ਕਰੋੜਪਤੀ ਭਿਖਾਰੀ…ਅੱਡੀਆਂ ਰਹਿ ਗਈਆਂ A ਕਲਾਸ ਅਫਸਰਾਂ ਦੀਆਂ ਅੱਖਾਂ

ਕਰੋੜਪਤੀ ਭਿਖਾਰੀ…ਅੱਡੀਆਂ ਰਹਿ ਗਈਆਂ A ਕਲਾਸ ਅਫਸਰਾਂ ਦੀਆਂ ਅੱਖਾਂ

ਇੰਦੌਰ (ਵੀਓਪੀ ਬਿਊਰੋ) ਮੱਧ ਪ੍ਰਦੇਸ਼ ਦੇ ਇੰਦੌਰ ਦੀਆਂ ਸੜਕਾਂ ‘ਤੇ ਭੀਖ ਮੰਗਣ ਵਾਲੇ ਇਕ ਮਾਂਗੀ ਲਾਲ ਅਸਲ ‘ਚ ਕਰੋੜਾਂ ਦੀ ਜਾਇਦਾਦ ਦਾ ਮਾਲਕ ਨਿਕਲਿਆ। ਭਿਖਾਰੀ ਦੀ ਅਮੀਰੀ ਦੇ ਕਿੱਸੇ ਸੁਣ ਕੇ ਪ੍ਰਸ਼ਾਸਨਿਕ ਅਧਿਕਾਰੀ ਵੀ ਦੰਗ ਰਹਿ ਗਏ।

ਮਾਂਗੀ ਲਾਲ ਸਰਾਫਾ ਦੀਆਂ ਗਲੀਆਂ ‘ਚ ਲੱਕੜ ਦੀ ਇਕ ਫਿਸਲਣ ਵਾਲੀ ਗੱਡੀ, ਪਿੱਠ ‘ਤੇ ਬੈਗ ਅਤੇ ਹੱਥ ‘ਚ ਜੁੱਤੀ ਲੈ ਕੇ ਲੋਕਾਂ ਦੀ ਹਮਦਰਦੀ ਬਟੋਰਦਾ ਸੀ। ਉਹ ਬਿਨਾਂ ਕੁਝ ਬੋਲੇ ਲੋਕਾਂ ਦੇ ਕੋਲ ਖੜ੍ਹਾ ਹੋ ਜਾਂਦਾ ਸੀ ਅਤੇ ਲੋਕ ਖੁਦ ਉਸ ਨੂੰ ਪੈਸੇ ਦੇ ਦਿੰਦੇ ਸਨ, ਜਿਸ ਨਾਲ ਉਹ ਰੋਜ਼ਾਨਾ 500 ਤੋਂ 1000 ਰੁਪਏ ਤੱਕ ਕਮਾ ਲੈਂਦਾ ਸੀ।

ਇੰਨਾ ਹੀ ਨਹੀਂ, ਉਸ ਕੋਲ ਤਿੰਨ ਆਟੋ ਹਨ ਜੋ ਉਹ ਕਿਰਾਏ ‘ਤੇ ਚਲਵਾਉਂਦਾ ਹੈ ਅਤੇ ਇਕ ਡਿਜ਼ਾਇਰ ਕਾਰ ਵੀ ਹੈ, ਜਿਸ ਨੂੰ ਚਲਾਉਣ ਲਈ ਉਸ ਨੇ ਖ਼ਾਸ ਤੌਰ ‘ਤੇ ਇਕ ਡਰਾਈਵਰ ਰੱਖਿਆ ਹੋਇਆ ਹੈ। ਉਹ ਅਲਵਾਸ ‘ਚ ਆਪਣੇ ਮਾਤਾ-ਪਿਤਾ ਨਾਲ ਰਹਿੰਦਾ ਹੈ।