5 ਦਿਨ ਲਗਾਤਾਰ ਕਰਨਗੇ ਆਪ੍ਰੇਸ਼ਨ, ਵਿਦੇਸ਼ੀ ਮਰੀਜ਼ ਨੇ ਡਾਕਟਰ ਨੂੰ ਕਿਹਾ ”Now My Hips don’t Lie ”… . ਹੋਰ ਪੜ੍ਹੋ
ਜਲੰਧਰ (ਵੀਓਪੀ ਬਿਊਰੋ) ਆਰਥੋਨੋਵਾ ਹਸਪਤਾਲ ਦੇ ਵਿਸ਼ਵ ਪ੍ਰਸਿੱਧ ਰੋਬੋਟਿਕ ਬੋਨ ਸਰਜਨ ਡਾ: ਹਰਪ੍ਰੀਤ ਸਿੰਘ ਨੇ ਜਰਮਨ ਵਿੱਚ ਇੱਕ ਵਾਰ ਫਿਰ 7 ਮਰੀਜ਼ਾਂ ਨੂੰ ਨਵੀਂ ਜ਼ਿੰਦਗੀ ਦਿੱਤੀ ਹੈ। ਜਰਮਨੀ ਦੀ ਆਪਣੀ ਫੇਰੀ ਦੌਰਾਨ ਉਹਨਾਂ ਨੇ ਉੱਥੋਂ ਦੇ ਇੱਕ ਵੱਡੇ ਹਸਪਤਾਲ ਵਿੱਚ ਇੱਕ ਦਿਨ ਵਿੱਚ 7 ਸਫਲ ਆਪ੍ਰੇਸ਼ਨ ਕਰਕੇ ਡਾਕਟਰੀ ਜਗਤ ਵਿੱਚ ਇੱਕ ਨਵਾਂ ਕੀਰਤੀਮਾਨ ਸਥਾਪਿਤ ਕੀਤਾ ਹੈ।
ਵਿਦੇਸ਼ ਦੌਰੇ ਦੌਰਾਨ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਉਨ੍ਹਾਂ ਨੇ ਇੱਕ ਦਿਨ ਦੇ ਸਰਜਰੀ ਸੈਸ਼ਨ ਵਿੱਚ 2 ਕਮਰ ਬਦਲਣ, 3 ਗੋਡੇ ਬਦਲਣ ਅਤੇ ਰੀੜ੍ਹ ਦੀ ਹੱਡੀ ਦੇ 2 ਸਰਜਰੀਆਂ ਕੀਤੀਆਂ ਹਨ ਅਤੇ ਇਹ ਸਾਰੀਆਂ 100 ਫੀਸਦੀ ਸਫਲ ਰਹੀਆਂ ਹਨ। ਇੱਕ ਮਰੀਜ਼ ਨੇ ਠੀਕ ਹੋਣ ਤੇ ਡਾਕਟਰ ਨੂੰ ਅੰਗਰੇਜ਼ੀ ਵਿੱਚ ਕਿਹਾ “Now My Hips Dont lie” ਦੂਜੇ ਨੇ ਕਿਹਾ “Now I Can Move And Dance” ਅਤੇ ਤੀਜੇ ਨੇ ਕਿਹਾ “Now I Can Drive”
ਇੱਥੇ ਦੱਸ ਦੇਈਏ ਕਿ ਆਮ ਤੌਰ ‘ਤੇ ਵਿਦੇਸ਼ਾਂ ਤੋਂ ਵੱਡੇ-ਵੱਡੇ ਡਾਕਟਰ ਭਾਰਤ ਆ ਕੇ ਜਾਗਰੂਕਤਾ ਸੈਮੀਨਾਰ ਕਰਦੇ ਹਨ ਅਤੇ ਇੱਥੋਂ ਦੇ ਡਾਕਟਰਾਂ ਨੂੰ ਨਵੀਂ ਤਕਨੀਕ ਬਾਰੇ ਦੱਸਦੇ ਹਨ। ਪਰ ਆਰਥੋਨੋਵਾ ਹਸਪਤਾਲ ਦੇ ਡਾ: ਹਰਪ੍ਰੀਤ ਸਿੰਘ ਵਿਦੇਸ਼ਾਂ ‘ਚ ਜਾ ਕੇ ਵਿਦੇਸ਼ੀ ਡਾਕਟਰਾਂ ਨੂੰ ਆਪਣੇ ਲੈਕਚਰ ਦੇ ਰਹੇ ਹਨ ਅਤੇ ਲਾਈਵ ਆਪ੍ਰੇਸ਼ਨ ਕਰਕੇ ਨਾ ਸਿਰਫ ਜਲੰਧਰ, ਨਾ ਸਿਰਫ ਪੰਜਾਬ ਬਲਕਿ ਸਾਡੇ ਦੇਸ਼ ਦਾ ਅਤੇ ਭਾਰਤੀ ਡਾਕਟਰੀ ਪੇਸ਼ੇ ਦਾ ਵੀ ਨਾਮ ਰੌਸ਼ਨ ਕਰ ਰਹੇ ਹਨ।
ਜ਼ਿਕਰਯੋਗ ਹੈ ਕਿ ਹਰ ਸਾਲ ਦੀ ਤਰ੍ਹਾਂ ਰੋਬੋਟਿਕ ਸਰਜਨ ਡਾ: ਹਰਪ੍ਰੀਤ ਸਿੰਘ 11 ਤੋਂ 15 ਅਪ੍ਰੈਲ ਤੱਕ ਜਰਮਨ ਦੌਰੇ ‘ਤੇ ਹਨ | ਡਾ. ਹਰਪ੍ਰੀਤ ਸਿੰਘ ਹੈਲੀਓਸ ਐਂਡੋਸਕੋਪਿਕ ਹਸਪਤਾਲ, ਹੈਮਬਰਗ, ਜਰਮਨੀ ਦੇ ਆਰਥੋਪੈਡਿਕਸ ਵਿਭਾਗ ਤੋਂ ਮਿਲੇ ਸੱਦੇ ‘ਤੇ ਉਥੇ ਗਏ ਹਨ। ਉਹਨਾਂ ਨੇ ਦੱਸਿਆ ਕਿ ਉਹ 3 ਦਿਨ ਹੋਰ ਉੱਥੇ ਰਹਿਣਗੇ ਅਤੇ ਉੱਥੇ ਸਰਜਰੀ ਨਾਲ ਜੁੜੀਆਂ ਵੱਡੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਨਗੇ। ਉਨ੍ਹਾਂ ਦੱਸਿਆ ਕਿ ਫਿਲਹਾਲ ਉਹ ਦੌਰੇ ‘ਤੇ ਹਨ ਅਤੇ ਵਾਪਸੀ ‘ਤੇ ਆਪਣੇ ਤਜ਼ਰਬੇ ਸਾਂਝੇ ਕਰਨਗੇ।
