ਇੰਨੋਸੈਂਟ ਹਾਰਟਸ ਗਰੁੱਪ ਆਫ਼ ਇੰਸਟੀਚਿਊਸ਼ਨਜ਼ ਨੇ ਫਰੈਸ਼ਰਾਂ ਲਈ ਇੱਕ ਮਹੀਨੇ ਦੇ ਬ੍ਰਿਜ ਕੋਰਸ ਦਾ ਆਯੋਜਨ ਕੀਤਾ
ਇੰਨੋਸੈਂਟ ਹਾਰਟਸ ਗਰੁੱਪ ਆਫ਼ ਇੰਸਟੀਚਿਊਸ਼ਨਜ਼ ਦੇ ਅੰਡਰ ਗ੍ਰੈਜੂਏਟ ਕੋਰਸਾਂ ਵਿੱਚ ਸ਼ਾਮਲ ਹੋਣ ਵਾਲੇ ਨਵੇਂ ਵਿਦਿਆਰਥੀਆਂ ਦੀ ਸਹਾਇਤਾ ਅਤੇ ਸ਼ਕਤੀਕਰਨ ਦੇ ਯਤਨ ਵਿੱਚ ਕੈਂਪਸ ਵਿੱਚ ਇੱਕ ਮਹੀਨੇ ਦੇ ਮੁਫ਼ਤ ਬ੍ਰਿਜ ਕੋਰਸਾਂ ਦਾ ਆਯੋਜਨ ਕੀਤਾ ਗਿਆ। ਬੀ.ਬੀ.ਏ, ਬੀ.ਕਾਮ, ਬੀ.ਸੀ.ਏ, ਬੀ.ਐਚ.ਐਮ.ਸੀ.ਟੀ, ਮੈਡੀਕਲ ਸਾਇੰਸ, ਬੀ. ਵੋਕ, ਅਤੇ ਪੀ. ਜੀ. ਡਿਪਲੋਮਾ ਇਨ ਡਿਜੀਟਲ ਮਾਰਕੀਟਿੰਗ ਦੇ ਵਿਦਿਆਰਥੀਆਂ ਲਈ 30 ਦਿਨਾਂ ਦੀ ਮਿਆਦ ਲਈ ਦੋ ਕੋਰਸ “ਫੰਡਾਮੈਂਟਲਸ ਆੱਫ ਕੰਪਿਊਟਰ ” ਅਤੇ “ਇੰਗਲਿਸ਼ ਸਪੀਕਿੰਗ” ਦਾ ਆਯੋਜਨ ਕੀਤਾ ਗਿਆ। 10+2 ਪਾਸ ਕਰਨ ਤੋਂ ਬਾਅਦ ਵਿਦਿਆਰਥੀਆਂ ਨੂੰ ਆਪਣੇ ਆਪ ਨੂੰ ਕਾਲਜ ਜੀਵਨ ਅਤੇ ਕੋਰਸਾਂ ਵੱਲ ਧਿਆਨ ਦੇਣ ਦੀ ਲੋੜ ਹੁੰਦੀ ਹੈ। ਅਜਿਹੇ ਕੋਰਸ ਵਿਦਿਆਰਥੀਆਂ ਨੂੰ ਕਿਸੇ ਵੀ ਚੁਣੌਤੀ ਨੂੰ ਪਾਰ ਕਰਨ ਵਿੱਚ ਮਦਦ ਕਰਦੇ ਹਨ, ਜਿਸਦਾ ਉਹਨਾਂ ਨੂੰ ਕਾਲਜ ਵਿੱਚ ਜਾਣ ਵੇਲੇ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਬ੍ਰਿਜ ਕੋਰਸ ਵਿਦਿਆਰਥੀਆਂ ਨੂੰ ਉਹਨਾਂ ਹੁਨਰਾਂ ਅਤੇ ਕਾਬਲੀਅਤਾਂ ਨੂੰ ਵਿਕਸਿਤ ਕਰਨ ਵਿੱਚ ਮਦਦ ਕਰ ਸਕਦੇ ਹਨ ਜਿਹਨਾਂ ਦੀ ਉਹਨਾਂ ਨੂੰ ਆਪਣੇ ਨਵੇਂ ਅਕਾਦਮਿਕ ਪ੍ਰੋਗਰਾਮਾਂ ਵਿੱਚ ਕਾਮਯਾਬ ਹੋਣ ਲਈ ਲੋੜ ਹੁੰਦੀ ਹੈ।
“ਫੰਡਾਮੈਂਟਲਸ ਆੱਫ ਕੰਪਿਊਟਰ” ਕੋਰਸ ਲਈ ਮਾਹਿਰ ਫੈਕਲਿਟੀ ਅਸਿਸਟੈਂਟ ਪ੍ਰੋ. ਪਵਨ ਕੁਮਾਰ (ਆਈ.ਟੀ. ਵਿਭਾਗ) ਅਤੇ “ਇੰਗਲਿਸ਼ ਸਪੀਕਿੰਗ” ਕੋਰਸ ਦੇ ਮਾਹਿਰ ਪ੍ਰੋ: ਅੰਬਿਕਾ ਪਸਰੀਜਾ ਸਨ। ਇੱਕ ਮਹੀਨੇ ਬਾਅਦ ਉਹਨਾਂ ਦੇ ਗਿਆਨ ਅਤੇ ਆਤਮ- ਵਿਸ਼ਵਾਸ ਨੂੰ ਪਰਖਣ ਲਈ ਆਖਰੀ ਦਿਨ ਲਈ ਗਈ ਪ੍ਰੀਖਿਆ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਮੁਕੰਮਲ ਹੋਣ ਦਾ ਸਰਟੀਫਿਕੇਟ ਦਿੱਤਾ ਗਿਆ। ਇਨ੍ਹਾਂ ਕੋਰਸਾਂ ਨੂੰ ਕੋਆਰਡੀਨੇਟ ਸ਼੍ਰੀਮਤੀ ਨਿਧੀ ਸ਼ਰਮਾ (ਐਚ.ਓ.ਡੀ., ਮੈਡੀਕਲ ਸਾਇੰਸ ਵਿਭਾਗ) ਨੇ ਕੀਤਾ ।
ਗਰੁੱਪ ਡਾਇਰੈਕਟਰ ਡਾ. ਸ਼ੈਲੇਸ਼ ਤ੍ਰਿਪਾਠੀ ਨੇ ਵਿਦਿਆਰਥੀਆਂ ਨੂੰ ਆਪਣੇ ਕਰੀਅਰ ਅਤੇ ਭਵਿੱਖ ਦੇ ਵਿਕਾਸ ਵਿੱਚ ਦਿਲਚਸਪੀ ਲੈਣ ਲਈ ਵਧਾਈ ਦਿੱਤੀ। ਉਹਨਾਂ ਨੂੰ ਇਹ ਵੀ ਦੱਸਿਆ ਕਿ ਅਸੀਂ ਇੰਨੋਸੈਂਟ ਹਾਰਟਸ ਗਰੁੱਪ ਵਿੱਚ ਤੁਹਾਡੇ ਪੇਸ਼ੇਵਰ ਕਰੀਅਰ ਵਿੱਚ ਤੁਹਾਨੂੰ ਸ਼ਕਤੀ ਪ੍ਰਦਾਨ ਕਰਨ ਲਈ ਤੁਹਾਡੇ ਸੁਪਨਿਆਂ ‘ਤੇ ਕੰਮ ਕਰਦੇ ਹਾਂ।
