ਅਸ਼ਲੀਲ ਵੀਡੀਓਜ਼ ਤੇ ਫੋਟੋਜ਼ ਪਾ ਦਿੱਤੀਆਂ ਇੰਸਟਾਗ੍ਰਾਮ ‘ਤੇ, ਵਿਆਹ ਤੋਂ ਤਿੰਨ ਮਹੀਨੇ ਬਾਅਦ ਹੀ ਪਤੀ-ਪਤਨੀ ਨੇ ਕਰ ਲਈ ਖੁਦ.ਕੁਸ਼ੀ, ਮੁਲਜ਼ਮ ਗ੍ਰਿਫ਼.ਤਾਰ
ਵੀਓਪੀ ਬਿਊਰੋ, ਨੈਸ਼ਨਲ- ਵਿਆਹ ਤੋਂ ਤਿੰਨ ਮਹੀਨੇ ਬਾਅਦ ਹੀ ਅਚਾਨਕ ਪਤੀ-ਪਤਨੀ ਨੇ ਅਜਿਹਾ ਕਦਮ ਉਠਾ ਲਿਆ ਕਿ ਪੂਰੇ ਇਲਾਕੇ ਵਿੱਚ ਹੰਗਾਮਾ ਮਚ ਗਿਆ। ਲਾੜੀ, ਜਿਸ ਦੀ ਮਹਿੰਦੀ ਦਾ ਰੰਗ ਹੁਣੇ-ਹੁਣੇ ਹਲਕਾ ਹੋਇਆ ਸੀ, ਆਪਣੇ ਪਤੀ ਨਾਲ ਇਸ ਦੁਨੀਆ ਨੂੰ ਛੱਡ ਗਈ। ਆਖਿਰ ਕੀ ਕਾਰਨ ਸੀ ਕਿ ਵਿਆਹ ਦੇ 3 ਮਹੀਨੇ ਬਾਅਦ ਹੀ ਪਤੀ-ਪਤਨੀ ਨੇ ਲਿਆ ਇਹ ਫੈਸਲਾ, ਇਹ ਜਾਣਨ ਲਈ ਹਰ ਕੋਈ ਬੇਤਾਬ ਹੈ। ਪੁਲਿਸ ਨੇ ਇਸ ਪੂਰੇ ਮਾਮਲੇ ਦਾ ਪਰਦਾਫਾਸ਼ ਕਰ ਦਿੱਤਾ ਹੈ। ਪਰਦਾ ਉਠਦੇ ਹੀ ਪਤੀ-ਪਤਨੀ ਦੀ ਖੁਦਕੁਸ਼ੀ ਦਾ ਮਾਮਲਾ ਸਾਹਮਣੇ ਆਇਆ।
ਦਰਅਸਲ, ਪਤੀ-ਪਤਨੀ ਨੂੰ ਇਕ ਨੌਜਵਾਨ ਵੱਲੋਂ ਮੋਬਾਈਲ ਉਤੇ ਇਤਰਾਜ਼ਯੋਗ ਵੀਡੀਓ ਅਤੇ ਆਡੀਓ ਭੇਜ ਕੇ ਲਗਾਤਾਰ ਤੰਗ ਕੀਤਾ ਜਾ ਰਿਹਾ ਸੀ, ਜਿਸ ਕਾਰਨ ਦੋਵਾਂ ਨੇ ਖੁਦ.ਕੁਸ਼ੀ ਕਰ ਲਈ। ਪੁਲਿਸ ਵੱਲੋਂ ਮੁਲਜ਼ਮ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। 14 ਨਵੰਬਰ 2023 ਨੂੰ ਪੂਜਾ ਕੁਮਾਰੀ ਅਤੇ ਪਿੰਟੂ ਕੁਮਾਰ ਦਾ ਵਿਆਹ ਬਹੁਤ ਧੂਮਧਾਮ ਨਾਲ ਹੋਇਆ। ਇਸ ਤੋਂ ਬਾਅਦ 21 ਜਨਵਰੀ 2024 ਦੀ ਰਾਤ ਦੋਹਾਂ ਦੀ ਆਖਰੀ ਰਾਤ ਸੀ। ਦੋਵੇਂ ਪਰਾਇਆ ਥਾਣਾ ਖੇਤਰ ਦੇ ਪਿੰਡ ਬਧਨੀਆ ਦੇ ਰਹਿਣ ਵਾਲੇ ਸਨ। ਰਾਤ ਨੂੰ ਖਾਣਾ ਖਾਣ ਤੋਂ ਬਾਅਦ ਜਦੋਂ ਦੋਵੇਂ ਸੌਂ ਗਏ ਅਤੇ ਜਦੋਂ ਦੇਰ ਰਾਤ ਤੱਕ ਕਮਰਾ ਨਾ ਖੁੱਲ੍ਹਿਆ ਤਾਂ ਲੋਕਾਂ ਨੂੰ ਸ਼ੱਕ ਹੋਇਆ ਕਿ ਕੋਈ ਅਣਸੁਖਾਵੀਂ ਘਟਨਾ ਵਾਪਰ ਗਈ ਹੈ। ਜਿਵੇਂ ਹੀ ਦਰਵਾਜ਼ਾ ਤੋੜਿਆ ਗਿਆ ਤਾਂ ਅੰਦਰ ਦਾ ਨਜ਼ਾਰਾ ਕੁਝ ਹੋਰ ਹੀ ਸੀ ਜਿਸ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ। ਦੇਖਿਆ ਗਿਆ ਕਿ ਦੋਵੇਂ ਬੇਹੋਸ਼ੀ ਦੀ ਹਾਲਤ ਵਿਚ ਬੈੱਡ ਉਤੇ ਮ੍ਰਿਤਕ ਪਾਏ ਗਏ। ਪੁਲਿਸ ਨੇ ਜਦੋਂ ਮ੍ਰਿਤਕ ਦੇ ਮੋਬਾਈਲ ਫੋਨਾਂ ਦੀ ਬਾਰੀਕੀ ਨਾਲ ਜਾਂਚ ਕੀਤੀ ਤਾਂ ਉਨ੍ਹਾਂ ਨੂੰ ਸਾਰਾ ਮਾਮਲਾ ਸਮਝ ਆਇਆ। ਦੋਵਾਂ ਦੀਆਂ ਇਤਰਾਜ਼ਯੋਗ ਫੋਟੋਆਂ ਅਤੇ ਵੀਡੀਓ ਉਨ੍ਹਾਂ ਦੇ ਮੋਬਾਈਲਾਂ ਉਤੇ ਭੇਜੀਆਂ ਗਈਆਂ ਸਨ, ਜਿਸ ਕਾਰਨ ਦੋਵਾਂ ਨੂੰ ਡੂੰਘੀ ਸੱਟ ਵੱਜੀ | ਪੁਲਿਸ ਨੇ ਜਦੋਂ ਜਾਂਚ ਨੂੰ ਅੱਗੇ ਵਧਾਇਆ ਤਾਂ ਵੀਡੀਓ ਭੇਜਣ ਵਾਲੇ ਨੌਜਵਾਨ ਨੂੰ ਗ੍ਰਿਫ.ਤਾਰ ਕਰ ਲਿਆ ਗਿਆ। ਮੁਲਜ਼ਮ ਦਾ ਨਾਂ ਰੌਕੀ ਕੁਮਾਰ ਵਾਸੀ ਪਿੰਡ ਪ੍ਰਾਣਪੁਰ ਦੱਸਿਆ ਗਿਆ ਹੈ, ਜੋ ਪਰਾਇਆ ਥਾਣਾ ਖੇਤਰ ਦਾ ਰਹਿਣ ਵਾਲਾ ਹੈ। ਉਸ ਨੇ ਹੀ ਦੋਵਾਂ ਪਤੀ-ਪਤਨੀ ਦੀਆਂ ਇਤਰਾਜ਼ਯੋਗ ਤਸਵੀਰਾਂ ਅਤੇ ਵੀਡੀਓਜ਼ ਇੰਸਟਾਗ੍ਰਾਮ ਅਤੇ ਸੋਸ਼ਲ ਮੀਡੀਆ ਉਤੇ ਸ਼ੇਅਰ ਕੀਤੀਆਂ ਸਨ, ਜਿਸ ਕਾਰਨ ਦੋਵੇਂ ਮਾਨਸਿਕ ਤੌਰ ਉਤੇ ਦੁਖੀ ਸਨ। ਇਸ ਸਬੰਧੀ ਟੇਕਰੀ ਦੇ ਐਸਡੀਪੀਓ ਗੁਲਸ਼ਨ ਕੁਮਾਰ ਨੇ ਦੱਸਿਆ ਕਿ ਮ੍ਰਿਤਕ ਦੇ ਪਿਤਾ ਰਾਮਦੇਵ ਸਿੰਘ ਵੱਲੋਂ ਪਰਾਇਆ ਥਾਣੇ ਵਿੱਚ ਦਰਖਾਸਤ ਦਿੱਤੀ ਗਈ ਸੀ, ਜਿਸ ਵਿੱਚ ਪਿੰਡ ਪ੍ਰਾਣਪੁਰ ਦੇ ਰੌਕੀ ਕੁਮਾਰ ਉਰਫ਼ ਰਵੀ ਨੂੰ ਖ਼ੁਦ.ਕੁਸ਼ੀ ਕਰਨ ਦਾ ਕਾਰਨ ਦੱਸਿਆ ਗਿਆ ਸੀ। ਕੇਸ ਦਰਜ ਕਰ ਕੇ ਟੀਮ ਬਣਾਈ ਗਈ ਹੈ। ਇਸ ਦੇ ਆਧਾਰ ਉਤੇ ਰੌਕੀ ਕੁਮਾਰ ਨੂੰ ਗ੍ਰਿਫ.ਤਾਰ ਕੀਤਾ ਗਿਆ। ਉਨ੍ਹਾਂ ਵੱਲੋਂ ਆਪਣੇ ਮੋਬਾਈਲ ਉਤੇ ਇੰਸਟਾਗ੍ਰਾਮ ਸਟੇਟਸ ਉਤੇ ਇਕ ਇਤਰਾਜ਼ਯੋਗ ਫੋਟੋ ਪਾ ਦਿੱਤੀ ਗਈ, ਜਿਸ ਕਾਰਨ ਉਨ੍ਹਾਂ ਨੂੰ ਗਹਿਰਾ ਦੁੱਖ ਹੋਇਆ ਅਤੇ ਇਸ ਕਾਰਨ ਜੋੜੇ ਨੇ ਖੁਦ.ਕੁਸ਼ੀ ਕਰ ਲਈ। ਐਸਡੀਪੀਓ ਨੇ ਦੱਸਿਆ ਕਿ ਇਸ ਮਾਮਲੇ ਵਿੱਚ ਹੋਰ ਖੋਜ ਜਾਰੀ ਹੈ।
