ਮੰਤਰੀ ਦੇ ਘਰ ਨੇੜਿਓ ਹੀ ਔਰਤ ਕੋਲੋਂ ਖੋਹ ਕੇ ਲੈ ਗਏ ਵਾਲੀਆਂ

ਮੰਤਰੀ ਦੇ ਘਰ ਨੇੜਿਓ ਹੀ ਔਰਤ ਕੋਲੋਂ ਖੋਹ ਕੇ ਲੈ ਗਏ ਵਾਲੀਆਂ

ਜਲੰਧਰ (ਵੀਓਪੀ ਬਿਊਰੋ) ਜਲੰਧਰ ਵਿੱਚ ਅਪਰਾਧ ਸਿਖਰਾਂ ‘ਤੇ ਰਿਹਾ ਹੈ, ਇਹ ਕਹਿਣਾ ਗਲਤ ਵੀ ਨਹੀਂ ਹੋਵੇਗਾ ਕਿਉਂਕਿ ਮੰਤਰੀ ਦੀ ਕੋਠੀ ਨੇੜੇ ਹੀ ਅਜਿਹੀ ਵਾਰਦਾਤ ਵਾਪਰ ਗਈ ਹੈ।

ਮਾਮਲਾ ਸਾਹਮਣੇ ਆਇਆ ਹੈ ਜਲੰਧਰ ਦੇ ਪਾਸ਼ ਅਰਬਨ ਅਸਟੇਟ ਫੇਜ਼-2 ਤੋਂ, ਇੱਥੇ ਕੈਬਨਿਟ ਮੰਤਰੀ ਮਹਿੰਦਰ ਭਗਤ ਦੇ ਘਰ ਦੇ ਨੇੜੇ ਇੱਕ ਗਲੀ ਵਿੱਚ ਬੈਠੀ ਇੱਕ ਬਜ਼ੁਰਗ ਔਰਤ ਤੋਂ ਦੋ ਬਾਈਕ ਸਵਾਰ ਲੁਟੇਰਿਆਂ ਨੇ ਕੰਨਾਂ ਦੀਆਂ ਵਾਲੀਆਂ ਖੋਹ ਲਈਆਂ ਅਤੇ ਮੌਕੇ ਤੋਂ ਭੱਜ ਗਏ।

ਪੁਲਿਸ ਨੇ ਸੀਸੀਟੀਵੀ ਦੇ ਅਧਾਰ ‘ਤੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਜਾਣਕਾਰੀ ਮੁਤਾਬਕ ਲੀਲਾਵਤੀ ਨਾਂ ਦੀ ਔਰਤ ਨਾਲ ਇਹ ਲੁੱਟ ਹੋਈ ਹੈ। ਪਾਸ਼ ਇਲਾਕੇ ਵਿੱਚ ਹੋਈ ਇਸ ਲੁੱਟ ਨਾਲ ਲੋਕਾਂ ਦੇ ਮਨਾਂ ਵਿੱਚ ਡਰ ਦਾ ਮਾਹੌਲ ਹੈ।