪਸ ਅਯੋਗ ਹੋ ਜਾਣਗੇ।
