ਜਲੰਧਰ ‘ਚ ਐਤਵਾਰ ਦਾ ਲੌਕਡਾਊਨ ਹਟਾਇਆ, ਇੰਨੇ ਵਜੇ ਤੱਕ ਖੁੱਲ੍ਹਣਗੀਆਂ ਦੁਕਾਨਾਂ
ਜਲੰਧਰ (ਵੀਓਪੀ ਬਿਊਰੋ) – ਜਲੰਧਰ ਵਿਚ ਕੋਰੋਨਾ ਦਾ ਕਹਿਰ ਘੱਟਣ ਕਰਕੇ ਹੁਣ ਐਤਵਾਰ ਨੂੰ ਜਲੰਧਰ ਵਿਚ ਲੌਕਡਾਊਨ ਨਹੀਂ ਹੋਵੇਗਾ। ਡਿਪਟੀ ਕਮਿਸ਼ਨਰ ਘਨਸ਼ਿਆਮ ਥੋਰੀ ਦੁਆਰਾ ਐਤਵਾਰ ਦਾ ਲੌਕਡਾਊਨ ਖ਼ਤਮ ਕਰ ਦਿੱਤਾ ਗਿਆ ਹੈ। ਐਤਵਾਰ ਜਾਨੀ ਕੱਲ੍ਹ ਤੋਂ ਜਲੰਧਰ ਦੀਆਂ ਸਾਰੀਆਂ ਦੁਕਾਨਾਂ 8 ਵਜੇ ਤੱਕ ਖੁੱਲ੍ਹੀਆਂ ਰਹਿਣਗੀਆਂ। ਇਸ ਤੋਂ ਪਹਿਲਾਂ ਸ਼ਨੀਵਾਰ ਦਾ ਲੌਕਡਾਊਨ ਹਟਾਇਆ ਸੀ ਤੇ ਹੁਣ ਮੌਜੂਦਾ ਸਥਿਤੀ ਨੂੰ ਦੇਖਦਿਆਂ ਐਤਵਾਰ ਦਾ ਲੌਕਡਾਊਨ ਵੀ ਹਟਾ ਦਿੱਤਾ ਗਿਆ ਹੈ।
ਇਹ ਸਾਰਾ ਜਾਣਕਾਰੀ ਪਿਛਲੇ ਦਿਨੀਂ ਜਲੰਧਰ ਦੇ ਡੀਸੀ ਵਲੋਂ ਜਾਰੀ ਕੀਤੇ ਆਰਡਰ ਦੀ ਕਾਪੀ ਵਿਚ ਲਿਖੀ ਗਈ ਹੈ, ਜਿਸ ਵਿਚ ਲਿਖਿਆ ਗਿਆ ਸੀ ਕਿ ਸੋਮਵਾਰ ਤੋਂ ਐਤਵਾਰ ਤੱਕ ਸਾਰੀਆਂ ਦੁਕਾਨਾਂ ਸਵੇਰ 5 ਤੋਂ ਰਾਤ 8 ਵਜੇ ਤੱਕ ਖੁੱਲ੍ਹ ਸਕਦੀਆਂ ਹਨ। ਇਸ ਆਰਡਰ ਦੀ ਕਾਪੀ ਵਿਚ ਲਿਖੇ ਤੋਂ ਇਹ ਮੰਨਿਆ ਜਾ ਸਕਦਾ ਹੈ ਕਿ ਹੁਣ ਜਲੰਧਰ ਸ਼ਹਿਰ ਵਿਚ ਐਤਵਾਰ ਦਾ ਲੌਕਡਾਊਨ ਹੀਂ ਹੋਵੇਗਾ।
