ਪੜ੍ਹੋ – ਨਾਸਾ ਨੇ ਕਿਉਂ ਕਿਹਾ ਚੰਨ ‘ਤੇ ਹੋਵੇਗੀ ਗੜਬੜ ਤੇ ਧਰਤੀ ‘ਤੇ ਆਵੇਗਾ ਖਤਰਨਾਕ ਹੜ੍ਹ
ਵੀਓਪੀ ਡੈਸਕ – ਨਾਸਾ ਨੇ ਆਪਣੀ ਰਿਪੋਰਟ ‘ਚ ਕਿਹਾ ਹੈ ਕਿ ਸਾਲ 2030 ‘ਚ ਜਲਵਾਯੂ ਪਰਿਵਰਤਨ ਕਾਰਨ ਸਮੁੰਦਰ ਦੇ ਵੱਧ ਰਹੇ ਪਾਣੀ ਦੇ ਪੱਧਰ ਕਾਰਨ ਚੰਨ ਆਪਣੇ ਆਰਬਿਟ ‘ਚ ਹਿਲਜੁਲ ਕਰੇਗਾ, ਜਿਸ ਨਾਲ ਧਰਤੀ ਉੱਤੇ ਵਿਨਾਸ਼ਕਾਰੀ ਹੜ੍ਹ ਆਉਣਗੇ।
ਨਾਸਾ ਦਾ ਇਹ ਅਧਿਐਨ ਕਲਾਈਮੇਟ ਚੇਂਜ ‘ਤੇ ਆਧਾਰਿਤ ਜਨਰਲ ਨੇਚਰ ‘ਚ 21 ਜੂਨ ਨੂੰ ਪ੍ਰਕਾਸ਼ਿਤ ਹੋਇਆ ਹੈ। ਅਧਿਐਨ ‘ਚ ਚੰਦਰਮਾ ‘ਤੇ ਹੋਣ ਵਾਲੀ ਹਲਚਲ ਕਾਰਨ ਧਰਤੀ ‘ਤੇ ਆਉਣ ਵਾਲੇ ਹੜ੍ਹਾਂ ਨੂੰ ‘ਵਿਨਾਸ਼ਕਾਰੀ ਹੜ੍ਹ’ ਕਿਹਾ ਗਿਆ ਹੈ। ਇਸ ਤਰ੍ਹਾਂ ਦੇ ਹੜ੍ਹ ਤਟੀ ਇਲਾਕਿਆਂ ‘ਚ ਆਉਂਦੇ ਹਨ, ਜਦੋਂ ਸਮੁੰਦਰੀ ਲਹਿਰਾਂ ਔਸਤ ਉਚਾਈ ਦੇ ਮੁਕਾਬਲੇ 2 ਫੁੱਟ ਉੱਚੀਆਂ ਉਠਦੀਆਂ ਹਨ। ਘਰ ਅਤੇ ਸੜਕਾਂ ਸਭ ਕੁੱਝ ਡੁੱਬ ਜਾਂਦੇ ਹਨ ਤੇ ਰੋਜ਼ਾਨਾ ਰੁਟੀਨ ਪ੍ਰਭਾਵਿਤ ਹੁੰਦੀ ਹੈ।
ਨਾਸਾ ਦੇ ਇਕ ਅਧਿਐਨ ਅਨੁਸਾਰ ਸਾਲ 2030 ਦੇ ਦਹਾਕੇ ਦੇ ਮੱਧ ਤਕ ਵਿਨਾਸ਼ਕਾਰੀ ਹੜ੍ਹ ਦੇ ਹਾਲਾਤ ਲਗਾਤਾਰ ਬਣੇ ਰਹਿਣਗੇ ਅਤੇ ਅਚਾਨਕ ਵਾਪਰਨ ਵਾਲੀਆਂ ਘਟਨਾਵਾਂ ਹੋਣਗੀਆਂ। ਅਧਿਐਨ ‘ਚ ਕਿਹਾ ਗਿਆ ਹੈ ਕਿ ਅਮਰੀਕੀ ਤਟੀ ਇਲਾਕਇਆਂ ‘ਚ ਸਮੁੰਦਰ ਦੀਆਂ ਲਹਿਰਾਂ ਆਪਣੀ ਆਮ ਉੱਚਾਈ ਦੇ ਮੁਕਾਬਲੇ ਤਿੰਨ ਤੋਂ ਚਾਰ ਫੁੱਟ ਉੱਚੀਆਂ ਉੱਠਣਗੀਆਂ ਤੇ ਇਹ ਸਿਲਸਿਲਾ ਇਕ ਦਹਾਕੇ ਤਕ ਜਾਰੀ ਰਹੇਗਾ।
ਅਧਿਐਨ ‘ਚ ਇਹ ਵੀ ਕਿਹਾ ਕਿ ਹੜ੍ਹਾਂ ਦੀ ਇਹ ਸਥਿਤੀ ਸਾਲ ਭਰ ਨਿਯਮਿਤ ਨਹੀਂ ਰਹੇਗੀ। ਸਿਰਫ ਕੁਝ ਮਹੀਨਿਆਂ ‘ਚ ਭਿਆਨਕ ਹਾਲਾਤ ਬਣਨਗੇ, ਜਿਸ ਨਾਲ ਖਤਰਾ ਹੋਰ ਵੱਧ ਜਾਵੇਗਾ।
ਯੂਨੀਵਰਸਿਟੀ ਆਫ਼ ਹਵਾਈ ‘ਚ ਸਹਾਇਕ ਪ੍ਰੋਫੈਸਰ ਅਤੇ ਅਧਿਐਨ ਦੇ ਪ੍ਰਮੁੱਖ ਲੇਖਕ ਫਿਲ ਥੌਮਸਨ ਨੇ ਧਰਤੀ ਉੱਤੇ ਚੰਦਰਮਾ ਦੇ ਪ੍ਰਭਾਵ ਕਾਰਨ ਹੜ੍ਹ ਆਉਣ ਬਾਰੇ ਕਿਹਾ ਕਿ ਜਦੋਂ ਚੰਦਰਮਾ ਆਪਣੇ ਆਰਬਿਟ ‘ਚ ਘੁੰਮਦਾ ਹੈ ਤਾਂ ਇਸ ਨੂੰ ਪੂਰਾ ਹੋਣ ‘ਚ 18.6 ਸਾਲ ਲੱਗ ਜਾਂਦੇ ਹਨ। ਪਰ ਧਰਤੀ ਉੱਤੇ ਵੱਧ ਰਹੀ ਗਰਮੀ ਕਾਰਨ ਸਮੁੰਦਰੀ ਪੱਧਰ ਨਾਲ ਮਿਲ ਕੇ ਇਹ ਖ਼ਤਰਨਾਕ ਹੋ ਜਾਂਦਾ ਹੈ।
