ਅੱਧੀ ਰਾਤ ਨੂੰ ਪਿੰਡ ਹੋਈ ਵਾਰਦਾਤ, ਪਰਿਵਾਰ ਦੀ ਉੱਡੀ ਨੀਂਦ, ਖੌਫ ਚ ਲੰਘੀ ਪੂਰੀ ਰਾਤ

ਭਾਵੇਂ ਕਿ ਚੋਣ ਜ਼ਾਬਤਾ ਲਾਗੂ ਹੈ ਪਰ ਹਾਲੇ ਤੱਕ ਵੀ ਗੋਲੀਆਂ ਚੱਲਣ ਦੀਆ ਘਟਨਾਵਾਂ ਅਕਸਰ ਸਾਹਮਣੇ ਆ ਰਹੀਆਂ ਹਨ ਜਿਸ ਦੀ ਤਾਜ਼ਾ ਮਿਸਾਲ ਹੈ,ਤਰਨ ਤਾਰਨ ਦੇ ਪਿੰਡ ਬੇਗਮਪੁਰਾ ਵਿੱਚ ਕੁੱਝ ਅਣਪਛਾਤੇ ਵਿਅਕਤੀਆਂ ਵੱਲੋਂ ਇੱਕ ਘਰ ਤੇ ਅੱਧੀ ਰਾਤ ਨੂੰ ਗੋਲੀਆਂ ਚਲਾਈਆਂ ਗਈਆਂ, ਜਿਸ ਕਾਰਨ ਪ੍ਰੀਵਾਰ ਨੇ ਸਾਰੀ ਰਾਤ ਸਹਿਮ ਵਿੱਚ ਗੁਜਾਰੀ, ਪੁਲਿਸ ਨੂੰ ਫੋਨ ਕਰਨ ਤੇ ਵੀ ਪੁਲਿਸ ਨਹੀ ਪੁੱਜੀ ਪ੍ਰੀਵਾਰ ਦੇ ਲੜਕੇ ਹਰਪਾਲ ਸਿੰਘ ਨੇ ਦੱਸਿਆ ਕਿ ਅੱਧੀ ਰਾਤੀਂ ਜਦੋਂ ਉਸਦੇ ਦੇ ਪਿਤਾ ਰਾਤ ਉੱਠੇ ਤਾਂ ਕੁੱਝ ਅਣਪਛਾਤੇ ਵਿਅਕਤੀਆਂ ਵੱਲੋਂ ਓਹਨਾਂ ਦੇ ਘਰ ਦੇ ਅੰਨੇਵਾਹ ਗੋਲੀਆਂ ਚਲਾਈਆਂ ਗਈਆਂ

ਜੋਂ ਕਿ ਕੁੱਝ ਓਹਨਾਂ ਦੇ ਘਰ ਦੇ ਗੇਟ ਤੇ ਲੱਗੀਆਂ ਅਤੇ ਤਿੰਨ ਗੋਲੀਆਂ ਓਹਨਾਂ ਦੀ ਪਾਣੀ ਵਾਲੀ ਟੈਂਕੀ ਤੇ ਲਗੀਆ, ਓਹਨਾਂ ਨੂੰ ਸ਼ੱਕ ਹੈ ਕਿ ਓਹਨਾਂ ਦੇ ਪਿੰਡ ਦੇ ਕੁੱਝ ਲ਼ੋਕ ਜਿੰਨ੍ਹਾਂ ਨਾਲ ਓਹਨਾ ਦੀ ਪੁਰਾਣੀ ਰੰਜ਼ਿਸ਼ ਚੱਲੀ ਆ ਰਹੀ ਹੈ

ਓਹਨਾਂ ਹੀ ਸਾਡੇ ਘਰ ਤੇ ਗੋਲੀਆਂ ਚਲਾਈਆਂ ਹਨ, ਉੱਧਰ ਦੂਜੇ ਪਾਸੇ ਦੂਜੀ ਧਿਰ ਨਾਲ ਗਲਬਾਤ ਕੀਤੀ ਤਾਂ ਬਜ਼ੁਰਗ ਮਾਤਾ ਨੇ ਕਿਹਾ ਕਿ ਇਹਨਾਂ ਨੇ ਪਹਿਲਾ ਓਹਨਾਂ ਦੇ ਪੁੱਤਰ ਦੀ ਐਕਸੀਡੈਂਟ ਵਿਚ ਮੌਤ ਕਰ ਦਿੱਤੀ ਅਤੇ ਹੁੱਣ ਇਹ ਝੂਠੇ ਇਲਜਾਮ ਲਗਾ ਕੇ ਸਾਡੇ ਪ੍ਰੀਵਾਰ ਨੂੰ ਕੇਸਾਂ ਵਿੱਚ ਫਸਾਉਣ ਚਾਹੁੰਦੇ ਹਨ ਓਹਨਾਂ ਕਿਹਾ ਕਿ ਅਗਰ ਮੇਰੈ ਪੁੱਤਰਾ ਦਾ ਕੋਈ ਕਸੂਰ ਨਿਕਲਦਾ ਹੈ ਤਾਂ ਉਹ ਖ਼ੁਦ ਇਹਨਾਂ ਨੂੰ ਸਜਾ ਦਿਵਾਏਗੀ,

ਮਾਮਲੇ ਦੀ ਜਾਂਚ ਕਰ ਰਹੇ ਥਾਣਾ ਸਰਹਾਲੀ ਤੇ ਜਾਂਚ ਅਧੀਕਾਰੀ ਨੇ ਕਿਹਾ ਕਿ ਉਹ ਮਾਮਲੇ ਦੀ ਜਾਂਚ ਕਰ ਰਹੇ ਹਨ ਅਤੇ ਜਾਂਚ ਤੋ ਜੋਂ ਵੀ ਦੋਸ਼ੀ ਪਾਇਆ ਗਿਆ ਉਸ ਉਪਰ ਬਣਦੀ ਕਾਰਵਾਈ ਕੀਤੀ ਜਾਵੇਗੀ