ਨਸ਼ੇ ‘ਚ ਰੱਜੇ ਪਿਓ ਕੋਲੋਂ 12 ਸਾਲਾ ਧੀ ਨੇ ਕੁਲਫੀ ਖਾਣ ਲਈ ਮੰਗ ਲਏ 10 ਰੁਪਏ ਤਾਂ ਕੁੱਟ-ਕੁੱਟ ਕੇ ਮਾਰੀ ਦਿੱਤੀ…
ਰਾਂਚੀ (ਵੀਓਪੀ ਬਿਊਰੋ) ਝਾਰਖੰਡ ਦੇ ਚਤਰਾ ਜ਼ਿਲੇ ਤੋਂ ਇਕ ਸਨਸਨੀਖੇਜ਼ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਸੋਮਵਾਰ ਨੂੰ ਇਕ 48 ਸਾਲਾ ਵਿਅਕਤੀ ਨੇ 10 ਰੁਪਏ ਦੀ ਮੰਗ ਨੂੰ ਲੈ ਕੇ ਕਥਿਤ ਤੌਰ ‘ਤੇ ਆਪਣੀ 12 ਸਾਲਾ ਧੀ ਦਾ ਗਲਾ ਘੁੱਟ ਕੇ ਕਤਲ ਕਰ ਦਿੱਤਾ। ਇਹ ਘਟਨਾ ਰਾਂਚੀ ਤੋਂ ਕਰੀਬ 200 ਕਿਲੋਮੀਟਰ ਦੂਰ ਬਸ਼ਿਸ਼ਟਨਗਰ ਥਾਣਾ ਖੇਤਰ ਦੇ ਅਧੀਨ ਪੈਂਦੇ ਪਿੰਡ ਕਰੇਲੀਬਾਰ ਦੀ ਹੈ।
ਬਸ਼ਿਸ਼ਠਾਨਗਰ ਦੇ ਸਟੇਸ਼ਨ ਇੰਚਾਰਜ ਗੁਲਾਮ ਸਰਵਰ ਨੇ ਦੱਸਿਆ ਕਿ ਪਹਿਲੀ ਨਜ਼ਰ ‘ਚ ਅਜਿਹਾ ਲੱਗਦਾ ਹੈ ਕਿ ਲੜਕੀ ਨੂੰ ਉਸਦੇ ਪਿਤਾ ਨੇ ਗਲਾ ਘੁੱਟ ਕੇ ਮਾਰ ਦਿੱਤਾ ਹੈ। ਪੁਲਿਸ ਨੇ ਦੱਸਿਆ ਕਿ ਘਟਨਾ ਸਵੇਰੇ 9 ਵਜੇ ਦੇ ਕਰੀਬ ਵਾਪਰੀ। ਦੋਸ਼ੀ ਪਿਤਾ ਬਿਲੇਸ਼ ਭੂਈਆਂ ਨਸ਼ੇ ਦੀ ਹਾਲਤ ‘ਚ ਸੀ ਇਸੇ ਦੌਰਾਨ ਉਸਦੀ ਬੇਟੀ ਉਥੇ ਆਈ ਤੇ ਠੰਡ ‘ਚ ਕੁਲਫੀ ਖਾਣ ਲਈ ਪਿਤਾ ਤੋਂ ਦਸ ਰੁਪਏ ਮੰਗੇ। ਇਸ ਤੋਂ ਬਾਅਦ ਉਸ ਨੇ ਆਪਣੀ ਬੇਟੀ ਨੂੰ ਕੁੱਟਮਾਰ ਕਰਕੇ ਉਸ ਦਾ ਕਤਲ ਕਰ ਦਿੱਤਾ। ਘਟਨਾ ਦਾ ਪਤਾ ਉਦੋਂ ਲੱਗਾ ਜਦੋਂ ਮ੍ਰਿਤਕ ਦੀ 15 ਸਾਲਾ ਭੈਣ ਇੱਟਾਂ ਦੇ ਭੱਠੇ ‘ਤੇ ਕੰਮ ਕਰਨ ਤੋਂ ਬਾਅਦ ਘਰ ਪਰਤੀ ਅਤੇ ਪਤਾ ਲਗਾ। ਉਨ੍ਹਾਂ ਦੱਸਿਆ ਕਿ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ ਅਤੇ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਗਿਆ ਹੈ।
