‘ਤੇਰੀਆਂ ਵੀਡੀਓਜ਼ ਤੇਰੀ ਨੂੰਹ ਨੂੰ ਵਿਖਾ ਦੇਵਾਂਗਾ’, ਪ੍ਰੇਮੀ ਦੇਣ ਲੱਗਾ ਧਮਕੀਆਂ ਤਾਂ ਉਸ ਦੇ ਘਰ ਅੱਗੇ ਹੀ ਔਰਤ ਨੇ ਖੁਦ ਨੂੰ ਲਾ ਲਈ ਅੱਗ, ਮੌਕੇ ਉਤੇ ਹੀ ਹੋਈ ਮੌਤ
ਵੀਓਪੀ ਬਿਊਰੋ, ਲੁਧਿਆਣਾ : ਲੁਧਿਆਣਾ ਵਿਚ ਪ੍ਰੇਮ ਸਬੰਧਾਂ ਦਾ ਅਜਿਹਾ ਦਰਦਨਾਕ ਅੰਤ ਵੇਖਣ ਨੂੰ ਮਿਲਿਆ ਇਕ ਔਰਤ ਨੇ ਖੁਦ ਨੂੰ ਅੱਗ ਹਵਾਲੇ ਕਰ ਦਿੱਤਾ। ਪ੍ਰੇਮੀ ਵੱਲੋਂ ਉਕਤ ਔਰਤ ਦੀਆਂ ਕੁਝ ਵੀਡੀਓਜ਼ ਉਸ ਦੀ ਨੂੰਹ ਨੂੰ ਦਿਖਾਉਣ ਦੀਆਂ ਧਮਕੀਆਂ ਤੋਂ ਉਹ ਇਸ ਕਦਰ ਪਰੇਸ਼ਾਨ ਹੋ ਗਈ ਕਿ ਉਸਨੇ ਖੁਦ ਨੂੰ ਅੱਗ ਲਗਾ ਕੇ ਆਤਮ ਹੱਤਿਆ ਕਰ ਲਈ। ਇਸ ਮਾਮਲੇ ਵਿੱਚ ਥਾਣਾ ਸਾਹਨੇਵਾਲ ਦੀ ਪੁਲਿਸ ਨੇ ਮ੍ਰਿਤਕਾ ਦੇ ਪੁੱਤਰ ਏਕਤਾ ਕਲੋਨੀ ਦੇ ਵਾਸੀ ਵਿਸ਼ਾਲ ਵਰਮਾ ਦੀ ਸ਼ਿਕਾਇਤ ਉਤੇ ਮੱਕੜ ਕਾਲੋਨੀ ਦੇ ਰਹਿਣ ਵਾਲੇ ਨਿਸ਼ਾਨ ਮਸੀਹ ਦੇ ਖ਼ਿਲਾਫ਼ ਖੁਦਕੁਸ਼ੀ ਲਈ ਮਜਬੂਰ ਕਰਨ ਦੀਆਂ ਧਾਰਾਵਾਂ ਤਹਿਤ ਮੁਕਦਮਾ ਦਰਜ ਕਰ ਲਿਆ ਹੈ।
ਜਾਣਕਾਰੀ ਦਿੰਦਿਆਂ ਏਐਸਆਈ ਰਾਮ ਮੂਰਤੀ ਨੇ ਦੱਸਿਆ ਏਕਤਾ ਕਾਲੋਨੀ ਦੀ ਰਹਿਣ ਵਾਲੀ ਔਰਤ ਗੋਲਡੀ (50)ਦੇ ਨਿਸ਼ਾਨ ਮਸ਼ੀਨ ਨਾਲ ਪਿਛਲੇ 8 ਸਾਲ ਤੋਂ ਸਬੰਧ ਸਨ। ਗੋਲਡੀ ਦੇ ਪੁੱਤਰ ਵਿਸ਼ਾਲ ਵਰਮਾ ਨੇ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ ਕਿ ਉਸਦੀ ਮਾਤਾ ਹਰ ਰੋਜ਼ ਵਾਂਗ 25 ਜੁਲਾਈ 2021 ਨੂੰ ਕੰਮ ਉਤੇ ਗਈ ਪਰ ਘਰ ਵਾਪਸ ਨਾ ਆਏ। 29 ਅਪ੍ਰੈਲ 2023 ਨੂੰ ਗੋਲਡੀ ਨੇ ਵਿਸ਼ਾਲ ਨੂੰ ਫੋਨ ਕਰਕੇ ਦੱਸਿਆ ਕਿ ਨਿਸ਼ਾਨ ਮਸੀਹ ਉਸਨੂੰ ਬੇਹੱਦ ਪਰੇਸ਼ਾਨ ਕਰਦਾ ਹੈ। ਨਿਸ਼ਾਨ ਮਸੀਹ ਉਸਨੂੰ ਇਹ ਆਖਦਾ ਹੈ ਕਿ ਉਹ ਉਸ ਦੀਆਂ ਵੀਡੀਓਜ਼ ਉਸ ਦੀ ਨੂੰਹ ਨੂੰ ਦਿਖਾ ਦੇਵੇਗਾ। ਕੁਝ ਦਿਨਾਂ ਬਾਅਦ ਗੋਲਡੀ ਆਪਣੇ ਬੇਟੇ ਵਿਸ਼ਾਲ ਕੋਲ ਆਈ ਅਤੇ ਆਖਿਆ ਕਿ ਨਿਸ਼ਾਨ ਮਸ਼ੀਨ ਨੇ ਉਸ ਦੀ ਜ਼ਿੰਦਗੀ ਬਰਬਾਦ ਕਰ ਦਿੱਤੀ ਹੈ। ਉਹ ਵਾਰ ਵਾਰ ਇਹ ਇਹ ਕਹਿ ਰਹੀ ਸੀ ਕਿ ਨਿਸ਼ਾਨ ਮਸੀਹ ਨੇ ਉਸ ਨੂੰ ਧੋਖਾ ਦਿੱਤਾ ਹੈ। ਔਰਤ ਇਸ ਕਦਰ ਪਰੇਸ਼ਾਨ ਹੋ ਗਈ ਕਿ ਉਸਨੇ ਨਿਸ਼ਾਨ ਦੇ ਘਰ ਦੇ ਸਾਹਮਣੇ ਜਾ ਕੇ ਖੁਦ ਨੂੰ ਅੱਗ ਲਗਾ ਲਈ।
ਅੱਗ ਲਗਾਉਣ ਕਾਰਣ ਔਰਤ ਦੀ ਹਾਲਤ ਇਸ ਕਦਰ ਖਰਾਬ ਸੀ ਕਿ ਉਸ ਦੀ ਥਾਂ ਉਤੇ ਹੀ ਮੌਤ ਹੋ ਗਈ। ਉਧਰੋਂ ਇਸ ਮਾਮਲੇ ਵਿੱਚ ਜਾਂਚ ਅਧਿਕਾਰੀ ਰਾਮ ਮੂਰਤੀ ਦਾ ਕਹਿਣਾ ਹੈ ਕਿ ਪੁਲਿਸ ਨੇ ਮੁਲਜ਼ਮ ਦੇ ਖ਼ਿਲਾਫ਼ ਖੁਦਕੁਸ਼ੀ ਲਈ ਮਜਬੂਰ ਕਰਨ ਦੀਆਂ ਧਾਰਾਵਾਂ ਤਹਿਤ ਮੁਕਦਮਾ ਦਰਜ ਕਰਕੇ ਮੁਲਜਮ ਦੀ ਤਲਾਸ਼ ਸ਼ੁਰੂ ਕਰ ਦਿੱਤੀ ਹੈ। ਜਲਦ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ।
