ਅਮਰੀਕਾ ਦੀ ਧਰਤੀ ‘ਤੇ ਜਾ ਕੇ ਭਾਰਤ ਦੇ ਹੱਕ ‘ਚ ਗਰਜਿਆ ਸ੍ਰੀਲੰਕਾ, ਕਿਹਾ- ਕੈਨੇਡਾ ਸੁਧਰ ਜਾਵੇ ਨਹੀਂ ਤਾਂ…
ਨਿਊਯਾਰਕ (ਵੀਓਪੀ ਬਿਊਰੋ) : ਭਾਰਤ ਤੇ ਕੈਨੇਡਾ ‘ਚ ਖਾਲਿਸਤਾਨੀ ਗਤੀਵਿਧੀਆਂ ਨੂੰ ਲੈ ਕੇ ਸ਼ੁਰੂ ਹੋਈ ਕੋਲਡ ਵਾਰ ਵਿੱਚ ਹੁਣ ਸ੍ਰੀਲੰਕਾ ਨੇ ਵੀ ਕਦਮ ਰੱਖ ਲਿਆ ਹੈ। ਖਾਲਿਸਤਾਨੀ ਅੱਤਵਾਦੀ ਹਰਦੀਪ ਸਿੰਘ ਨਿੱਝਰ ਦੀ ਮੌਤ ਵਿੱਚ ਭਾਰਤ ਦੀ ਸ਼ਮੂਲੀਅਤ ਦਾ ਸ਼ੱਕ ਜਤਾਉਣ ਵਾਲੀ ਕੈਨੇਡਾ ‘ਤੇ ਹੁਣ ਸ੍ਰੀਲੰਕਾ ਸਰਕਾਰ ਨੇ ਵੀ ਸਵਾਲ ਖੜ੍ਹੇ ਕਰ ਦਿੱਤੇ ਹਨ।
ਸ਼੍ਰੀਲੰਕਾ ਦਾ ਕਹਿਣਾ ਹੈ ਕਿ ਕੁਝ ਅੱਤਵਾਦੀਆਂ ਨੂੰ ਕੈਨੇਡਾ ‘ਚ ‘ਸੁਰੱਖਿਅਤ ਪਨਾਹਗਾਹ’ ਮਿਲੀ ਹੈ। ਉਨ੍ਹਾਂ ਨੇ ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ‘ਤੇ ਵੀ ਬੇਬੁਨਿਆਦ ਦੋਸ਼ ਲਗਾਉਣ ‘ਤੇ ਸਵਾਲ ਚੁੱਕੇ ਹਨ।
ਨਿਊਯਾਰਕ ਪਹੁੰਚੇ ਸ਼੍ਰੀਲੰਕਾ ਦੇ ਵਿਦੇਸ਼ ਮੰਤਰੀ ਨੇ ਭਾਰਤ ਅਤੇ ਕੈਨੇਡਾ ਵਿਚਾਲੇ ਚੱਲ ਰਹੇ ਤਣਾਅ ‘ਤੇ ਪ੍ਰਤੀਕਿਰਿਆ ਦਿੱਤੀ ਹੈ। ਉਸ ਨੇ ਕਿਹਾ, ‘ਕੁਝ ਅੱਤਵਾਦੀਆਂ ਨੂੰ ਕੈਨੇਡਾ ‘ਚ ਸੁਰੱਖਿਅਤ ਪਨਾਹਗਾਹ ਮਿਲੀ ਹੈ। ਇਹ ਗੱਲ ਇੱਕ ਕੈਨੇਡੀਅਨ ਪ੍ਰਧਾਨ ਮੰਤਰੀ ਵੱਲੋਂ ਬਿਨਾਂ ਕਿਸੇ ਸਬੂਤ ਦੇ ਕੁਝ ਘਿਨਾਉਣੇ ਦੋਸ਼ ਲਾਉਣ ਬਾਰੇ ਕਹਿਣਾ ਹੈ। ਉਸਨੇ ਸ਼੍ਰੀਲੰਕਾ ਲਈ ਵੀ ਇਹੀ ਕੰਮ ਕੀਤਾ, ਕਿਹਾ ਕਿ ਸ਼੍ਰੀਲੰਕਾ ਵਿੱਚ ਨਸਲਕੁਸ਼ੀ ਇੱਕ ਭਿਆਨਕ, ਕੋਰਾ ਝੂਠ ਸੀ।
ਹਰ ਕੋਈ ਜਾਣਦਾ ਹੈ ਕਿ ਸਾਡੇ ਦੇਸ਼ ਵਿੱਚ ਕੋਈ ਨਸਲਕੁਸ਼ੀ ਨਹੀਂ ਹੋਈ।’ ਉਨ੍ਹਾਂ ਕਿਹਾ, ‘ਮੈਂ ਕੱਲ੍ਹ ਦੇਖਿਆ ਕਿ ਉਹ ਦੂਜੇ ਵਿਸ਼ਵ ਯੁੱਧ ਦੌਰਾਨ ਨਾਜ਼ੀਆਂ ਨਾਲ ਜੁੜੇ ਕਿਸੇ ਵਿਅਕਤੀ ਦਾ ਸਵਾਗਤ ਕਰਨ ਗਏ ਸਨ। ਅਜਿਹੀ ਸਥਿਤੀ ਵਿੱਚ, ਇਹ ਸਭ ਕੁਝ ਸ਼ੱਕੀ ਹੈ ਅਤੇ ਅਸੀਂ ਪਹਿਲਾਂ ਵੀ ਇਸ ਦਾ ਸਾਹਮਣਾ ਕਰ ਚੁੱਕੇ ਹਾਂ…।
