ਸੀਸੀਟੀਵੀ ਫੁਟੇਜ ਨੇ ਕੰਬਾ ਦਿੱਤੀ ਰੂਹ, ਮਤਰੇਈ ਮਾਂ ਨੇ 7 ਸਾਲਾ ਮਾਸੂਮ ਨੂੰ ਮੂੰਹ ਉਤੇ ਸਿਰ੍ਹਾਣਾ ਰੱਖ ਕੁੱਟ-ਕੁੱਟ ਉਤਾਰਿਆ ਮੌਤ ਦੇ ਘਾਟ, ਫਿਰ ਲਾਸ਼ ਬਾਲਟੀ ਵਿਚ ਪਾ…
ਵੀਓਪੀ ਬਿਊਰੋ, ਅੰਮ੍ਰਿਤਸਰ-ਇੱਥੋਂ ਦੇ ਨੇੜਲੇ ਪਿੰਡ ਰਾਮਪੁਰਾ ਤੋਂ 7 ਸਾਲ ਦੀ ਮਾਸੂਮ ਬੱਚੀ ਅਗਵਾ ਹੋ ਗਈ ਸੀ। ਇਸ ਮਾਮਲੇ ਨੂੰ ਪੁਲਿਸ ਨੇ ਸੁਲਝਾ ਲਿਆ ਹੈ। ਮਾਸੂਮ ਅਵਿਰੋਜ਼ਪ੍ਰੀਤ ਕੌਰ ਦੀ ਮਤਰੇਈ ਮਾਂ ਨੇ ਹੀ ਇਹ ਸਾਰੀ ਕਹਾਣੀ ਰਚੀ ਸੀ। 7 ਸਾਲਾ ਮਾਸੂਮ ਦੀ ਲਾਸ਼ ਪਿੰਡ ਦੇ ਛੱਪੜ ਕੋਲ ਮਿਲੀ ਹੈ। ਪਰਿਵਾਰ ਨੇ ਦੱਸਿਆ ਕਿ ਮਤਰੇਈ ਮਾਂ ਨੇ ਮਾਸੂਮ ਬੱਚੀ ਦੇ ਮੂੰਹ ਉਤੇ ਸਿਰ੍ਹਾਣਾ ਰੱਖ ਕੇ ਘੋਟਣੇ ਨਾਲ ਕੁੱਟ-ਕੁੱਟ ਕੇ ਬੇਰਹਿਮੀ ਨਾਲ ਮੌਤ ਦੇ ਘਾਟ ਉਤਾਰ ਦਿੱਤਾ। ਫਿਰ ਬਾਲਟੀ ਵਿਚ ਬੱਚੀ ਦੀ ਲਾਸ਼ ਨੂੰ ਪਾ ਕੇ ਛੱਪੜ ਨੇੜੇ ਸੁੱਟ ਦਿੱਤਾ। ਮਾਸੂਮ ਦੀ ਲਾਸ਼ ਸੁੱਟਣ ਜਾਂਦੀ ਦੀ ਸੀਸੀਟੀਵੀ ਫੁਟੇਜ ਵੀ ਸਾਹਮਣੇ ਆਈ ਹੈ। ਪੁਲਿਸ ਨੇ ਸੀਸੀਟੀਵੀ ਫੁਟੇਜ ਕਬਜ਼ੇ ਵਿਚ ਲੈ ਕੇ ਮ੍ਰਿਤਕਾ ਦੀ ਮਤਰੇਈ ਮਾਂ ਜੋਤੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।
ਜ਼ਿਕਰਯੋਗ ਹੈ ਕਿ ਬੀਤੇ ਦਿਨੀਂ ਪੁਲਿਸ ਨੂੰ ਦਿੱਤੀ ਗਈ ਸ਼ਿਕਾਇਤ ਵਿਚ ਕਿਹਾ ਗਿਆ ਕਿ ਪਿੰਡ ਰਾਮਪੁਰਾ ਵਾਸੀ ਇਕ 7 ਸਾਲਾ ਬੱਚੀ ਜੋ ਘਰੋਂ ਟਿਊਸ਼ਨ ਪੜ੍ਹਨ ਲਈ ਗਈ, ਿਜਸ ਨੂੰ ਅਣਪਛਾਤੇ ਅਗਵਾ ਕਰ ਕੇ ਲੈ ਗਏ। ਇਹ ਕਹਾਣੀ ਰਚੀ ਗਈ ਸੀ, ਜਿਸ ਦਾ ਬਾਅਦ ਵਿਚ ਖੁਲਾਸਾ ਹੋਇਆ।
