ਪਤੀ ਦੀ ਮੌਤ ਮਗਰੋਂ ਬਹਾਨੇ ਨਾਲ ਬੁਲਾ ਕੇ ਮਾਮੇ ਸਹੁਰੇ ਨੇ ਟੱਪੀਆਂ ਹੱਦਾਂ, ਨੂੰਹ ਨੂੰ ਹੋਟਲ ਵਿਚ ਲਿਜਾ ਕੇ ਕੀਤਾ ਬਲਾਤਕਾਰ
ਵੀਓਪੀ ਬਿਊਰੋ, ਚੰਡੀਗੜ੍ਹ : ਪਤੀ ਦੀ ਸੜਕ ਹਾਦਸੇ ਵਿਚ ਮੌਤ ਤੋਂ ਬਾਅਦ ਕਾਗਜ਼ਾਤ ਵਾਪਸ ਕਰਨ ਦੇ ਬਹਾਨੇ ਦੜਵਾ ਸਥਿਤ ਹੋਟਲ ‘ਚ ਲਿਜਾ ਕੇ ਮਾਮੇ ਸਹੁਰੇ ਨੇ ਜਬਰ-ਜ਼ਨਾਹ ਕੀਤਾ। ਨੂੰਹ ਦੀ ਸ਼ਿਕਾਇਤ ਉਤੇ ਮਾਮਾ ਸਹੁਰੇ ਨੂੰ ਦੜਵਾ ਚੌਕੀ ਪੁਲਿਸ ਨੇ ਸਰਕਾਰੀ ਨਰਸਰੀ ਕੋਲੋਂ ਗ੍ਰਿਫ਼ਤਾਰ ਕਰ ਲਿਆ ਹੈ। ਮੁਲਜ਼ਮ ਦੀ ਪਛਾਣ ਬਿਹਾਰ ਨਿਵਾਸੀ ਸੂਰਜ ਵਜੋਂ ਹੋਈ, ਜੋ ਅਲਟਰਾਟੈੱਕ ਸੀਮੈਂਟ ਕੰਪਨੀ ‘ਚ ਇੰਜੀਨੀਅਰ ਹੈ। ਇੰਡਸਟ੍ਰੀਅਲ ਏਰੀਆ ਥਾਣਾ ਪੁਲਿਸ ਨੇ ਮੁਲਜ਼ਮ ਨੂੰ ਜ਼ਿਲ੍ਹਾ ਅਦਾਲਤ ‘ਚ ਪੇਸ਼ ਕੀਤਾ ਤਾਂ ਅਦਾਲਤ ਨੇ ਮੁਲਜ਼ਮ ਨੂੰ ਕਾਨੂੰਨੀ ਹਿਰਾਸਤ ‘ਚ ਭੇਜ ਦਿੱਤਾ।
ਪੀੜਤਾ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ‘ਚ ਦੱਸਿਆ ਕਿ ਉਸ ਦੇ ਪਤੀ ਦੀ ਸੜਕ ਹਾਦਸੇ ‘ਚ ਮੌਤ ਹੋ ਗਈ ਸੀ। ਉਸ ਦੇ ਕਾਗਜ਼ਾਤ ਸਹੁਰੇ ਘਰ ‘ਚ ਰੱਖੇ ਹੋਏ ਸਨ। ਮਾਮੇ ਸਹੁਰੇ ਸੂਰਜ ਨੇ ਉਸ ਨੂੰ ਕਾਗਜ਼ਾਤ ਦੇਣ ਲਈ ਦੜਵਾ ‘ਚ ਬੁਲਾਇਆ।
ਉਹ ਉਸ ਨੂੰ ਦੜਵਾ ਦੇ ਹੋਟਲ ‘ਚ ਲੈ ਗਿਆ ਅਤੇ ਕਾਗਜ਼ਾਤ ਦੇਣ ਦੇ ਬਦਲੇ ਉਸ ਨਾਲ ਜਬਰ-ਜ਼ਨਾਹ ਕੀਤਾ। ਦੋਸ਼ ਹੈ ਕਿ ਸੂਰਜ ਉਸ ਨੂੰ ਕਈ ਮਹੀਨੀਆਂ ਤੋਂ ਕਾਗਜ਼ਾਤ ਦੇਣ ਦੇ ਨਾਂ ’ਤੇ ਬਲੈਕਮੇਲ ਕਰਦਾ ਰਿਹਾ। ਔਰਤ ਨੇ ਮਾਮਲੇ ਦੀ ਸ਼ਿਕਾਇਤ ਪੁਲਿਸ ਨੂੰ ਦਿੱਤੀ। ਇੰਡਸਟ੍ਰੀਅਲ ਏਰੀਆ ਥਾਣਾ ਪੁਲਿਸ ਨੇ 28 ਜੂਨ, 2023 ਨੂੰ ਮੁਲਜ਼ਮ ਸੂਰਜ ਖ਼ਿਲਾਫ਼ ਜਬਰ-ਜ਼ਨਾਹ ਅਤੇ ਜਾਨੋਂ ਮਾਰਨ ਦੀ ਧਮਕੀ ਦੇਣ ਦਾ ਮਾਮਲਾ ਦਰਜ ਕੀਤਾ ਸੀ।
