ਪਠਾਨਕੋਟ (ਵੀਓਪੀ ਬਿਊਰੋ) ਸੋਮਵਾਰ ਸਵੇਰੇ ਪਠਾਨਕੋਟ ਨਗਰ ਨਿਗਮ ਦੇ ਕਮਿਸ਼ਨਰ ਦੀ ਅਧਿਕਾਰਤ ਈਮੇਲ ‘ਤੇ ਇੱਕ ਧਮਕੀ ਭਰਿਆ ਪੱਤਰ ਮਿਲਣ ਤੋਂ ਬਾਅਦ ਪ੍ਰਸ਼ਾਸਨਿਕ ਅਤੇ ਸੁਰੱਖਿਆ ਏਜੰਸੀਆਂ ਹਰਕਤ ਵਿੱਚ ਆ ਗਈਆਂ ਹਨ। “ਖਾਲਿਸਤਾਨ ਨੈਸ਼ਨਲ ਆਰਮੀ” ਨਾਮਕ ਸੰਗਠਨ ਵੱਲੋਂ ਭੇਜੀ ਗਈ ਇਸ ਈਮੇਲ (fabibows16@gmail.com) ਵਿੱਚ ਨਗਰ ਨਿਗਮ ਦਫ਼ਤਰ, ਫੌਜ ਸਟੇਸ਼ਨਾਂ ਅਤੇ ਛਾਉਣੀ ਸਥਿਤ ਆਰਮੀ ਸਕੂਲਾਂ ਵਿੱਚ IED ਧਮਾਕੇ ਕਰਨ ਦੀ ਚੇਤਾਵਨੀ ਦਿੱਤੀ ਗਈ ਹੈ।
ਧਮਕੀ ਦੇ ਸਮੇਂ ਅਤੇ ਨਿਸ਼ਾਨੇ:
-
ਪਠਾਨਕੋਟ ਆਰਮੀ ਸਕੂਲ: ਦੁਪਹਿਰ 1:11 ਵਜੇ
-
ਆਰਮੀ ਸਟੇਸ਼ਨ / ਕੈਂਟੋਨਮੈਂਟ ਏਰੀਆ: ਰਾਤ 9:11 ਵਜੇ
ਈਮੇਲ ਵਿੱਚ ਲਿਖਿਆ ਗਿਆ ਹੈ ਕਿ 15 ਅਗਸਤ ਸਿੱਖਾਂ ਦਾ ਆਜ਼ਾਦੀ ਦਿਵਸ ਨਹੀਂ ਹੈ। ਜੂਨ 1984 ਦੇ ਦਰਬਾਰ ਸਾਹਿਬ ਹਮਲੇ, ਨਵੰਬਰ 1984 ਦੇ ਸਿੱਖ ਦੰਗਿਆਂ ਅਤੇ ਝੂਠੇ ਪੁਲਿਸ ਮੁਕਾਬਲਿਆਂ ਦਾ ਬਦਲਾ 15 ਅਗਸਤ ਤੋਂ ਸ਼ੁਰੂ ਕੀਤਾ ਜਾਵੇਗਾ। ਫੌਜੀ ਜਵਾਨਾਂ ਨੂੰ 15 ਅਗਸਤ 2026 ਤੱਕ ਪਰਿਵਾਰਾਂ ਸਮੇਤ ਛਾਉਣੀ ਛੱਡਣ ਲਈ ਕਿਹਾ ਗਿਆ ਹੈ। ਇਸ ਤੋਂ ਇਲਾਵਾ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਕੇਂਦਰੀ ਮੰਤਰੀ ਰਵਨੀਤ ਸਿੰਘ ਬਿੱਟੂ ਨੂੰ ਵੀ ਨਿਸ਼ਾਨਾ ਬਣਾਉਣ ਦਾ ਜ਼ਿਕਰ ਹੈ। ਪੱਤਰ ਦੇ ਅੰਤ ਵਿੱਚ ਇੰਜੀਨੀਅਰ ਗੁਰਨਾਖ ਸਿੰਘ ਅਤੇ ਡਾ. ਗੁਰਨਿਰਵੈਰ ਸਿੰਘ ਦੇ ਨਾਮ ਦਰਜ ਹਨ।
ਘਟਨਾ ਤੋਂ ਬਾਅਦ ਪੁਲਿਸ ਅਤੇ ਸਾਈਬਰ ਸੈੱਲ ਨੇ ਈਮੇਲ ਦੇ IP ਐਡਰੈੱਸ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਨਗਰ ਨਿਗਮ ਦਫ਼ਤਰ, ਫੌਜੀ ਸਕੂਲਾਂ ਅਤੇ ਸੰਵੇਦਨਸ਼ੀਲ ਇਲਾਕਿਆਂ ਵਿੱਚ ਸੁਰੱਖਿਆ ਦੇੜੀ ਕਰ ਦਿੱਤੀ ਗਈ ਹੈ।
