ਸਿੱਧੂ ਮੂਸੇਵਾਲਾ ਦੇ ‘ਵਾਰ’ ਨੇ ਬਣਾਇਆ ਰਿਕਾਰਡ. 18 ਮਿੰਟ ਵਿੱਚ ਹੀ ਇੱਕ ਮਿਲੀਅਨ ਤੋਂ ਪਾਰ…
ਮਾਨਸਾ (ਵੀਓਪੀ ਬਿਊਰੋ) ਪੰਜਾਬੀ ਸਿੰਗਰ-ਰੈਪਰ ਸਿੱਧੂ ਮੂਸੇਵਾਲਾ ਦਾ ਨਵਾਂ ਗੀਤ ਜੋ ਕਿ ਉਸ ਦੇ ਕਤਲ ਤੋਂ ਸਾਢੇ 5 ਮਹੀਨੇ ਬਾਅਧ ਰਿਲੀਜ਼ ਕੀਤਾ ਗਿਆ ਹੈ, ਰਿਲੀਜ਼ ਹੁੰਦੇ ਹੀ ਝੰਡੇ ਗੱਡ ਰਿਹਾ ਹੈ। ਇਹ ਉਸ ਦਾ ਉਸ ਦੀ ਮੌਤ ਤੋਂ ਬਾਅਦ ਦੂਜਾ ਗੀਤ ਹੈ। ਇਸ ਗੀਤ ਦਾ ਨਾਂ ਹੈ ਵਾਰ, ਜਿਸ ਨੇ ਕਿ 18 ਮਿੰਟ ਵਿੱਚ ਹੀ ਇਕ ਮਿਲੀਅਨ ਭਾਵ ਕਿ 10 ਲੱਖ ਤੋਂ ਜਿਆਦਾ ਵਿਊਜ਼ ਪ੍ਰਾਪਤ ਕਰ ਲਏ ਹਨ। ਅੱਜ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ‘ਤੇ ਇਹ ਗੀਤ ਰਿਲੀਜ਼ ਹੋਇਆ ਹੈ।
ਇਸ ਨੂੰ ਸਿੱਧੂ ਮੂਸੇਵਾਲਾ ਦੇ ਯੂਟਿਊਬ ਚੈਨਲ ‘ਤੇ ਸਵੇਰੇ 10.02 ਵਜੇ ਰਿਲੀਜ਼ ਕੀਤਾ ਜਾਵੇਗਾ। ਗੀਤ ਦੇ ਲਿੰਕ ਨੂੰ ਰਿਲੀਜ਼ ਹੋਣ ਤੋਂ ਇਕ ਮਿੰਟ ਪਹਿਲਾਂ ਤੱਕ 1.96 ਲੱਖ ਲਾਈਕਸ ਅਤੇ 1.69 ਵਿਊਜ਼ ਮਿਲ ਚੁੱਕੇ ਹਨ। ਪਰ ਰਿਲੀਜ਼ ਦੇ 18 ਮਿੰਟਾਂ ਵਿੱਚ ਹੀ 10 ਲੱਖ ਲੋਕਾਂ ਨੇ ਇਸ ਨੂੰ ਸੁਣਿਆ। ਉਨ੍ਹਾਂ ਦੀ ਮੌਤ ਤੋਂ ਬਾਅਦ ਇਹ ਦੂਜਾ ਗੀਤ ਹੈ, ਜਿਸ ਦਾ ਪ੍ਰਸ਼ੰਸਕ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ।
