ਮਾਂ ਤੇ ਚਾਚੇ ਨੂੰ ਸਬੰਧ ਬਣਾਉਂਦੇ ਵੇਖ ਲਿਆ ਤਾਂ ਦਿੱਤੀ ਖੌਫਨਾਕ ਸਜ਼ਾ, 12 ਸਾਲਾ ਮਾਸੂਮ ਦੇ ਸਰੀਰ ਤੇ ਗਲੇ ਉਤੇ ਪਏ ਨਿਸ਼ਾਨ ਤਸ਼ੱਦਦ ਦੀ ਭਰ ਰਹੇ ਸੀ ਗਵਾਹੀ
ਵੀਓਪੀ ਬਿਊਰੋ, ਨੈਸ਼ਨਲ- ਮਾਂ ਤੇ ਚਾਚੇ ਦੀ ਕਾਲੀ ਕਰਤੂਤ ਅੱਖੀਂ ਵੇਖਣ ਦੀ ਸਜ਼ਾ 12 ਸਾਲਾ ਮਾਸੂਮ ਨੂੰ ਜਾਨ ਗੁਆ ਕੇ ਭੁਗਤਣੀ ਪਈ। ਯੂਪੀ ਦੇ ਸੁਲਤਾਨਪੁਰ ਵਿੱਚ ਸ਼ੁੱਕਰਵਾਰ ਸਵੇਰੇ ਇੱਕ 12 ਸਾਲਾ ਮਾਸੂਮ ਨੂੰ ਉਸਦੇ ਹੀ ਚਾਚੇ ਨੇ ਗਲਾ ਘੁੱਟ ਕੇ ਮਾਰ ਦਿੱਤਾ। ਕਤਲ ਤੋਂ ਪਹਿਲਾਂ ਉਸ ‘ਤੇ ਤਸ਼ੱਦਦ ਵੀ ਕੀਤਾ ਗਿਆ ਸੀ। ਮਾਸੂਮ ਦੇ ਚਿਹਰੇ ਤੇ ਸਰੀਰ ਉਤੇ ਪਏ ਨਿਸ਼ਾਨ ਹੋਏ ਤਸ਼ੱਦਦ ਦੀ ਗਵਾਹੀ ਭਰਦੇ ਪਏ ਸੀ। ਪੈਰ ਦੇ ਅੰਗੂਠੇ ‘ਤੇ ਕੱਟ ਦਾ ਨਿਸ਼ਾਨ ਸੀ ਅਤੇ ਹੱਥ ‘ਤੇ ਵੀ ਸੱਟਾਂ ਦੇ ਨਿਸ਼ਾਨ ਸਨ।ਪੁਲੀਸ ਨੇ ਮੁਲਜ਼ਮ ਚਾਚੇ ਨੂੰ ਹਿਰਾਸਤ ਵਿੱਚ ਲੈ ਲਿਆ ਹੈ। ਉਸ ਕੋਲੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਇਹ ਘਟਨਾ ਬਲਦੀਰਾਈ ਥਾਣਾ ਖੇਤਰ ਦੀ ਹੈ।
ਪੁਲਿਸ ਮੁਤਾਬਕ ਇਹ ਘਟਨਾ ਬਲਦੀਰਾਈ ਥਾਣਾ ਖੇਤਰ ਦੇ ਪਿੰਡ ਗੌਰਾ ਬਾਰਾ ਮੋ ‘ਚ ਵਾਪਰੀ। ਉਨ੍ਹਾਂ ਦੱਸਿਆ ਕਿ ਪਿੰਡ ਬੱਬਨ ਉਰਫ਼ ਗੋਲੇ ਪਾਸੀ ਦੇ 12 ਸਾਲਾ ਲੜਕੇ ਸ਼ਿਵ ਦਾ ਗਲਾ ਘੁੱਟ ਕੇ ਕਤਲ ਕੀਤਾ ਗਿਆ, ਉਹ ਛੇਵੀਂ ਜਮਾਤ ਦਾ ਵਿਦਿਆਰਥੀ ਸੀ।
ਉਸ ਨੇ ਦੱਸਿਆ ਕਿ ਜਦੋਂ ਉਸ ਦੀ ਮੌਤ ਦੀ ਸੂਚਨਾ ਮਿਲਣ ‘ਤੇ ਪੁਲਿਸ ਮੌਕੇ ‘ਤੇ ਪਹੁੰਚੀ ਤਾਂ ਉਨ੍ਹਾਂ ਨੂੰ ਬੱਚੇ ਦੇ ਮੂੰਹ ਅਤੇ ਗਲੇ ‘ਤੇ ਕਾਲੇ ਨਿਸ਼ਾਨ, ਪੈਰ ਦੇ ਅੰਗੂਠੇ ‘ਤੇ ਕੱਟ ਦਾ ਨਿਸ਼ਾਨ ਅਤੇ ਹੱਥ ‘ਤੇ ਸੱਟ ਦੇ ਨਿਸ਼ਾਨ ਮਿਲੇ।
ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ ‘ਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਕੇ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਥਾਣਾ ਸਦਰ ਦੇ ਪ੍ਰਧਾਨ ਅਮਰੇਂਦਰ ਬਹਾਦਰ ਸਿੰਘ ਨੇ ਦੱਸਿਆ ਕਿ ਸ਼ੁੱਕਰਵਾਰ ਸਵੇਰੇ ਕਰੀਬ 10.30 ਵਜੇ ਸੋਨੂੰ ਨਾਂ ਦੇ ਚਾਚੇ ਨੇ ਆਪਣੇ ਭਤੀਜੇ ਸ਼ਿਵ ਦਾ ਗਲਾ ਘੁੱਟ ਕੇ ਕਤਲ ਕਰ ਦਿੱਤਾ। ਥਾਣਾ ਮੁਖੀ ਨੇ ਦੱਸਿਆ ਕਿ ਮਾਸੂਮ ਦੀ ਮਾਂ ਅਤੇ ਚਾਚੇ ਦੇ ਨਾਜਾਇਜ਼ ਸਬੰਧਾਂ ਦਾ ਮਾਮਲਾ ਸਾਹਮਣੇ ਆ ਰਿਹਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਬੱਚੇ ਨੇ ਮਾਂ ਤੇ ਚਾਚੇ ਨੂੰ ਇਤਰਾਜ਼ਯੋਗ ਹਾਲਤ ਵਿਚ ਵੇਖ ਲਿਆ ਸੀ। ਬੱਚੇ ਨੂੰ ਇਸ ਨਾਜਾਇਜ਼ ਸਬੰਧ ਬਾਰੇ ਪਤਾ ਲੱਗ ਗਿਆ ਸੀ। ਚਾਚੇ ਨੂੰ ਹਿਰਾਸਤ ‘ਚ ਲੈ ਕੇ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਐਸਪੀ ਸੋਮੇਨ ਬਰਮਾ ਨੇ ਦੱਸਿਆ ਕਿ ਪ੍ਰੇਮ ਸਬੰਧਾਂ ਕਾਰਨ ਇਹ ਕਤਲ ਹੋਇਆ ਹੈ। ਮੁਲਜ਼ਮ ਨੂੰ ਹਿਰਾਸਤ ਵਿੱਚ ਲੈ ਕੇ ਕਾਨੂੰਨੀ ਕਾਰਵਾਈ ਕੀਤੀ ਜਾ ਰਹੀ ਹੈ।
