KGF ਫਿਲਮ ਦੇ ਅਭਿਨੇਤਾ ਯਸ਼ ਦੇ ਬਰਥ ਡੇ ਸੈਲੀਬਰੇਸ਼ਨ ਦੀਆਂ ਤਿਆਰੀਆਂ ਦੌਰਾਨ ਵੱਡਾ ਹਾਦਸਾ, ਬਿਜਲੀ ਦੇ ਖੰਬੇ ਤੋਂ ਲੱਗਾ ਕਰੰਟ, ਤਿੰਨ ਦੀ ਹੋਈ ਮੌ.ਤ
ਵੀਓਪੀ ਬਿਊਰੋ, ਨੈਸ਼ਨਲ-KGF ਫਿਲਮ ਦੇ ਅਭਿਨੇਤਾ ਯਸ਼ ਦੇ ਪੂਰੀ ਦੁਨੀਆ ਵਿਚ ਫੈਨਜ਼ ਹਨ, ਜੋ ਅਭਿਨੇਤਾ ਯਸ਼ ਦੇ ਜਨਮ ਦਿਨ ਲਈ ਬਹੁਤ ਉਤਸ਼ਾਹਿਤ ਹਨ ਪਰ ਉਨ੍ਹਾਂ ਦਾ ਜਨਮ ਦਿਨ ਮਨਾਉਣ ਲਈ ਤਿਆਰੀਆਂ ਕਰਦਿਆਂ ਇਕ ਅਜਿਹਾ ਹਾਦਸਾ ਵਾਪਰ ਗਿਆ ਕਿ ਤਿੰਨ ਜਣਿਆਂ ਨੇ ਆਪਣੀ ਜਾਨ ਗੁਆ ਲਈ। ਇਹ ਹਾਦਸਾ ਕਰਨਾਟਕਾ ਦੇ ਗਦਾਗ ਵਿਚ ਵਾਪਰਿਆ।
ਦਰਅਸਲ, ਯਸ਼ ਦੇ ਜਨਮ ਦਿਨ ਨਾਲ ਸਬੰਧਤ ਫਲੈਕਸ ਲਾਉਣ ਸਮੇਂ ਫਲੈਕਸ ਬਿਜਲੀ ਦੀ ਹਾਈ ਟੈਂਸ਼ਨ ਤਾਰਾਂ ਨਾਲ ਟਕਰਾ ਗਈ, ਜਿਸ ਕਾਰਨ ਬਿਜਲੀ ਦੇ ਜਬਰਦਸਤ ਝਟਕੇ ਕਾਰਨ ਤਿੰਨ ਜਣਿਆਂ ਦੀ ਮੌ.ਤ ਹੋ ਗਈ। ਜਿਨ੍ਹਾਂ ਦੀ ਪਛਾਣ ਹਨਮੰਤਾ ਹਰਿਜਨ (21), ਮੁਰਲੀ ਨਦਾਵਿਨਮਣੀ(20) ਤੇ ਨਵੀਨ ਗਾਜੀ (19) ਵਜੋਂ ਹੋਈ ਹੈ। ਹੋਰ ਤਿੰਨ ਜਣੇ ਵੀ ਜ਼ਖਮੀ ਹੋਏ ਹਨ, ਜਿਨ੍ਹਾਂ ਨੂੰ ਇਲਾਜ ਲਈ ਹਸਪਤਾਲ ਲਿਜਾਇਆ ਗਿਆ। ਪੁਲਿਸ ਨੇ ਮੌਕੇ ਉਤੇ ਪਹੁੰਚ ਕੇ ਹਾਦਸੇ ਵਾਲੀ ਥਾਂ ਦਾ ਜਾਇਜ਼ਾ ਲਿਆ ਹੈ।
