ਅਯੁੱਧਿਆ ਪਹੁੰਚੇ Avengers, ਵੰਡਰ ਵੂਮੈਨ ਨੇ ਜਗਾਏ ਦੀਵੇ ਤੇ ਆਇਰਨ ਮੈਨ ਨੇ ਲਗਾਏ ਤਿਲਕ, ਸ਼੍ਰੀ ਰਾਮ ਮੰਦਰ ਦੀ ਪ੍ਰਾਣ ਪ੍ਰਤਿਸ਼ਠਾ ਲਈ ਤਿਆਰੀਆਂ ਕਰਦੇ ਆਏ ਨਜ਼ਰ !
ਵੀਓਪੀ ਬਿਊਰੋ, ਨੈਸ਼ਨਲ- ਅਯੁੱਧਿਆ ‘ਚ ਸ਼੍ਰੀ ਰਾਮ ਮੰਦਰ ਦੇ ਪਵਿੱਤਰ ਸਮਾਰੋਹ ‘ਚ ਅਵੈਂਜਰਜ਼ ਅਤੇ ਹਾਲੀਵੁੱਡ ਸਿਤਾਰਿਆਂ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਚਰਚਾ ਦਾ ਵਿਸ਼ਾ ਬਣੀਆਂ ਹੋਈਆਂ ਹਨ। ਇਨ੍ਹਾਂ ਤਸਵੀਰਾਂ ‘ਚ ਆਇਰਨ ਮੈਨ, ਬੈਟਮੈਨ, ਡੈੱਡਪੂਲ, ਜੋਕਰ, ਸੁਪਰਮੈਨ, ਜੈਕ ਸਪੈਰੋ, ਵੰਡਰ ਵੂਮੈਨ, ਲੋਕੀ, ਥੋਰ, ਗਰੂਟ, ਥਾਨੋਸ, ਡਾਕਟਰ ਸਟ੍ਰੇਂਜ ਅਤੇ ਹੈਰੀ ਪੋਟਰ ਵਰਗੇ ਸੁਪਰਹੀਰੋ ਅਤੇ ਹਾਲੀਵੁੱਡ ਫਿਲਮਾਂ ਦੇ ਸਿਤਾਰੇ ਭਗਵੇਂ ਕੱਪੜੇ ਪਹਿਨੇ ਨਜ਼ਰ ਆ ਰਹੇ ਹਨ। ਇਨ੍ਹਾਂ ਤਸਵੀਰਾਂ ‘ਚ ਆਇਰਨ ਮੈਨ ਅਤੇ ਬੈਟਮੈਨ ਸਵੀਪ ਕਰਦੇ ਨਜ਼ਰ ਆ ਰਹੇ ਹਨ।
ਡੈੱਡਪੂਲ ਅਤੇ ਜੋਕਰ ਮੋਪਿੰਗ ਕਰ ਰਹੇ ਹਨ। ਸੁਪਰਮੈਨ ਆਪਣੇ ਮੱਥੇ ‘ਤੇ ਤਿਲਕ ਲਾ, ਪੱਗੜੀ ਬੰਨ੍ਹਦੇ ਅਤੇ ਮੋਢੇ ‘ਤੇ ਫੁੱਲਾਂ ਦੀ ਮਾਲਾ ਲੈ ਕੇ ਦਿਖਾਈ ਦੇ ਰਿਹਾ ਹੈ। ਇਸ ਦੇ ਨਾਲ ਹੀ ਜੈਕ ਸਪੈਰੋ ਅਤੇ ਵੰਡਰ ਵੂਮਨ ਦੀਵੇ ਜਗਾਉਂਦੇ ਨਜ਼ਰ ਆ ਰਹੇ ਹਨ। ਮਾਰਵਲ ਦੇ ਸੁਪਰਹੀਰੋ ਲੋਕੀ ਨੂੰ ਹਾਰਮੋਨੀਆ ਵਜਾਉਂਦੇ ਦੇਖਿਆ ਗਿਆ, ਜਦਕਿ ਥੋਰ ਨੂੰ ਤਬਲਾ ਵਜਾਉਂਦੇ ਦੇਖਿਆ ਗਿਆ। ਥੋਰ ਨੇ ਭਗਵੇਂ ਰੰਗ ਦੇ ਕੱਪੜੇ ਪਾਏ ਹੋਏ ਹਨ। ਗਰੂਟ ਅਤੇ ਥਾਨੋਸ ਖਾਣਾ ਬਣਾਉਂਦੇ ਨਜ਼ਰ ਆ ਰਹੇ ਹਨ। ਡਾਕਟਰ ਸਟਰੇਂਜ ਨੂੰ ਚੌਲ ਵੰਡਦੇ ਦੇਖਿਆ ਗਿਆ। ਇਸ ਤੋਂ ਇਲਾਵਾ, ਹੈਰੀ ਪਾਟਰ ਅਤੇ ਉਨ੍ਹਾਂ ਦੇ ਹੋਰ ਦੋਸਤ ਸੈਲਫੀ ਲੈਂਦੇ ਨਜ਼ਰ ਆਏ। ਇਹ ਤਸਵੀਰਾਂ ਇੱਕ ਕਲਾਕਾਰ ਨੇ AI ਤਕਨੀਕ ਦੀ ਵਰਤੋਂ ਕਰ ਕੇ ਬਣਾਈਆਂ ਹਨ। AI ਕਲਾਕਾਰ ਦਾ ਕਹਿਣਾ ਹੈ ਕਿ ਇਹ ਤਸਵੀਰਾਂ ਬਣਾ ਕੇ ਉਹ ਲੋਕਾਂ ਨੂੰ ਹਸਾਉਣਾ ਅਤੇ ਉਨ੍ਹਾਂ ਨੂੰ ਰੂਹਾਨੀਅਤ ਤੋਂ ਜਾਣੂ ਕਰਵਾਉਣਾ ਚਾਹੁੰਦਾ ਸੀ। ਇਨ੍ਹਾਂ ਤਸਵੀਰਾਂ ਨੂੰ ਸੋਸ਼ਲ ਮੀਡੀਆ ‘ਤੇ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਇਨ੍ਹਾਂ ਤਸਵੀਰਾਂ ਨੂੰ ਲੈ ਕੇ ਲੋਕਾਂ ਨੇ ਕਈ ਤਰ੍ਹਾਂ ਦੇ ਕਮੈਂਟ ਕੀਤੇ ਹਨ। ਕੁਝ ਲੋਕਾਂ ਨੇ ਕਿਹਾ ਕਿ ਇਹ ਤਸਵੀਰਾਂ ਬਹੁਤ ਮਜ਼ਾਕੀਆ ਹਨ, ਜਦੋਂ ਕਿ ਕੁਝ ਨੇ ਕਿਹਾ ਕਿ ਇਹ ਤਸਵੀਰਾਂ ਰੂਹਾਨੀ ਵੀ ਹਨ। ਇਹ ਤਸਵੀਰਾਂ ਇੰਸਟਾਗ੍ਰਾਮ ‘ਤੇ ਸ਼ਾਹਿਦ ਐਸਕੇ (sahixd) ਨਾਮਕ ਏਆਈ ਨਿਰਮਾਤਾ ਦੁਆਰਾ ਪੋਸਟ ਕੀਤੀਆਂ ਗਈਆਂ ਸਨ। ਇਸ ਪੋਸਟ ‘ਤੇ ਹੁਣ ਤੱਕ 7 ਹਜ਼ਾਰ ਤੋਂ ਵੱਧ ਲਾਈਕਸ ਆ ਚੁੱਕੇ ਹਨ। ਇਸ ‘ਤੇ ਕਈ ਲੋਕਾਂ ਨੇ ਆਪਣੀ ਪ੍ਰਤੀਕਿਰਿਆ ਵੀ ਦਿੱਤੀ। ਕਈ ਯੂਜ਼ਰਸ ਨੇ ‘ਜੈ ਸ਼੍ਰੀ ਰਾਮ’ ਲਿਖਿਆ ਹੈ। ਇੱਕ ਯੂਜ਼ਰ ਨੇ ਲਿਖਿਆ, “ਹੇ ਭਗਵਾਨ, ਇਹ ਹੁਣ ਤੱਕ ਦੀ ਸਭ ਤੋਂ ਵਧੀਆ AI ਇਮੇਜ ਹੈ।”
