ਗੁਰਸ਼ਬਦ ਕੌਰ ਨੇ ਕੀਤਾ ਜੰਡਿਆਲਾ ਗੁਰੂ ਦਾ ਨਾਮ ਰੌਸ਼ਨ

*ਖੇਡਾਂ ਵਤਨ ਪੰਜਾਬ ਦੀਆਂ ਦੇ ਜ਼ਿਲ੍ਹਾ ਪੱਧਰੀ ਤੈਰਾਕੀ ਮੁਕਾਬਲਿਆਂ ‘ਚ ਜਿੱਤਿਆ ਸੋਨ ਤੇ ਸਿਲਵਰ ਤਮਗਾ*

ਜੰਡਿਆਲਾ ਗੁਰੂ,( ਵਰਿੰਦਰ ਸਿੰਘ ਮਲਹੋਤਰਾ):- ਕਸਬਾ ਜੰਡਿਆਲਾ ਗੁਰੂ ਦੇ ਲਈ ਇਹ ਮਾਣ ਦੀ ਗੱਲ ਬਣ ਗਈ ਜਦੋਂ ਭਗਵੰਤ ਮਾਨ ਸਰਕਾਰ ਵੱਲੋਂ ਕਰਵਾਈਆਂ ਜਾ ਰਹੀਆਂ “

ਖੇਡਾਂ ਵਤਨ ਪੰਜਾਬ ਦੀਆਂ” ਦੇ ਤੈਰਾਕੀ ਮੁਕਾਬਲਿਆਂ ‘ਚ ਸੇਂਟ ਫਰਾਂਸਿਸ ਕਾਨਵੈਂਟ ਸਕੂਲ ਦੀ ਵਿਦਿਆਰਥਣ ਅਤੇ ਜੋਤੀਸਰ ਕਲੋਨੀ ਦੇ ਵਸਨੀਕ ਐਡਵੋਕੇਟ ਸ਼ੁਕਰਗੁਜ਼ਾਰ ਸਿੰਘ ਦੀ ਸਪੁੱਤਰੀ ਗੁਰਸ਼ਬਦ ਕੌਰ ਨੇ ਜ਼ਿਲ੍ਹਾ ਪੱਧਰੀ ਤੈਰਾਕੀ ਅੰਡਰ-14 ਗਰੁੱਪ ਚੋਂ 100 ਮੀਟਰ ਬੈਕਸਟਰੋਕ ਕੈਟਾਗਿਰੀ ‘ਚ ਗੋਲਡ ਮੈਡਲ ਅਤੇ 50 ਮੀਟਰ ਬੈਕਸਟਰੋਕ ਕੈਟਾਗਰੀ ‘ਚ ਸਿਲਵਰ ਮੈਡਲ ਜਿੱਤਿਆ।

ਉਪਰੋਕਤ ਮੁਕਾਬਲੇ ਖ਼ਾਲਸਾ ਕਾਲਜ ਅੰਮ੍ਰਿਤਸਰ ਵਿਖੇ ਹੋਏ। ਇਸ ਮੌਕੇ ਪੰਜਾਬ ਸਰਕਾਰ,ਜ਼ਿਲ੍ਹਾ ਸਪੋਰਟਸ ਅਥਾਰਟੀ, ਵੱਖ ਵੱਖ ਸਕੂਲ,ਕਾਲਜ, ਯੂਨੀਵਰਸਿਟੀਆਂ ਦੇ ਸਪੋਰਟਸ ਵਿਭਾਗ ਦੇ ਅਧਿਕਾਰੀ ਵੀ ਮੌਜੂਦ ਸਨ।

ਇਸ ਮੌਕੇ ਬੱਚੀ ਗੁਰਸ਼ਬਦ ਕੌਰ ਨੇ ਆਪਣੇ ਸੀਨੀਅਰ ਕੋਚ ਸਾਹਿਬਨ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਤੋਂ ਸ਼੍ਰੀ ਪਵਨ ਕੁਮਾਰ ਸ਼ਰਮਾ ਜੀ ਅਤੇ ਸ਼੍ਰੀ ਸੌਰਭ ਸਿੱਕਾ ਜੀ ਦਾ ਸ਼ੁਕਰਗੁਜ਼ਾਰ ਕਰਦਿਆਂ ਕਿਹਾ ਕਿ ਉਹਨਾਂ ਦੀ ਇਸ ਜਿੱਤ ਪਿੱਛੇ ਸਾਰੀ ਮਿਹਨਤ ਕੋਚ ਸਾਹਿਬਾਨ, ਸੇਂਟ ਫਰਾਂਸਿਸ ਕਾਨਵੈਂਟ ਸਕੂਲ ਦੇ ਡੀ.ਪੀ. ਮੈਡਮ ਰਮਨਪ੍ਰੀਤ ਕੌਰ ਜੀ ਦੀ ਹੈ ਜਿੰਨਾਂ ਨੇ ਤੈਰਾਕੀ ਦੇ ਵੱਖ ਵੱਖ ਗੁਰ ਦੱਸੇ ਅਤੇ ਲਗਾਤਾਰ ਮਿਹਨਤ ਕਰਵਾਈ। ਗੁਰਸ਼ਬਦ ਕੌਰ ਨੇ ਕਿਹਾ ਕਿ ਹੁਣ ਓਹ ਸਟੇਟ ਪੱਧਰ ਲਈ ਹੋਰ ਮਿਹਨਤ ਕਰੇਗੀ।