ਤੁਰੇ ਜਾਂਦੇ ਸੀ ਪਿਓ-ਪੁੱਤ, ਲਾਪਰਵਾਹ ਚਾਲਕ ਨੇ 4 ਸਾਲਾ ਮਾਸੂਮ ਉਤੇ ਚੜ੍ਹਾ ਦਿੱਤਾ ਟੈਂਪੂ, ਪਿਓ ਸਾਹਮਣੇ ਤੜਫ-ਤੜਫ ਹੋ ਗਈ ਮੌ+ਤ
ਵੀਓਪੀ ਬਿਊਰੋ, ਰੂਪਨਗਰ-ਰੂਪਨਗਰ ਵਿਖੇ ਪਿੰਡ ਭੱਦਲ ’ਚ ਵੱਡਾ ਸੜਕ ਹਾਦਸਾ ਵਾਪਰਿਆ। ਇਕ ਹਾਦਸੇ ’ਚ 4 ਸਾਲਾ ਮਾਸੂਮ ਦੀ ਮੌ+ਤ ਹੋ ਗਈ। ਸਦਰ ਪੁਲਿਸ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਸ਼ਿਕਾਇਤਕਰਤਾ ਓਮਇੰਦਰ ਪੁੱਤਰ ਇਤਬਾੜੀ ਲਾਲ ਵਾਸੀ ਪਿੰਡ ਮਕਰੰਦਾਪੁਰਾ ਜ਼ਿਲ੍ਹਾ ਬਦਾਊ (ਯੂਪੀ) ਹਾਲ ਵਾਸੀ ਭੱਦਲ ਨੇ ਦੱਸਿਆ ਕਿ ਉਹ ਮਜ਼ਦੂਰੀ ਦਾ ਕੰਮ ਕਰਦਾ ਹੈ ਤੇ ਆਪਣੇ ਪਰਿਵਾਰ ਦੇ ਸਮੇਤ ਭੱਦਲ ਤੋਂ ਬਬਾਨੀ ਨੂੰ ਜਾ ਰਹੇ ਸੀ।
ਜਦੋਂ ਤੁੰਗ ਭੱਠਾ ਭੱਦਲ ਨੇੜੇ ਪੁੱਜੇ ਤਾਂ ਪਿੱਛੋਂ ਇਕ ਟਾਟਾ ਐੱਸ. ਟੈਂਪੂ ਆਇਆ, ਜਿਸ ’ਤੇ ਮੰਜੇ ਲੱਦੇ ਹੋਏ ਸਨ, ਜਿਸ ਦੇ ਚਾਲਕ ਨੇ ਆਪਣੇ ਟੈਂਪੂ ਨੂੰ ਬੜੀ ਲਾਪਰਵਾਹੀ ਅਤੇ ਤੇਜ਼ ਰਫ਼ਤਾਰ ਨਾਲ ਉਸ ਦੇ ਨਾਲ ਤੁਰੇ ਜਾਂਦੇ ਬੱਚੇ ਮੋਹਿਤ ਉਮਰ (4 ਸਾਲ) ਦੇ ਉੱਪਰ ਚੜ੍ਹਾ ਦਿੱਤਾ, ਜਿਸ ਦਾ ਨੰਬਰ ਵੀ ਪੜ੍ਹ ਲਿਆ ਹੈ। ਚਾਲਕ ਮੌਕੇ ਤੋਂ ਫਰਾਰ ਹੋ ਗਿਆ।
ਜਦੋਂਕਿ ਬੱਚੇ ਨੂੰ ਟੈਂਪੂ ਹੇਠੋਂ ਕੱਢ ਕੇ ਸਿਵਲ ਹਸਪਤਾਲ ਰੂਪਨਗਰ ਲਿਜਾਇਆ ਗਿਆ, ਜਿੱਥੇ ਡਾਕਟਰ ਵੱਲੋਂ ਉਸ ਨੂੰ ਮ੍ਰਿਤਕ ਐਲਾਨ ਕਰ ਦਿੱਤਾ ਗਿਆ। ਸਦਰ ਪੁਲਿਸ ਨੇ ਸ਼ਿਕਾਇਤ ਦੇ ਆਧਾਰ ’ਤੇ ਅਣਪਛਾਤੇ ਚਾਲਕ ਵਿਰੁੱਧ ਪਰਚਾ ਦਰਜ ਕਰ ਲਿਆ। ਮੁਲਜ਼ਮ ਚਾਲਕ ਦੀ ਭਾਲ ਕੀਤੀ ਜਾ ਰਹੀ ਹੈ।
