ਕੰਮ ‘ਤੇ ਪਹੁੰਚਿਆ ਹੀ ਸੀ ਕਿ ਆ ਗਈ ਫੋਨ ਕਾਲ – ਤੁਹਾਡੀ ਘਰਵਾਲੀ ਨੇ ਦੋਵੇਂ ਬੇਟੀਆਂ ਨਾਲ ਚੌਥੀ ਮੰਜ਼ਿਲ ਤੋਂ ਛਾਲ ਮਾਰ ਦਿੱਤੀ ਹੈ
ਨੋਇਡਾ (ਵੀਓਪੀ ਬਿਊਰੋ): ਨੋਇਡਾ ਦੇ ਬਰੌਲਾ ਪਿੰਡ ਵਿੱਚ ਰਹਿਣ ਵਾਲੀ ਇੱਕ ਔਰਤ ਨੇ ਆਪਣੀਆਂ ਦੋ ਬੇਟੀਆਂ ਨੂੰ ਚੌਥੀ ਮੰਜ਼ਿਲ ਤੋਂ ਹੇਠਾਂ ਸੁੱਟ ਦਿੱਤਾ। ਇਸ ਤੋਂ ਬਾਅਦ ਉਸ ਨੇ ਖੁਦ ਵੀ ਛਾਲ ਮਾਰ ਕੇ ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਕੀਤੀ। ਇਸ ਘਟਨਾ ਵਿਚ ਔਰਤ ਅਤੇ ਉਸ ਦੀ ਇਕ ਬੇਟੀ ਦੀ ਮੌਤ ਹੋ ਗਈ। ਜਦਕਿ ਦੂਜੀ ਲੜਕੀ ਦਾ ਇਲਾਜ ਜਾਰੀ ਹੈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਸਰਿਤਾ ਦਾ ਪਤੀ ਮਨੋਜ ਪ੍ਰਯਾਗ ਹਸਪਤਾਲ ਦੀ ਕੰਟੀਨ ਵਿੱਚ ਕੰਮ ਕਰਦਾ ਹੈ। ਸਵੇਰੇ ਸਾਢੇ 9 ਵਜੇ ਦੇ ਕਰੀਬ ਮਨੋਜ ਘਰ ਤੋਂ ਖਾਣਾ ਖਾ ਕੇ ਕੰਟੀਨ ਆਇਆ। ਇਸ ਤੋਂ ਬਾਅਦ ਕਰੀਬ 10 ਤੋਂ 20 ਮਿੰਟ ਬਾਅਦ ਗੁਆਂਢੀਆਂ ਨੇ ਮਨੋਜ ਨੂੰ ਫੋਨ ‘ਤੇ ਹਾਦਸੇ ਦੀ ਸੂਚਨਾ ਦਿੱਤੀ।
ਦਰਦਨਾਕ ਘਟਨਾ ‘ਚ ਸਰਿਤਾ ਅਤੇ ਉਸ ਦੀ ਬੇਟੀ ਕ੍ਰਿਤਿਕਾ (4 ਸਾਲ) ਦੀ ਮੌਤ ਹੋ ਗਈ ਹੈ। ਇਸ ਦੇ ਨਾਲ ਹੀ ਦਿਵਿਆ (3 ਸਾਲ) ਦਾ ਇਲਾਜ ਚੱਲ ਰਿਹਾ ਹੈ। ਮਨੋਜ ਦੀ 7 ਸਾਲ ਦੀ ਇਕ ਹੋਰ ਬੇਟੀ ਵੀ ਹੈ, ਜੋ ਹਾਦਸੇ ਦੇ ਸਮੇਂ ਸਕੂਲ ਜਾ ਰਹੀ ਸੀ।
ਦੱਸਿਆ ਗਿਆ ਕਿ ਔਰਤ ਦੀਆਂ ਚਾਰ ਬੇਟੀਆਂ ਸਨ, ਉਸ ਨੇ ਇਕ ਬੇਟੀ ਆਪਣੀ ਵੱਡੀ ਭੈਣ ਨੂੰ ਦਿੱਤੀ ਸੀ। ਪੁਲਿਸ ਅਨੁਸਾਰ ਸੈਕਟਰ-49 ਥਾਣਾ ਪੁਲਿਸ ਨੂੰ ਸੂਚਨਾ ਮਿਲੀ ਸੀ ਕਿ ਸ਼ਿਵ ਮੰਦਰ ਨੇੜੇ ਪਿੰਡ ਬਰੌਲਾ ਵਿੱਚ ਸਰਿਤਾ (32) ਨਾਂ ਦੀ ਔਰਤ ਕਰੀਬ ਤਿੰਨ ਸਾਲਾਂ ਤੋਂ ਕਿਰਾਏ ’ਤੇ ਰਹਿ ਰਹੀ ਹੈ। ਗੁਆਂਢੀਆਂ ਨੇ ਦੱਸਿਆ ਕਿ ਔਰਤ ਆਪਣੀਆਂ ਦੋ ਬੇਟੀਆਂ ਸਮੇਤ ਛੱਤ ਤੋਂ ਡਿੱਗ ਗਈ ਸੀ। ਪੁਲਿਸ ਨੇ ਤੁਰੰਤ ਔਰਤ ਅਤੇ ਦੋਹਾਂ ਲੜਕੀਆਂ ਨੂੰ ਇਲਾਜ ਲਈ ਹਸਪਤਾਲ ਪਹੁੰਚਾਇਆ। ਜਿੱਥੇ ਔਰਤ ਅਤੇ ਬੇਟੀ ਕ੍ਰਿਤਿਕਾ ਦੀ ਮੌਤ ਹੋ ਗਈ। ਜਦਕਿ ਦੂਜੀ ਧੀ ਦਾ ਇਲਾਜ ਜਾਰੀ ਹੈ।
