ਖਾਦੀ-ਪੀਤੀ ‘ਚ ਬਰਾਤੀਆਂ ਨੇ ਨੌਜਵਾਨ ਨੂੰ ਕੱਢੀਆਂ ਗਾਲ੍ਹਾਂ, ਪਿਓ ਸਮਝਾਉਣ ਗਿਆ ਤਾਂ ਚਾੜ’ਤਾ ਕੁਟਾਪਾ
ਵੀਓਪੀ ਬਿਊਰੋ – ਅਬੋਹਰ ਦੇ ਅਜੀਤ ਨਗਰ ‘ਚ ਗਾਲੀ-ਗਲੋਚ ਦਾ ਵਿਰੋਧ ਕਰਨ ਗਏ ਇਕ ਬਜ਼ੁਰਗ ਨੂੰ ਬਾਰਾਤੀਆਂ ਨੇ ਕੁੱਟ-ਕੁੱਟ ਕੇ ਜ਼ਖਮੀ ਕਰ ਦਿੱਤਾ। ਬਜ਼ੁਰਗ ਨੂੰ ਇਲਾਜ ਲਈ ਸਰਕਾਰੀ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ।
ਅਜੀਤ ਨਗਰ ਵਾਸੀ ਗੋਰਖ ਰਾਮ ਪੁੱਤਰ ਮੰਗਲਾਰਾਮ ਨੇ ਦੱਸਿਆ ਕਿ ਉਸ ਦੇ ਸਾਲੇ ਦਾ ਵਿਆਹ ਸੀ ਅਤੇ ਉਸ ਨੇ ਆਪਣੇ ਲੜਕੇ ਨੂੰ ਗੁਆਂਢੀਆਂ ਦੇ ਘਰ ਮੇਜ਼ ਲਿਆਉਣ ਲਈ ਭੇਜਿਆ ਸੀ। ਜਿੱਥੇ ਬਾਰਾਤ ‘ਚ ਆਏ ਕੁਝ ਲੋਕਾਂ ਨੇ ਖਾਦੀ ਪੀਤੀ ‘ਚ ਉਸ ਦੇ ਬੇਟੇ ਨਾਲ ਬਦਸਲੂਕੀ ਕੀਤੀ।
ਜਦੋਂ ਉਹ ਉਨ੍ਹਾਂ ਨੂੰ ਇਸ ਦਾ ਕਾਰਨ ਪੁੱਛਣ ਗਿਆ ਤਾਂ ਉਕਤ ਬਾਰਾਤੀਆਂ ਨੇ ਉਸ ਨਾਲ ਲੜਾਈ ਸ਼ੁਰੂ ਕਰ ਦਿੱਤੀ। ਜਿਸ ਕਾਰਨ ਉਕਤ ਵਿਅਕਤੀਆਂ ਵੱਲੋਂ ਉਸ ਦਾ ਇੱਕ ਹੱਥ ਟੁੱਟ ਗਿਆ ਅਤੇ ਸਿਰ ਵੀ ਟੁੱਟ ਗਿਆ। ਰਿਸ਼ਤੇਦਾਰਾਂ ਨੇ ਉਸ ਨੂੰ ਜ਼ਖਮੀ ਹਾਲਤ ‘ਚ ਇਲਾਜ ਲਈ ਸਰਕਾਰੀ ਹਸਪਤਾਲ ‘ਚ ਦਾਖਲ ਕਰਵਾਇਆ ਹੈ।
