ਨਿਹੰਗ ਸਿੰਘਾਂ ਦੇ ਬਾਣੇ ‘ਚ ਆਏ ਹਮਲਾਵਰਾਂ ਨੇ RPF ਜਵਾਨ ਦੀ ਕੀਤੀ ਕੁੱਟਮਾਰ, ਲੱਗੇ 20 ਟਾਂਕੇ
ਜਲੰਧਰ (ਵੀਓਪੀ ਬਿਊਰੋ) ਜਲੰਧਰ ਜ਼ਿਲ੍ਹੇ ਦੇ ਹਲਕਾ ਕਰਤਾਰਪੁਰ ‘ਚ ਇੱਕ ਸ਼ਖਸ ‘ਤੇ ਹਮਲਾਵਰਾਂ ਨੇ ਜਾਨਲੇਵਾ ਹਮਲਾ ਕਰ ਦਿੱਤਾ ਹੈ। ਜਾਣਕਾਰੀ ਦੇ ਮੁਤਾਬਿਕ ਨਿਹੰਗ ਸਿੰਘਾਂ ਦੇ ਪਹਿਰਾਵੇ ‘ਚ ਆਏ ਕਾਰ ਸਵਾਰ 4 ਹਮਲਾਵਰਾਂ ਨੇ ਸ਼ਖਸ ‘ਤੇ ਹਮਲਾ ਕੀਤਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਜ਼ਖਮੀ ਸ਼ਖਸ RPF ਜਵਾਨ ਹੈ। ਘਟਨਾ ਵਿੱਚ RPF ਦਾ ਜਵਾਨ ਗੁਰਪ੍ਰੀਤ ਸਿੰਘ ਨੂੰ 30 ਤੋਂ ਵਧ ਟਾਂਕੇ ਲੱਗੇ ਹਨ।
ਇਹ ਘਟਨਾ ਜਲੰਧਰ ਦੇ ਕਰਤਾਰਪੁਰ ਤੇ ਪੈਂਦੇ ਫਾਟਕ ਨੰਬਰ 55 ‘ਤੇ ਵਾਪਰੀ, ਜਿੱਥੇ RPF ਜਵਾਨ ‘ਤੇ ਜਾਣ ਲੇਵਾ ਹਮਲਾ ਹੋਇਆ। ਮੁੱਢਲੀ ਜਾਣਕਾਰੀ ‘ਚ ਗੱਲ ਸਾਹਮਣੇ ਆਈ ਹੈ ਫਾਟਕ ਦੇ ਵਿੱਚ ਗੱਡੀ ਖੜੀ ਕਰਕੇ ਮੁਲਜ਼ਮਾਂ ਵੱਲੋਂ ਨਿਯਮ ਤੋੜਿਆ ਗਿਆ।
ਮੌਕੇ ‘ਤੇ ਰੇਲਵੇ ਦੇ ਮੁਲਾਜ਼ਮ ਨੇ ਵੀਡੀਓ ਬਣਾ ਮੌਕੇ ਤੇ ਘਟਨਾ ਦੀ ਦਿੱਤੀ ਜਾਣਕਾਰੀ। ਜਾਣਕਾਰੀ ਦੇ ਅਨੁਸਾਰ ਤਿੱਖੇ ਵਾਰ ਕੀਤੇ ਗਏ ਅਤੇ ਬਾਂਹ ‘ਤੇ ਗਹਿਰੇ ਟੱਕ ਵੀ ਲਗਾਏ ਗਏ। ਜਖਮੀ ਨੂੰ ਲਾਗੇ ਦੇ ਸਰਕਾਰੀ ਹਸਪਤਾਲ ਦੇ ਵਿੱਚ ਇਲਾਜ ਲਈ ਦਾਖਲ ਕੀਤਾ ਗਿਆ।
ਮੌਕੇ ਤੇ ਜੀਆਰਪੀ ਅਤੇ ਪੰਜਾਬ ਪੁਲਿਸ ਕਰਤਾਰਪੁਰ ਥਾਣੇ ਦੇ ਅਫਸਰ ਜਾਂਚ ਕਰ ਰਹੇ ਹਨ।
