ਖੜ੍ਹੇ ਟੈਂਕਰ ਵਿਚ ਲਿਆ ਮਾਰੀ ਤੇਜ਼ ਰਫ਼ਤਾਰ ਐਸਯੂਵੀ, ਵਿਚ ਸਵਾਰ ਸਨ 12 ਜਣੇ, 12 ਦੀ ਹੀ ਮੌਕੇ ਉਤੇ ਹੋਈ ਮੌ+ਤ
ਵੀਓਪੀ ਬਿਊਰੋ, ਨੈਸ਼ਨਲ- ਕਰਨਾਟਕ ਦੇ ਚਿੱਕਬਾਲਾਪੁਰ ‘ਚ ਵੀਰਵਾਰ ਸਵੇਰੇ ਭਿਆਨਕ ਸੜਕ ਹਾਦਸੇ ਨੇ ਸਾਰਿਆਂ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ। ਇਕ ਚਾਲਕ ਨੇ ਸੜਕ ‘ਤੇ ਖੜ੍ਹੇ ਇਕ ਟੈਂਕਰ ਵਿਚ ਐੱਸ.ਯੂ.ਵੀ. ਲਿਆ ਮਾਰੀ ਜਿਸ ਕਾਰਨ ਗੱਡੀ ਵਿਚ ਸਵਾਰ 12 ਲੋਕਾਂ ਦੀ ਮੌ+ਤ ਹੋ ਗਈ।
ਪੁਲਿਸ ਨੇ ਦੱਸਿਆ ਕਿ ਇਹ ਹਾਦਸਾ ਚਿੱਕਬਾਲਾਪੁਰ ਸ਼ਹਿਰ ਦੇ ਜ਼ਿਲ੍ਹਾ ਹੈੱਡ ਕੁਆਰਟਰ ਦੇ ਬਾਹਰੀ ਇਲਾਕੇ ‘ਚ ਹੋਇਆ।ਸੂਤਰਾਂ ਨੇ ਦੱਸਿਆ ਕਿ ਐੱਸ.ਯੂ.ਵੀ. ਬਾਗੇਪੱਲੀ ਤੋਂ ਚਿੱਕਬਾਲਾਪੁਰ ਜਾ ਰਹੀ ਸੀ, ਉਦੋਂ ਡਰਾਈਵਰ ਨੇ ਸੜਕ ‘ਤੇ ਖੜ੍ਹੇ ਇਕ ਟੈਂਕਰ ਨੂੰ ਟੱਕਰ ਮਾਰ ਦਿੱਤੀ, ਜਿਸ ਨਾਲ ਚਾਰ ਔਰਤਾਂ ਸਮੇਤ 12 ਯਾਤਰੀਆਂ ਦੀ ਮੌਕੇ ‘ਤੇ ਹੀ ਮੌ+ਤ ਹੋ ਗਈ। ਉਨ੍ਹਾਂ ਦੱਸਿਆ ਕਿ ਇਕ ਵਿਅਕਤੀ ਗੰਭੀਰ ਰੂਪ ਨਾਲ ਜ਼ਖ਼ਮੀ ਹੋ ਗਿਆ ਅਤੇ ਉਸ ਦਾ ਇਕ ਨਜ਼ਦੀਕੀ ਹਸਪਤਾਲ ‘ਚ ਇਲਾਜ ਕੀਤਾ ਜਾ ਰਿਹਾ ਹੈ।
