ਫੋਟੋਸ਼ੂਟ ਕਰਵਾ ਰਹੇ ਸੀ ਲਾੜਾ-ਲਾੜੀ, ਫਿਲਮੀ ਸਟਾਈਲ ਵਿਚ ਗੋਲੀਆਂ ਵਰ੍ਹਾਉਂਦਾ ਪਹੁੰਚਿਆ ਪ੍ਰੇਮੀ, ਕਰ ਗਿਆ ਕਾਰਾ….
ਤਰਨਤਾਰਨ (ਵੀਓਪੀ ਬਿਊਰੋ) : ਤਰਨਤਾਰਨ ਵਿਚ ਵਿਆਹ ਤੋਂ ਪਹਿਲਾਂ ਚਲਦੇ ਫੋਟੋਸ਼ੂਟ ਦੌਰਾਨ ਫਿਲਮੀ ਸਟਾਈਲ ਵਿਚ ਵਾਰਦਾਤ ਹੋਈ। ਲਾੜਾ ਲਾੜੀ ਫੋਟੋਸ਼ੂਟ ਵਿਚ ਰੁਝੇ ਹੋਏ ਸਨ ਕਿ ਫਿਰ ਪ੍ਰੇਮੀ ਦੀ ਐਂਟਰੀ ਹੁੰਦੀ ਹੈ। ਉਹ ਗੋਲ਼ੀਆਂ ਵਰ੍ਹਾਉਂਦਾ ਹੋਇਆ ਆਇਆ ਤੇ ਲਾੜੀ ਨੂੰ ਅਗਵਾ ਕਰ ਕੇ ਲੈ ਗਿਆ। ਉਸ ਨਾਲ 10-12 ਸਾਥੀ ਵੀ ਸੀ, ਜੋ ਹਥਿਆਰਾਂ ਨਾਲ ਲੈਸ ਸਨ।
ਥਾਣਾ ਸਦਰ ਤਰਨਤਾਰਨ ਦੀ ਪੁਲਿਸ ਨੇ ਕੁੱਲ 12 ਮੁਲਜ਼ਮਾਂ ਖ਼ਿਲਾਫ਼ ਵੱਖ-ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ ਕਰਕੇ ਮੁਲਜ਼ਮਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।
ਜਾਣਕਾਰੀ ਅਨੁਸਾਰ ਤਰਨਤਾਰਨ ਦੇ ਪਿੰਡ ਰਸੂਲਪੁਰ ਨਹਿਰਾਂ ਦੇ ਗੁਰਦੁਆਰਾ ਬਾਬਾ ਕਾਹਨ ਸਿੰਘ ਦੇ ਕੋਲ ਲਾੜਾ-ਲਾੜੀ ਵੈਡਿੰਗ ਫੋਟੋਸ਼ੂਟ ਕਰਵਾ ਰਹੇ ਸੀ ਕਿ ਪ੍ਰੇਮੀ ਗੋਲ਼ੀਆਂ ਚਲਾਉਂਦਾ ਹੋਇਆ ਉਥੇ ਪਹੁੰਚਿਆ। ਉਸ ਦੇ ਨਾਲ ਇਕ ਦਰਜਨ ਤੋਂ ਜ਼ਿਆਦਾ ਲੋਕ ਸਨ ਤੇ ਹਥਿਆਰਾਂ ਨਾਲ ਲੈਸ ਸਨ। ਗੋ਼ਲ਼ੀਆਂ ਚਲਦੀਆਂ ਵੇਖ ਲੋਕਾਂ ਵਿਚ ਹਫੜਾ ਦਫੜੀ ਮਚ ਗਈ। ਨੌਜਵਾਨ ਲਾੜੇ ਨੂੰ ਧਮਕਾਉਂਦਾ ਹੋਇਆ ਲਾੜੀ ਨੂੰ ਜਬਰਨ ਕਾਰ ਵਿਚ ਬਿਠਾ ਕੇ ਲੈ ਗਿਆ।
